Mathiơ 21:31 - Sră Goh 2018

³¹ Tòm bàr nă kòn hơ̆, kòn lơi lơh jat nùs kòñ bèp dê taih?” Bol khai ho lah: “Kòn sơnròp.” Yàng Jesu đơs mơ bol khai lah: “Di ngan Añ đơs mơ bol mê, ală cau dar dia mơ ală cau dri tơlàr rơp geh mut tòm lơgar Yàng Tom Trồ lài mơ bol mê.

Mathiơ 21:31 Mawu Ofanana

Sră Jop 15:6

Bơr tòm ồng dê lơh nền glài ồng, ò di añ; Sơndồi tòm ồng dê lơh cơng tòmdră mơ ồng.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Mathiơ 18:3

mơ đơs lah: “Di ngan Añ đơs mơ bol mê, dilah bol mê ò tòmgơl mơ gơlik gơs be kơnòm dềt, gen ò tŭ lơi geh mut tòm lơgar đang trồ.

Mathiơ 20:16

Behơ̆ cau lồi dut rơp gơs sơnròp, mơ cau sơnròp rơp gơs lồi dut.”

Mathiơ 21:30

Chòp bèp lòt tus di kòn dơ̆ bàr mơ kung sồr behơ̆ sơl. Kòn do ho lah: ‘Ơi, ơ bèp, kòn lòt,’ mơya ò lòt.

Mathiơ 5:18

Bơh di ngan Añ đơs mơ bol mê, trồ tiah rơp roh, mơya dô tềl dềt dô cik tòm bơta boh lam kung ò gơs tŭ lơi roh, jơl tus di tŭ jơh ală bơta gơlik wil tơl.

Mathiơ 5:46

Dilah bol mê kòñ gơboh di ală cau kòñ gơboh di he, gen gơs phan ƀàn lơi taih? Ală cau dar dia ò di lơh behơ̆ ò ơ?

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 7:21

“Ò di kòp nă cau đơs mơ Añ lah: ‘Khoai Yàng, khoai Yàng,’ gen geh mut tòm lơgar đang trồ ò, mơya mìng cau lơi lơh jat nùs kòñ Bèp Añ jê ơm hơđang trồ.

Mathiơ 9:9

Yàng Jesu lòt bơh tềng hơ̆, gŏ dô nă cau sơnđan la Mathiơ nggui tòm tiah boh dia, gen sồr khai lah: “Jat tĕ Añ.” Khai ñă ntào mơ jat Kơnràñ.

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Luka 19:22

Cau tòm đơs lah: ‘Ơ cau dĭ iơh bơsak ne, añ jat jơnau mê đơs mơ lơh nền glài mê. Mê neh git añ la cau kràñ cê, dòñ phan ò prap, toès phan ò sih.

Luka 7:29

Jơh làng bol bal mơ ală cau dar dia neh gơs ƀaptem Jang dê kơno Kơnràñ đơs gen kòp Yàng Tom Trồ la song ring.

Jang 3:3

Yàng Jesu ho lah: “Di ngan, Añ đơs ngan mơ mê, dilah cau lơi ò deh wơl pa, gen ò rgơi gŏ lơgar Yàng Tom Trồ dê ò.”

Jang 3:5

Yàng Jesu ho lah: “Di ngan, di ngan, Añ đơs mơ mê, dilah cau lơi ò bơh dà mơ Yàng Hwềng mơ deh, gen ò rgơi mut tòm lơgar Yàng Tom Trồ dê ò.

Broă 17:30

Yàng Tom Trồ ò kòp ală rài cau òhềt git Kơnràñ ò, mơya tŭ do Kơnràñ sồr jơh ală cau tòm kòp bă tiah pal gơjrañ sang glài,

Rôma 3:19

Bol he git lah ală jơnau bơta boh lam đơs, la đơs mơ ală cau ơm tòm gơnoar bơta boh lam dê, tồ kòp nơm bơr pal gơtơmềm, mơ làm jơh dunnia pal ơm hơđơm bơta cahrña Yàng Tom Trồ dê.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

II Pier 3:9

Yàng ò di òbat bơh jơnau ho pơgon Kơnràñ dê be ală cau ne kơlôi la òbat, mơya Kơnràñ kong ơt gơwèt mơ oh mi, ò kòñ dô nă cau lơi roh rui, mơya kòñ jơh tơl nă git gơjrañ sang glài.