Mathiơ 21:16 - Sră Goh 2018

¹⁶ mơ đơs mơ Kơnràñ lah: “Ồng kơno jơnau mpồl kơnòm do đơs sơl?” Yàng Jesu ho lah: “Kơno, behơ̆ bol mê òhềt sền jơnau: ‘Yàng neh geh jòng ro bơh bơr ală kơnòm dềt mơ ală kòn gam pô,’ ò ơ?”

Mathiơ 21:16 Mawu Ofanana

Đơs Crih 8:2

Yàng kơnòm di bơr ală cau kơnòm mơ ală kòn gam pô nàng jòng ro Kơnràñ, Mơ Yàng bơtào gơs gơnoar pràn Kơnràñ dê tài bơh ală cau sò tơm di Kơnràñ, Nàng lơh bol khai mơ cau sal tê in ơm mŏ mŏ.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 12:3

Kơnràñ đơs lah: “Bol mê òhềt sền sră cih bơh broă Dabit lơh tòm tŭ khai mơ ală cau lòt jat khai jơgloh ơ?

Mathiơ 19:4

Kơnràñ ho lah: “Bol mê òhềt sền jơnau neh cih lah, bơh sơnròp Yàng Tom Trồ neh lơh gơs cau klau mơ cau ùr,

Mathiơ 22:31

Bol mê òhềt sền jơnau Yàng Tom Trồ đơs bơh bơta kis wơl cau chơt dê lah:

Jơnau Niam Jat Mak 13:17

Tòm ală ngai hơ̆, bòl glar cau bun in mơ cau gơs kòn pô in!

Jơnau Niam Jat Mak 2:25

Yàng Jesu ho lah: “Bol mê òhềt tŭ lơi sền sră cih bơh broă Dabit lơh tòm tŭ khai mơ ală cau lòt jat khai gơtìp ò tơl phan sa mơ jơgloh ò ơ?

Luka 21:23

Tòm ală ngai hơ̆, bòl glar cau bun in mơ cau gơs kòn pô in! Bơh rơp gơs bơta rung rài dờng gơdùh tòm ù mơ bơta lơh glài Yàng Tom Trồ rơp tus hơđang làng bol do.