Mathiơ 20:26 - Sră Goh 2018

²⁶ Mơya tòm bol mê gen ò di behơ̆ ò; gơpơrlơ̆ wơl, cau lơi kòñ gơs dờng, gen pal lơh gơs cau duh broă.

Mathiơ 20:26 Mawu Ofanana

Ejekiel 24:13

Tòm tŭ Añ neh kòñ rào ai bơh bơta tồi glài rềs àr dri tơlàr ai dê, mơya ai ò gơs goh bơh di ală bơta ƀơ̆ ƀơl ai dê, ai rơp ò tai geh lơh goh jơl tus di tŭ lơi Añ neh rài bơta gơjrañ dờng Añ jê gơwèt mơ ai.

Mathiơ 20:27

Ai cau lơi kòñ gơs cau lam bồ, gen pal lơh gơs dĭ gơna.

Mathiơ 25:44

Tŭ hơ̆ bol khai kung rơp ho lah: ‘Ơ Yàng, tŭ lơi bol hi neh gŏ Yàng jơgloh, hala tơhìr, hala cau nac crih, hala ơm kuh, hala kòl jàm, mơ ò duh broă Kơnràñ in ơ?’

Mathiơ 27:55

Tềng hơ̆ gơs oă cau ùr ơm sền bơh ngài, bol khai la ală cau neh jat Yàng Jesu bơh Galile nàng duh broă Kơnràñ.

Jơnau Niam Jat Mak 10:43

Mơya tòm bol mê gen ò di behơ̆ ò. Gơpơrlơ̆ wơl, cau lơi tòm bol mê kòñ gơs dờng gen pal lơh gơs cau duh broă.

Jơnau Niam Jat Mak 10:45

Bơh Kòn mơnus neh tus ò di nàng Cau duh broă khai in, mơya nàng duh broă cau in mơ phi bơta kis Khai lơh gơs phan tơwài oă cau.”

Jơnau Niam Jat Mak 9:35

Chòp Kơnràñ nggui, hòi jơt bàr nă cau bơtê mơ đơs lah: “Dilah cau lơi kòñ lơh gơs cau lam bồ, gen pal lơh gơs cau lồi dut mơ lơh gơs cau duh broă tơl nă cau in.”

Luka 18:14

Añ đơs mơ bol mê, cau dar dia rê hơ hìu he geh kòp la song ring, ò di cau Pharisi ò; bơh cau lơi yò tơngguh is să he gen rơp gơtơmù, ai cau lơi tơnliah is să he gen rơp geh yò tơngguh.”

Luka 22:26

Ai đah mơ bol mê, ò di behơ̆ ò; mơya cau lơi dờng rlau tòm bol mê pal gơlik gơs be cau dềt rlau jơh, mơ cau lơi lam bồ pal gơlik gơs be cau duh broă.

Jang 18:36

Yàng Jesu ho lah: “Lơgar Añ ò di bal mơ dunnia do. Dilah lơgar Añ bal mơ dunnia do, gen ală cau jat Añ neh tòmlơh, nàng Añ ò kong bơtào tòm tê cau kwang Juda dê mơya tŭ do lơgar Añ ò di bal mơ dunnia do.”

Broă 13:5

Tus tòm Salamis, bol khai bơto yal jơnau Yàng Tom Trồ dê tòm ală hìu jum cau Juda dê, kung gơs Jang Mak dong broă bal.

II Kôrintô 1:24

mơ ò di bol hi kòñ at bồ bơta dòn oh mi dê, mơya bol hi kòñ dong kòl bơta hòn chò oh mi dê, bơh oh mi geh ntào kơ̆ tòm bơta dòn.

II Timôthe 1:18

Dan Yàng ai khai in bơta kòñ nđàc Yàng dê tòm ngai hơ̆! Mê git loh lah tòm Ephesô khai neh duh broă añ in oă ngan.

Philemôn 1:13

Añ neh gơs nùs kòñ sồr khai ơm wơl mơ añ nàng khai ala bi duh broă añ in tòm tŭ añ kong ơm jàm tài bơh Jơnau Niam.

Hebrơ 1:14

Jơh ală cau gơnrơh hơ̆ ò di la ală hwềng òs duh broă, kong sồr lòt nàng dong broă ală cau rơp pơrdòn bơta dong klàs ò ơ?

I Pier 4:11

Dilah gơs cau lơi bơto, gen bơto tĕ be bơto yal jơnau Yàng Tom Trồ dê; dilah gơs cau lơi duh broă, gen duh tĕ broă kơnòm di pràn Yàng Tom Trồ ai, nàng Yàng Tom Trồ geh àng sơnđan tòm jơh ală bơta kơnòm di Yàng Jesu Krist. Dan bơta gơklŏ mơ gơnap gơnoar gơrê bal mơ Kơnràñ sùm sùm ò lồi. Amen.

I Pier 5:3

ò di nàng at bồ ală cau neh jào oh mi in, mơya nàng lơh krơh niam mpồl belàt in.

Yal Tơlik 17:6

Añ gŏ cau ùr hơ̆ bơñul bơh mhàm ală cau sàng goh mơ mhàm ală cau chơt tài bơh bơta lơh cơng bơh Yàng Jesu. Dơ̆ añ gŏ cau ùr hơ̆ gen añ ai lơh krơi ngan.