Mathiơ 20:28 - Sră Goh 2018

²⁸ Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”

Mathiơ 20:28 Mawu Ofanana

Sră Jop 33:24

Nàng yal tơlik bơta nđàc cau hơ̆ in mơ đơs lah: ‘Dong tă tĕ khai klàs bơh di gùng mù hơ bơtô ƀồc; Añ neh jòi bàn dô nơm phan tơwài khai rau.’

Đơs Crih 49:7

Ngan, ò gơs cau lơi rgơi tơwài să tòm he dê, Hala tơm khà phan tơwài khai Yàng Tom Trồ in,

Esai 53:5

Mơya Kơnràñ neh bơh tồi glài bol he dê mơ kong tềl sồt, bơh bơta iơh bơsak bol he dê mơ kong tơnlề; bơh bơta lơh glài Kơnràñ kong mơ bol he geh lơngap lơngai, bơh tềl sồt Kơnràñ dê mơ bol he geh sơmbòi.

Esai 53:8

Bơh bơta cahrña rkwet rkwe mơ Kơnràñ neh kong tă tơlik; ñcau rgơi kơlôi lài bơh ñchi bơta rơp gơlik tus Kơnràñ in taih? Bơh Kơnràñ neh kong tă tơlik bơh di ù tiah cau kis, neh kong jê sồt bơh tồi glài làng bol Añ jê.

Khà Làng Bol 7:15

dô nơm kơnrồ dam gam dềt, dô nơm belàt dam mơ dô nơm belàt dam tơl dô nam, lơh gơs dô nơm phan ơn chu pơrguc;

Mathiơ 20:27

Ai cau lơi kòñ gơs cau lam bồ, gen pal lơh gơs dĭ gơna.

Mathiơ 26:28

bơh do la mhàm Añ, hơ̆ la mhàm bơta ho bal dê, neh tuh nàng kòp nă cau in geh toh glài.

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Jơnau Niam Jat Mak 10:45

Bơh Kòn mơnus neh tus ò di nàng Cau duh broă khai in, mơya nàng duh broă cau in mơ phi bơta kis Khai lơh gơs phan tơwài oă cau.”

Jơnau Niam Jat Mak 14:24

Yàng Jesu đơs lah: “Do la mhàm Añ, hơ̆ la mhàm bơta ho bal dê, neh tuh oă cau in.

Luka 22:27

Bơh cau nggui di cơnòng mơ cau duh broă, ñcau la dờng rlau taih? Ò di la cau nggui di cơnòng ò ơ? Mơya Añ ơm digùl bol mê be cau duh broă.

Jang 10:15

kung be Bèp git Añ mơ Añ git Bèp behơ̆ sơl. Añ bơh mpồl belàt mơ phi bơta kis Añ.

Rôma 4:25

Kơnràñ neh kòl bơtào nàng kong chơt bơh tồi glài bol he dê, mơ kis wơl nàng bol he in geh kòp la song ring mơ Yàng Tom Trồ.

II Kôrintô 8:9

Bơh oh mi git bơta nđàc Yàng Jesu Krist bol he dê: Kơnràñ la pas gơs mơya tài bơh oh mi tàng gơlik gơs rƀah, tồ oh mi in kơnòm bơh bơta rƀah Kơnràñ dê mơ gơlik pas gơs.

Galati 3:13

Bơtau Krist neh tơwài bol he lik klàs bơh bơta srat sơntơm bơta boh lam dê, Kơnràñ neh tài bơh bol he mơ gơlik gơs bơta srat sơntơm, bơh neh cih lah: “Pal srat ngan di cau lơi kong yồng hơđang chi pơng,”

Ephesô 1:7

Tòm Kòn hơ̆ bol he geh bơta tơwài glài bơh mhàm Kơnràñ dê, geh toh ală bơta tìs glài bol he dê, jat bơta nđàc dờng ngan Yàng Tom Trồ dê,

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

I Timôthe 2:6

Kơnràñ neh phi să lơh gơs phan ơn tơwài glài tơl nă cau in, hơ̆ la bơta gơs cơng tàng neh geh ràng tơlik tòm toh di tơngai pơgon.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Hebrơ 2:10

Di ngan mìng Yàng Tom Trồ la Bơtau crơng gơs mơ prap gàr jơh ală phan, rgơi lơh Yàng Jesu in geh wil tơl bơh bơta kong bòl glar, nàng cèng ală kòn gơs pơnah tòm bơta gơklŏ Kơnràñ dê. Bơh Yàng Jesu la Bơtau tề lam bol khai tus hơ bơta dong klàs.

Hebrơ 5:8

Bulah Kơnràñ la Kòn Yàng Tom Trồ, kung neh bơtê dòn bơr bơh ală bơta bòl glar jê sồt Kơnràñ neh kong,

Hebrơ 9:28

kung behơ̆ sơl Bơtau Krist, bơh neh ơn să Kơnràñ dê dô dơ̆ tơl rau nàng àñ tồi glài oă cau dê, gen rơp tơlik să dơ̆ bàr, ò di bơh tồi glài tai, mơya nàng dong klàs ală cau kơp gơn Kơnràñ.

I Pier 2:24

Să tòm Kơnràñ neh àñ ơnòng tồi glài bol he dê tòm să jan Kơnràñ hơđang chi pơng, nàng bol he in chơt gơwèt hơ tồi glài mơ kis gơwèt hơ bơta song ring. Bơh kơnòm di ală tềl sồt Kơnràñ dê mơ oh mi neh geh sơmbòi.

I Pier 3:18

Bơh Bơtau Krist kung tài bơh tồi glài mơ kong chơt dô dơ̆ tơl rau, Kơnràñ la Bơtau song ring kong ala cau ò song ring in, nàng lam bol he tus hơ Yàng Tom Trồ; Kơnràñ neh kong chơt đah pơnah poac să, mơya geh kis đah pơnah hwềng.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

Yal Tơlik 1:5

mơ tus bơh Yàng Jesu Krist la Bơtau lơh cơng dòn song, Bơtau sơnròp kis wơl bơh bơta chơt mơ la Bơtau at bồ ală bơtau tòm plai ù. Kơnràñ kòñ gơboh di bol he, tian gơs phi să kong chơt nàng hồ toh bol he klàs bơh di tồi glài,