27 Ai cau lơi kòñ gơs cau lam bồ, gen pal lơh gơs dĭ gơna.
Behơ̆ cau lơi pơndêt să be kơnòm dềt do, gen khai la dờng màng rlau tòm lơgar đang trồ.
Mơya tòm bol mê gen ò di behơ̆ ò; gơpơrlơ̆ wơl, cau lơi kòñ gơs dờng, gen pal lơh gơs cau duh broă.
Kung be Kòn Mơnus neh tus ò di nàng cau duh broă Khai in, mơya nàng duh broă cau in, mơ phi bơta kis Khai lơh gơs phan tơwài oă cau.”
Ai đah mơ bol mê, ò di behơ̆ ò; mơya cau lơi dờng rlau tòm bol mê pal gơlik gơs be cau dềt rlau jơh, mơ cau lơi lam bồ pal gơlik gơs be cau duh broă.
Añ kòl dồs mơ ală cau Grek mơ ală cau ò git jơnau, kòl dồs mơ ală cau jak chài mơ ală cau tùl gơla.
Mơya añ kơlôi lah añ ò di gơhuc mơ ală cau gơnoar bơto dờng màng ryŭ hơ̆ dô êt lơi.
Añ kung chò ngan bơh hwềng soàn oh mi mơ roh jền glar să. Dilah añ kòñ gơboh di oh mi sơlo bơtơl, gen oh mi ò hoan kòñ gơboh di añ ơ?
Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.
