Mathiơ 21:44 - Sră Goh 2018

⁴⁴ Cau lơi dùh hơđang pơnai lŭ hơ̆ gen rơp lề trak, ai lŭ hơ̆ dùh di cau lơi, gen rơp tơnlề cau hơ̆ be thul.”

Mathiơ 21:44 Mawu Ofanana

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

Đơs Crih 2:9

Kòn rơp ngui gai jra lòs mơ pòng bơcah bol khai, Kòn rơp lơh bơcah lề bol khai be gri cau chài mòn gơ.”

Esai 28:13

Gen tàng jơnau Yàng Jehôwa rơp gơlik gơs bol khai in: “Jơnau sồr hơđang jơnau sồr, jơnau sồr hơđang jơnau sồr; sèng hơđang sèng, sèng hơđang sèng; dô êt tềng do, dô êt tềng ne.” Tồ bol khai rơp lòt mơ gơpừ sơrplàng, kong bơcah lề, yar dă, mơ kòl kup cèng pơrdô.

Esai 60:12

Bơh làng bol hala lơgar lơi ò duh broă mê gen rơp roh rui; jơh ală làng bol mơ lơgar hơ̆ rơp gơkòl lòi srau gòi.

Sacari 12:3

Tòm ngai hơ̆, tòm tŭ jơh ală làng bol tòm ù pơjum bal tòmdră mơ Jerusalem, Añ rơp lơh Jerusalem in gơlik gơs kung be dô pơnai lŭ klềr cau ò rgơi pơrlă gơwèt mơ jơh ală làng bol. Jơh ală cau lơi kòñ pơrlă gơ gen să tòm bol khai rơp kong jê sồt.”

Mathiơ 21:43

Tài behơ̆ Añ đơs mơ bol mê, lơgar Yàng Tom Trồ rơp tă bơh di bol mê mơ jào dô nơm làng bol rơp lơh gơlik plai lơgar hơ̆ in.

Mathiơ 21:45

Ală cau gơnoar lam bồ ơn phan duh khoai mơ ală cau Pharisi kơno ală jơnau pơnyơu hơ̆, gen git Kơnràñ đơs bơh bol khai.

Mathiơ 26:24

Kòn Mơnus lòt, jat be jơnau neh cih bơh Khai, mơya bòl glar cau do in la cau pơrlơ̆ dră di Kòn Mơnus! Chan ò deh khai la niam rlau.”

Mathiơ 27:25

Jơh làng bol ho lah: “Dan mhàm Khai tuh hơđang bol hi mơ kòn sau bol hi dê!”

Luka 2:34

Gen Simeôn ai lơngai bol khai in, mơ đơs mơ Mari mè Kơnràñ lah: “Do, kòn do neh geh bơtào gơs nàng lơh oă cau tòm Israel in gơtup pừ hala tơngguh wơl, kung lơh dô nơm tềl gơkòl tòmdră wơl.

Luka 20:18

Cau lơi dùh hơđang pơnai lŭ hơ̆ gen rơp lề lac; ai lŭ hơ̆ dùh di cau lơi, gen rơp lơh cau hơ̆ lề trak.”

Jang 19:11

Yàng Jesu ho lah: “Dilah ò di bơh hơđang neh ai ồng in, gen ồng ò gơs gơnoar lơi hơđang Añ; behơ̆ tàng, cau neh bơtào Añ ồng in gen cau hơ̆ gơs glài dờng rlau tai.”

Rôma 9:33

be neh cih lah: “Do Añ lòi di Siôn dô nơm pơnai lŭ gơtup jơng, dô nơm pơnai lŭ gơtup pừ; Cau lơi dòn di lŭ hơ̆ gen rơp ò gơs ƀàssìl.”

I Tesalônika 2:16

Bol khai bơkơŭ bol hi bơto cau làng bol bơdìh tồ bol hơ̆ geh dong klàs. Tòm broă do lơh tồi glài bol khai dê sơlo gơbơtơl bềng lìu. Mơ lồi dut bơta gơjrañ dờng neh dùh dô bă nền cê hơđang bol khai rau.

I Pier 2:8

mơ la “Dô nơm pơnai lŭ gơtup jơng, Dô nơm pơnai lŭ lơh gơtup tìs.” Bol khai gơtup jơng tài bơh ò dòn jat jơnau Yàng, jat be bơta neh lơh nền lài bol khai in rau.