Mathiơ 21:32 - Sră Goh 2018

³² Bơh Jang neh tus sơnio gùng song ring bol mê in, mơya bol mê ò dòn khai; ai ală cau dar dia mơ ală cau dri tơlàr neh dòn khai; bulah bol mê neh gŏ bơta hơ̆, mơ kung ò gơjrañ sang glài nàng dòn khai sơl.”

Mathiơ 21:32 Mawu Ofanana

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Mathiơ 11:18

Bơh Jang neh tus ò sa ò ñô, gen cau đơs lah: ‘Khai gơkòl cà lơh.’

Mathiơ 21:25

Bơta ƀaptem Jang dê la bơh lơi bơh trồ hala bơh cau taih?” Bol khai tòmbơyai bal lah: “Dilah bol he đơs: ‘Bơh trồ,’ gen khai rơp đơs mơ bol he lah: ‘Behơ̆ ñchi bơh tài bol mê ò dòn Jang taih?’

Mathiơ 21:31

Tòm bàr nă kòn hơ̆, kòn lơi lơh jat nùs kòñ bèp dê taih?” Bol khai ho lah: “Kòn sơnròp.” Yàng Jesu đơs mơ bol khai lah: “Di ngan Añ đơs mơ bol mê, ală cau dar dia mơ ală cau dri tơlàr rơp geh mut tòm lơgar Yàng Tom Trồ lài mơ bol mê.

Mathiơ 5:46

Dilah bol mê kòñ gơboh di ală cau kòñ gơboh di he, gen gơs phan ƀàn lơi taih? Ală cau dar dia ò di lơh behơ̆ ò ơ?

II Timôthe 2:25

ai bơta niam lơnhơn nàng bơto pơniam wơl ală cau jak pơrlơ̆ dră. Kơp kòñ Yàng Tom Trồ rơp ai bol khai in bơta gơjrañ sang glài nàng git wă jơnau song,

Hebrơ 3:12

Ơ ală oh mi, kơrhia tĕ, rngòt gơs cau lơi tòm oh mi gơs nùs iơh bơsak mơ ò dòn, mơ sang lòi Yàng Tom Trồ gam kis sùm.

II Pier 2:21

Chan bol khai ò gơs tŭ lơi git gùng bơta song ring dê la niam rlau mơ neh git rau mơya tơnơ̆ wơl pơrlac sang bơta sồr lam sàng goh neh bơto yal bol khai in.

Yal Tơlik 2:21

Añ neh ai khai in tŭ nàng gơjrañ sang glài, mơya khai ò bài gơjrañ sang glài rềs àr bơrnàn khai dê.