Mathiơ 2:7 - Sră Goh 2018

⁷ Gen bơtau Herôt hòi òm ală cau jak chài mơ lùp nền bơh sơmañ neh lik tòm tŭ lơi,

Mathiơ 2:7 Mawu Ofanana

Đơs Crih 55:21

Jơnau đơs khai dê ntiar rlau mơ dơngi dà toh, Mơya tòm nùs gơs bơta kơlìn gơtoă; Ală jơnau khai dê lơbơn rlau mơ mơñà, Mơya ngan la đào rlai.

Lik Ejiptơ 1:10

Heh! Bol he pal gơwèt mơ bol khai dô bă jak chài, dilah ò gen bol khai rơp gơbơtơl oă rlau tai, mơ dilah gơs bơta tòmlơh gơ tus, bol khai rơp lơh gơs dô bă bal mơ ală cau sò tơm bol he dê, tòmlơh wơl mơ bol he mơ lik klàs bơh di lơgar.”

Khà Làng Bol 24:17

Añ gŏ Kơnràñ, mơya ò di tŭ do; Añ tơnggòr sền Kơnràñ, mơya ò di rềp. Dô nơm sơmañ rơp lik bơh di Jakôp; dô nơm gai gơnoar rơp tơngguh bơh di Israel. Kơnràñ rơp pòng bơcah ală bìng liang Môap dê, mơ ală sơgơn bơtau ală kòn klau Set dê.

Mathiơ 2:1

Tòm tŭ neh deh Yàng Jesu tòm Betlehem lơgar Jude rau, tòm rài bơtau Herôt, gơs ală cau jak chài bơh đah mattơngai lik lòt tus hơ Jerusalem lùp lah:

Mathiơ 2:16

Dơ̆ Herôt gŏ ală cau jak chài neh pơrlồm khai, gen gơhào gơjrañ oă ngan, mơ sồr tơnchơt jơh ală kòn klau bơh bàr sơnam tus di oh nga tòm Betlehem mơ jơh kơnhwàl hơ̆, jat be tŭ tơngai ală cau jak chài neh yal khai in.

Mathiơ 2:8

gen sồr bol khai lòt tus hơ Betlehem mơ đơs lah: “Lòt tĕ mơ jòi nền cê kòn dềt hơ̆, mơ tŭ neh bàn rau, gen yal tĕ añ in git, tồ añ in kung tus nàng duh khoai Kơnràñ sơl.”

Broă 24:22

Phelik neh git loh làng bơh Gùng Duh Khoai hơ̆, gen tàng lòi wơl jơnau yă hơ̆ mơ đơs lah: “Tŭ lơi cau kwang at bồ mpồl ling la Lisia mù hơ do, gen añ rơp sơwì nền broă bol mê dê.”

Yal Tơlik 12:15

Bơs broac dà bơh di bơr gơ dê gơlik gơs be dô nơm hiòng jat bơh tơnơ̆ cau ùr, nàng cèng pơrdô khai tòm hiòng dà hơ̆.

I Samuel 18:21

Sol kơlôi lah: “Añ rơp ai Mikal bau mơ Dabit nàng Mikal gơs kung be dô nơm dă kup khai, mơ nàng tê cau Philistin tòmdră mơ khai.” Behơ̆ Sol đơs mơ Dabit lah: “Tŭ do mê gơs tŭ lơmpah dơ̆ bàr nàng gơlik gơs cau bơrtơu añ jê.”