Mathiơ 23:23 - Sră Goh 2018

²³ Bòl glar bol mê in, cau bơto bơta boh lam mơ cau Pharisi, la cau ma blac! Bơh bol mê ơn pơnah jơt tòm biap trau, biap ƀô mơ biap krồng, mơ sang lòi bơta dờng màng rlau tòm bơta boh lam, la bơta song ring bơta kòñ nđàc, mơ bơta dòn. Ală bơta do bol mê pal lơh, mơ kung ò di lơh ñhòt ală bơta ne sơl.

Mathiơ 23:23 Mawu Ofanana

Jơnau Pơnđik 21:3

Lơh jat bơta song ring mơ song ngan geh niam nùs Yàng Jehôwa rlau mơ phan ơn duh khoai.

Esai 28:25

Tòm tŭ khai neh pơnring ù rau, gen khai ò di sih gar kòi ò ơ? Khai ò di tùc kòi mi di tiah rcang gơ in, kòi kròng di tiah lòi gơ in, mơ kòi pràng di tiah ơn is gơ in ò ơ?

Jeremi 22:3

Yàng Jehôwa đơs be do: ‘Lơh tĕ bơta song ngan mơ song ring; dong cau kong kup bơklơn klàs bơh tê cau rồn bơklơn; bañ lơh tìs mơ bañ rồn bơklơn cau ơm tòp, cau kòn đòi hala cau ùr bơnrau, mơ bañ lơh gơtuh mhàm ò gơs glài tòm tiah do.

Sră Ôse 6:6

Bơh Añ kòñ bơta kòñ gơboh kơ̆ dơn, ò kòñ phan ơn pơdơng, mơ bơta đal git Yàng Tom Trồ la niam rlau mơ phan ơn chu pơrguc.

Lebi 27:30

Dô pơnah jơt bơh jơh ală phan gơlik gơs bơh di ù tiah, bulah la kòi mbo bơh di ù hala plai đo bơh di ală tòm chi, gơrê bal mơ Yàng Jehôwa; phan hơ̆ la sàng goh Yàng Jehôwa in.

Mice 6:8

Ơ kòn mơnus, Kơnràñ neh yal mê in bơta lơi la niam; Bơta mơ Yàng Jehôwa jòi lùp mê. Hơ̆ ò di la lơh bơta song ring, gơboh bơta lơbơn niam, mơ cơnđoà lòt dô bă pơndêt să mơ Yàng Tom Trồ ò ơ?

Mathiơ 12:7

Dilah bol mê neh git wă jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò,’ gen bol mê ò lơh nền glài ală cau ò gơs glài.

Mathiơ 23:13

“Bòl glar bol mê in, cau bơto bơta boh lam mơ cau Pharisi, la cau ma blac! Tài bơh bol mê til mpồng lơgar đang trồ di đap cau; să tòm bol mê ò bài mut mơ cau lơi kòñ mut gen bol mê kung ò ai. [

Mathiơ 9:13

Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

Luka 11:42

Mơya bòl glar bol mê in la cau Pharisi! Bơh bol mê neh ơn dô pơnah jơt biap trau, biap krồng mơ ală biap ndai, mơ sang lòi bơta song ring mơ nùs kòñ gơboh di Yàng Tom Trồ. Ală bơta do bol mê pal lơh mơ kung ò di lơi hŭi ală bơta ne sơl.

Luka 18:12

Añ ơt sa bàr dơ̆ tòm dô poh, añ ơn dô pơnah jơt bơh jơh ală phan añ dòp geh.’

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.