Mathiơ 23:4 - Sră Goh 2018

⁴ Bol khai kơt mơ dap ală phan àñ kơnjơ̆ hơđang pơnì cau; mơya să tòm bol khai ò bài ƀư mơ ràs tê.

Mathiơ 23:4 Mawu Ofanana

Esai 46:1

Bel kun tơmù, Nebô gơpừ; ală rùp ràk bol khai dê geh pơdiang hơđang phan poan jơng mơ kơnrồ. Ală rùp duh khoai bol mê tùng tơnàñ kơnjơ̆ hơđang ală phan poan jơng òsô.

Mathiơ 23:23

Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Mathiơ 23:3

Behơ̆ prap gàr mơ lơh jat tĕ jơh ală bơta bol khai sồr, mơya bañ đòm broă bol khai lơh, bơh bol khai đơs mơ ò lơh.

Luka 11:46

Kơnràñ đơs lah: “Kung bòl glar bol mê in la cau bơto bơta boh lam! Bơh bol mê neh tơnàñ kơnjơ̆ cau ò jai kong, ai să tòm bol mê gen ò ƀư mơ cồng tê.

Broă 15:10

Behơ̆ tŭ do, ñchi bơh tài oh mi khin lòng Yàng Tom Trồ, tơntui ală cau dòn in yô mơ ồng pàng bol he hala să tòm bol he kung ò jai tui?

Broă 15:28

Bơh Yàng Hwềng Goh mơ bol hi neh dô nùs bal ò di tơnàñ kơnjơ̆ tai oh mi in rlau mơ ală bơta pal càng do:

Galati 6:13

Bơh să tòm ală cau hơ̆ neh kong siat gơltau, mơ bol khai kung ò prap gàr bơta boh lam ò; mơya bol khai kòñ oh mi kong siat gơltau, nàng bol khai rgơi jòng să tòm poac să oh mi dê.

I Jang 5:3

Kòñ gơboh dê Yàng Tom Trồ hơ̆ la bol he prap gàr ală bơta sồr lam Kơnràñ dê; bơta sồr lam Kơnràñ di ò di la kơnjơ̆.

Yal Tơlik 2:24

Mơya đah pơnah ală cau ndai tòm bol mê ơm tòm Thiatirơ, la ală cau ò dòp bơta bơto sồr hơ̆, mơ ò git bơta gơs cau ƀà sơnđan la ală bơta jrô ndơp cà Satan dê, gen Añ đơs mơ bol mê lah Añ ò tơntui bol mê in ơnòng kơnjơ̆ lơi ndai tai ò;