Mathiơ 23:26 - Sră Goh 2018

²⁶ Ơ cau Pharisi jơngo ne! Lài ngan rào tĕ tòm dơlam mơngàn mơ prềng, gen đah bơdìh kung goh sơl.

Mathiơ 23:26 Mawu Ofanana

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Jeremi 13:27

Añ neh gŏ ală bơta cù kìr ai dê, Hơ̆ la bơta rềs àr bơrnàn, mơ jơnau hòi tòmjà dri tơlàr be ơseh, mơ bơta dri tơlàr ò git ƀàssìl ai dê, hơđang ală dòr di gah ală ƀlàng sre. Ơ Jerusalem, bòl glar ngan ai in! Ai ò bài lơh goh să ai tus di tŭ lơi taih?

Jeremi 4:14

Ơ Jerusalem, rào goh tĕ nùs bol mê dê bơh bơta iơh bơsak, Tồ mê in geh dong tă. Nđò jŏ mê lòi bơta bơyai iơh ơm tòm dơlam mê taih?

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Mathiơ 12:33

“Dilah chi niam gen plai gơ kung niam, chi iơh gen plai gơ kung iơh, bơh sền plai gen git chi.

Mathiơ 14:8

Tài bơh mè chồl bơtrut gen khai đơs lah: “Dan ai añ in bồ Jang Ƀaptis ơn tòm sơlào tềng do.”

Jơnau Niam Jat Mak 7:4

Tòm tŭ bol khai cèng phan lơi bơh drà, dilah ò rào lài gen kung ò sa sơl. Bol khai gam mơ kơrmap gàr oă bơta ndai tai, be rào mơngàn mơ gri mơ gri kòng.

Luka 11:39

Mơya Yàng Jesu đơs mơ khai lah: “Do bol mê la ală cau Pharisi rào goh đah bơdìh mơngàn mơ prềng, mơya đah dơlam bol mê bềng lìu bơta sa kwà mơ iơh bơsak.

Luka 6:45

Cau lơbơn niam bơh bơta niam tòm nùs mơ tơlik bơta niam, cau iơh bơsak bơh bơta iơh bơsak tòm nùs mơ tơlik bơta iơh bơsak, bơh jat bơta bềng lìu tòm nùs gen sồng bơr đơs tơlik.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Hebrơ 10:22

mơ bơh neh gơs nùs geh rào goh bơh nùs tồr iơh, să jan geh rào goh mơ dà sàng, gen tàng bol he pal ai nùs song bal mơ bơta dòn kơ̆ nền wil tơl mơ lòt tus rềp hơ Yàng Tom Trồ.

Jakơ 4:8

Tus tĕ rềp mơ Yàng Tom Trồ gen Kơnràñ rơp tus rềp mơ oh mi. Ơ ală cau glài, rào tĕ tê he; ơ ală cau gơs bàr đah nùs, lơh tĕ sàng goh nùs he.