Mathiơ 23:12 - Sră Goh 2018

¹² Dilah cau lơi yò tơngguh is să he gen rơp gơtơmù, ai cau tơnliah is să he gen rơp geh yò tơngguh.”

Mathiơ 23:12 Mawu Ofanana

Sră Jop 22:29

Tòm tŭ kong cau ndai lơh ƀàssìl, mơ ồng đơs lah: ‘Hơ̆ la bơta pơnhừ să!’ Gen Kơnràñ rơp dong klàs cau pơndêt să.

Đơs Crih 138:6

Bulah Yàng Jehôwa ơm hơđang jòng, Mơya kung wèt sền ală cau ò diă ò diơng; Ai cau pơnhừ să gen Kơnràñ đal git bol khai bơh ngài.

Jơnau Pơnđik 15:33

Bơta duh rngòt Yàng Jehôwa bơto sồr bơta jak chài; Mơ bơta pơndêt să lòt lài mơ bơta ki ngàm.

Jơnau Pơnđik 29:23

Bơta pơnhừ să cau dê rơp tơmù cau; mơya cau lơi gơs nùs pìn pơndêt să rơp geh jòng ro.

Esai 57:15

Bơh Bơtau hơđang jòng rlau jơh, la Bơtau ơm tòm tiah gam sùm sùm, Sơnđan Kơnràñ la Bơtau Sàng Goh, đơs be do: “Añ ơm tòm dô bă tiah jơnhoa mơ sàng goh, mơya kung ơm mơ cau gơs nùs jê sồt gơjrañ sang glài mơ pơndêt să, nàng lơh pa wơl hwềng nùs cau pơndêt să, mơ lơh pa wơl nùs cau gơjrañ sang glài.

Daniel 4:37

Tŭ do, añ la bơtau Nebukatnessar jòng ro, mơ yò tơngguh mơ lơh àng sơnđan Bơtau Hơđang Trồ; jơh ală broă Kơnràñ dê la song ngan: ală gùng dà Kơnràñ dê la song ring; mơ Kơnràñ rgơi tơmù liah cau lơi lòt tòm bơta pơnhừ să.

Mathiơ 18:4

Behơ̆ cau lơi pơndêt să be kơnòm dềt do, gen khai la dờng màng rlau tòm lơgar đang trồ.

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Luka 14:11

Bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Jakơ 4:6

Mơya Kơnràñ ai bol he in bơta nđàc oă rlau tai. Behơ̆ tàng Sră Goh cih lah: “Yàng Tom Trồ tòmdră mơ cau pơnhừ să, mơya ai bơta nđàc cau tơnliah să in.”

I Pier 5:5

Kung behơ̆ sơl, ơ ală cau kơnòm să, dòn duh tĕ ală cau kwang kra. Jơh tơl nă pal soh tĕ bơta pơndêt să gơwèt bal mơ gơp, bơh Yàng Tom Trồ sòdră di cau pơnhừ să, mơya ai bơta nđàc cau pơndêt să in.

I Pier 5:6

Behơ̆ gen tơnliah tĕ să he hơđơm tê gơnap gơnoar Yàng Tom Trồ dê, nàng di di tơngai Kơnràñ rơp yò tơngguh oh mi.