Mathiơ 23:8 - Sră Goh 2018

⁸ Mơya bol mê bañ lòi cau sơnđan bol mê la Rabi, bơh bol mê gơs mìng dô Bơtau la Cau Bơto, ai jơh ală bol mê la oh mi.

Mathiơ 23:8 Mawu Ofanana

Mathiơ 10:25

Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Mathiơ 17:5

Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 23:10

Kung bañ lòi cau sơnđan bol mê la cau tòm, bơh bol mê gơs mìng dô nă Cau tòm hơ̆ la Bơtau Krist.

Mathiơ 23:7

kòñ gơs cau lùp còp să tòm gùl drà, mơ kòñ gơs cau sơnđan he la Rabi.

Mathiơ 26:25

Juda la cau pơrlơ̆ dră di Kơnràñ lùp lah: “Ơ Rabi, hơ̆ la añ ơ?” Kơnràñ ho lah: “Ngan be mê neh đơs.”

Mathiơ 26:49

Juda tus rềp mo di Yàng Jesu mơ đơs lah: “Rabi, niam să sơl?” Gen cum Kơnràñ.

Jơnau Niam Jat Mak 10:51

Yàng Jesu lùp lah: “Ñchi mê kòñ Añ lơh mê in taih?” Cau jơngo ho lah: “Ơ Cau Bơto, añ kòñ geh àng mat.”

Jơnau Niam Jat Mak 11:21

Tŭ hơ̆ Pier kah wơl jơnau Yàng Jesu neh đơs mơ chi, gen đơs mơ Kơnràñ lah: “Ơ Rabi, sền ne! Chi ƀal mơ Kơnràñ srat gơ neh ro rau.”

Jơnau Niam Jat Mak 14:45

Tòm tŭ neh tus rau, Juda tus mo hơ Yàng Jesu mơ đơs lah: “Ơ Cau Bơto!” gen cum Kơnràñ.

Jơnau Niam Jat Mak 9:5

Chòp Pier đơs mơ Yàng Jesu lah: “Ơ Cau Bơto, bol he ơm tềng do niam ngan. Lòi bol hi lơh pe nơm sàl: Dô nơm Kơnràñ in, dô nơm Môise in mơ dô nơm Eli in.”

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Jang 1:38

Yàng Jesu wơlke, gŏ bol khai lòt jat gen lùp lah: “Ñcau bol mê jòi taih?” Bol khai ho lah: “Rabi, (gơtha la cau bơto), ntềng đah Cau Bơto ơm?”

Jang 1:49

Nathanael ho lah: “Rabi, Cau Bơto la Kòn Yàng Tom Trồ, Kơnràñ la Bơtau làng bol Israel dê!”

Jang 11:8

Ală cau bơtê đơs lah: “Ơ Rabi, cau Juda jòi nàng cơm lŭ dê Cau Bơto, mơ tŭ do ñchi bơh tài Cau Bơto kòñ rê wơl tềng hơ̆ taih?”

Jang 20:16

Yàng Jesu đơs lah: “Ơ Mari!” Mari wơlke, đơs mơ jơnau Hebrơ lah: “Rabôni!” (hơ̆ la Cau Bơto).

Jang 3:2

Tòm trồ mang, khai lòt tus hơ Yàng Jesu mơ đơs lah: “Ơ Rabi, bol hi git Kơnràñ la cau bơto tus bơh Yàng Tom Trồ, dilah Yàng Tom Trồ ò ơm bal, gen ò gơs cau lơi rgơi lơh gơs ală tềl krơi Kơnràñ neh lơh hơ̆.”

Jang 3:26

Bol khai lòt tus hơ Jang mơ đơs lah: “Ơ Rabi, cau neh ơm mơ ồng đah mattơngai lik hiòng Jordan, mơ geh ồng lơh cơng niam, tŭ do khai ơm lơh ƀaptem mơ jơh tơl nă cau lòt tus hơ khai.”

Jang 4:31

Kung tòm tŭ hơ̆, ală cau bơtê dan Kơnràñ lah: “Ơ Rabi, dan jà sào.”

Jang 6:25

Tòm tŭ bol khai bàn Kơnràñ di gah đah ne dàlềng, gen đơs lah: “Ơ Rabi, tŭ lơi ồng lòt tus tềng do taih?”

Jang 9:2

Ală cau bơtê lùp Kơnràñ lah: “Ơ Rabi, ñcau neh tìs glài, cau do hala mè bèp khai, gen tàng bơh tŭ pa deh khai neh jơngo behơ̆ taih?”

II Kôrintô 1:24

mơ ò di bol hi kòñ at bồ bơta dòn oh mi dê, mơya bol hi kòñ dong kòl bơta hòn chò oh mi dê, bơh oh mi geh ntào kơ̆ tòm bơta dòn.

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

Ephesô 3:15

bơh Kơnràñ mơ jơh ală jơi bơtiàn hơđang trồ mơ tòm ù geh tơmoh sơnđan.

Philemôn 1:16

ò di sền be dĭ gơna tai ò, mơya sền màng rlau mơ dĭ gơna, sền be oh mi kòñ gơboh, sơnròp ngan la kòñ gơboh añ jê, tơ ài lah bi gen sơlo rlau tai, bơh pơnah đah poac să mơ pơnah tòm Yàng sơl.

Jakơ 3:1

Ơ oh mi añ jê, tòm oh mi bañ gơs oă cau lơh gơs cau bơto, bơh git lah bol he la cau bơto gen rơp kong cahrña dô bă kràñ cê rlau tai.

I Pier 5:3

ò di nàng at bồ ală cau neh jào oh mi in, mơya nàng lơh krơh niam mpồl belàt in.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”

Yal Tơlik 22:9

Mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê dê la ală cau gơnoar hwơr, mơ ală cau prap gàr ală jơnau tòm sră do. Duh khoai tĕ Yàng Tom Trồ.”