Mathiơ 22:16 - Sră Goh 2018

¹⁶ Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Mathiơ 22:16 Mawu Ofanana

I Ală Bơtau 22:14

Mơya Mice ho lah: “Kung be Yàng Jehôwa kis gam sùm mơ srat să, jơnau lơi Yàng Jehôwa đơs mơ añ, gen añ rơp yal.”

Đơs Crih 12:2

Kòp nă đơs jơnau blac chừt bal mơ gơp; Bol khai ai sơndồi rơmhòc mơ bàr đah nùs bol khai đơs.

Đơs Crih 5:9

Bơh di bơr bol khai ò gơs bơta dòn song; Nùs bol khai bềng bơta tơnroh, Rnồng bol khai la bơtô ƀồc pò tơlik, Lơmpiat bol khai dê bềng lìu jơnau rơmhòc.

Đơs Crih 55:21

Jơnau đơs khai dê ntiar rlau mơ dơngi dà toh, Mơya tòm nùs gơs bơta kơlìn gơtoă; Ală jơnau khai dê lơbơn rlau mơ mơñà, Mơya ngan la đào rlai.

Jơnau Pơnđik 29:5

Cau lơi rơmhòc cau ơm rềp mơ he, pơt dă di đap cơnđòa khai.

Malaci 2:6

Jơnau bơto sồr song ngan neh ơm tòm bơr khai, ò gơs dô jơnau lơi tìs tòm bơr khai dê, mơ ò gơs dô jơnau lơi tìs geh jòi bàn tòm sơndồi khai dê. Khai neh cơnđòa lòt bal mơ Añ tòm bơta song ngan mơ song ring, mơ neh lơh oă cau in pơrlac sang bơta tồi glài.

Malaci 2:9

Behơ̆ gen Añ neh lơh bol mê in kòl sền òsơp mơ kong ƀàssìl di đap jơh ală làng bol, tài bơh bol mê ò lòt jat ală gùng dà Añ jê mơya neh yal tơlik bơta ò song ngan tòm bơta bơto sồr mê dê.

Mathiơ 22:24

“Ơ Cau Bơto, Môise neh đơs: ‘Dilah cau lơi chơt mơ ò gơs kòn, gen cau oh rơp bau mơ cau ùr bơnrau hơ̆, nàng tơrbŏ jơi bi khai in.’

Mathiơ 22:26

Cau bàr, cau pe, tus di cau poh kung behơ̆ sơl.

Mathiơ 26:18

Kơnràñ sồr lah: “Lòt tĕ tòm ƀòn dờng, tus hơ hìu dô nă cau ne, mơ đơs lah: ‘Cau Bơto đơs lah: Jơ Añ mòr di; Añ rơp pơjum sa Lòt gan tòm hìu mê dê bal mơ ală cau bơtê Añ jê.’”

Mathiơ 26:49

Juda tus rềp mo di Yàng Jesu mơ đơs lah: “Rabi, niam să sơl?” Gen cum Kơnràñ.

Jơnau Niam Jat Mak 10:17

Dơ̆ Yàng Jesu sơntòm lik lòt, gơs dô nă cau ntoat tus, cùn gơltang di đap Kơnràñ mơ đơs lah: “Ơ Cau Bơto lơbơn niam, ñchi bơta añ pal lơh nàng geh pơrdòn bơta kis gam sùm sùm taih?”

Jơnau Niam Jat Mak 12:13

Bol khai sồr bàr pe nă cau Pharisi mơ cau bal mơ bơnòr Herôt dê lòt tus lơh gơtup tìs tòm jơnau đơs Yàng Jesu nàng jòi kai kup Kơnràñ.

Jơnau Niam Jat Mak 12:14

Behơ̆ ală cau hơ̆ lòt tus, đơs mơ Kơnràñ lah: “Ơ Cau Bơto, bol hi git ồng la cau đơs jơnau song, ò ơn nùs gơwèt hơ bơta kơlôi cau ndai dê. Bơh ồng ò sền đah bơdìh cau dê mơya bơto gùng Yàng Tom Trồ dê dô bă song ngan; behơ̆ boh dia bơtau in la tòm toh mơ bơta boh lam sơl? Bol hi pal boh dia hala ò taih?”

Jơnau Niam Jat Mak 3:6

Tŭ hơ̆ mo ală cau Pharisi lik hơ bơdìh mơ bơyai bal mơ bơnòr cau Herôt dê nàng mbe lơh tồ tơnchơt Kơnràñ.

Jơnau Niam Jat Mak 8:15

Kơnràñ bơto tơngkah bol khai lah: “Kơrhia tĕ, kơrmap gàr să he bơh kañ cau Pharisi mơ kañ Herôt dê.”

Luka 20:21

Bol hơ̆ lùp Kơnràñ lah: “Ơ Cau Bơto, bol hi git ồng đơs mơ bơto song lơm, ò rngòt di cau lơi, mơya bơto gùng Yàng Tom Trồ dê dô bă song ngan.

Luka 7:40

Yàng Jesu ai jơnau đơs mơ cau Pharisi lah: “Ơ Simôn, Añ gơs jơnau đơs mơ mê.” Khai đơs lah: “Ơ cau Bơto, dan kư̆ đơs.”

Jang 14:6

Yàng Jesu đơs lah: “Añ la gùng lòt, jơnau song, mơ bơta kis; ò bơh Añ gen ò gơs cau lơi geh lòt tus hơ Bèp.

Jang 18:37

Gen Pilat đơs lah: “Behơ̆ gen mê la Bơtau ơ?” Yàng Jesu ho lah: “Be jơnau ồng đơs, Añ la Bơtau. Tài bơh hơ̆ mơ Añ neh lik lìng mơ kung tài bơh hơ̆ mơ Añ neh lòt tus tòm dunnia nàng lơh cơng bơh jơnau song. Kòp nă cau lơi bal mơ jơnau song gen iat jơnau đơs Añ jê.”

Jang 7:18

Cau lơi đơs is jat nùs he, gen jòi jat bơta gơklŏ is he in, mơya cau lơi jòi jat bơta gơklŏ Bơtau neh sồr he lòt tus, gen la Cau song ngan, mơ tòm khai ò gơs bơta ma blac.

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

II Kôrintô 5:16

Tài behơ̆ gen tàng bơh do bol hi ò git đal cau lơi jat poac să; bulah bol hi neh git đal Bơtau Krist jat poac să, mơya tŭ do ò tai git đal Kơnràñ jat bơta hơ̆.

Galati 1:10

Ai tŭ do, añ jòi bơta nàng lơh niam nùs kòn mơnus hala lơh niam nùs Yàng Tom Trồ taih? Añ kòñ lơh niam nùs kòn mơnus ơ? Dilah añ gam kòñ lơh niam nùs kòn mơnus, gen añ ò di la dĭ gơna Bơtau Krist dê ò.

Galati 2:6

Ai ală cau neh geh sền be la dờng màng (lài òr bol khai la cau be lơi, gen ò gơs bơta lơi gơwèt mơ añ: Yàng Tom Trồ ò di sền òsơp di cau lơi), añ đơs ngan, ală cau dờng màng hơ̆ kung ò dong bơtơl añ in dô êt bơta lơi.

Yal Wơl 33:9

khai neh đơs bơh bèp mơ bơh mè khai dê lah: ‘Añ ò sền bol khai dờng màng;’ khai ò đal git ală oh mi khai dê, hala dòp git ală kòn sau tòm khai dê. Bơh khai lơh jat jơnau Kơnràñ dê, mơ prap gàr bơta ho bal Kơnràñ dê.

I Tesalônika 2:4

Mơya jat be Yàng Tom Trồ neh dòp bol hi la di pal ngan nàng jào Jơnau Niam bol hi in, gen bol hi đơs, ò di tồ niam nùs cau, mơya nàng niam nùs Yàng Tom Trồ, la Bơtau sền sơwì nùs bol hi.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.