Mathiơ 2:13 - Sră Goh 2018

¹³ Tòm tŭ bol hơ̆ neh lòt rau, ne, dô nă cau gơnrơh Yàng dê tơnggŏ mơ Jôsep tòm mpau mơ sồr lah: “Guh tĕ, cèng kòn dềt mơ mè Kơnràñ dô pleh tòm lơgar Ejiptơ, mơ kư̆ ơm tềng hơ̆ jơl tus dê tŭ añ yal mê in, bơh Herôt rơp jòi kòn dềt hơ̆ nàng tơnroh.”

Mathiơ 2:13 Mawu Ofanana

I Ală Bơtau 11:17

Mơya Hadat neh ntoat dô hơ lơgar Ejiptơ bal mơ dô êt cau Edôm, la dĭ gơna bèp khai dê; tŭ hơ̆ Hadat gam kơnòm să.

I Ală Bơtau 3:5

Tòm Gabaôn, Yàng Jehôwa tơlik mat mơ Salômôn tòm bơta mpau tòm trồ mang, mơ Yàng Tom Trồ đơs lah: “Dan tĕ bơta lơi mê kòñ Añ ai mê in.”

Sră Jop 33:15

Tòm bơta mpau, tòm bơta gơtơnggŏ trồ mang dê, Tòm tŭ kòn mơnus bic lơhă, lơhă bic hơđang cơnòng bic bol khai dê.

Sră Jop 33:17

Nàng pơrlac kòn mơnus wơl bơh di broă lơh bol khai dê, Mơ sền gàr khai klàs bơh di bơta jòng să,

Lik Ejiptơ 1:22

Lồc behơ̆, Pharaôn ai jơnau sồr jơh làng bol khai in lah: “Kòp nă kòn klau cau Hebrơ pa deh, bol mê pal sơrbì tĕ tòm hiòng Nil; mơya lòi kis jơh ală kòn ùr.”

Mathiơ 1:20

Mơya tòm tŭ Jôsep kơlôi sơnơng bơh bơta hơ̆, gen dô nă cau gơnrơh Yàng dê tơnggŏ mơ khai tòm mpau mơ đơs lah: “Ơ Jôsep, kòn sau Dabit, bañ rngòt dòp tĕ Mari la bau mê, bơh kòn mơ khai neh bun hơ̆ la bơh Yàng Hwềng Goh.

Mathiơ 10:23

Tòm tŭ bol khai kup kơryan bol mê tòm ƀòn dờng do, gen dô tĕ tòm ƀòn dờng ne; bơh di ngan Añ đơs mơ bol mê, bol mê òhềt lòt làm ală ƀòn dờng Israel dê, gen Kòn mơnus neh tus rau.

Mathiơ 2:12

Gen Yàng Tom Trồ yal bol khai in tòm mpau bañ rê wơl hơ Herôt, gen tàng bol khai lòt gùng ndai mơ rê hơ lơgar bol khai dê.

Mathiơ 2:14

Gen Jôsep guh, cèng kòn dềt mơ mè Kơnràñ tòm trồ mang mơ lòt hơ Ejiptơ,

Mathiơ 2:16

Dơ̆ Herôt gŏ ală cau jak chài neh pơrlồm khai, gen gơhào gơjrañ oă ngan, mơ sồr tơnchơt jơh ală kòn klau bơh bàr sơnam tus di oh nga tòm Betlehem mơ jơh kơnhwàl hơ̆, jat be tŭ tơngai ală cau jak chài neh yal khai in.

Mathiơ 2:22

Mơya tòm tŭ kơno Acelaus at bồ lơgar Jude ala Herôt bèp khai, gen Jôsep rngòt rê tềng hơ̆, mơ bơh Yàng Tom Trồ yal tòm mpau, gen tàng khai pleh tòm kơnhwàl Galile,

Broă 10:22

Bol khai ho lah: “Kornai cau at dô rhiang ling la cau song ring duh rngòt di Yàng Tom Trồ, jơh làng bol Juda neh lơh cơng niam bơh khai, khai hơ̆ neh bơh dô nă cau gơnrơh sàng goh mơ dòp jơnau sồr lòt jà ồng tus tòm hìu, mơ kơno jơnau ồng đơs.”

Broă 10:7

Tòm tŭ cau gơnrơh đơs mơ khai neh lòt rau, gen Kornai hòi bàr nă cau dong broă khai dê mơ dô nă cau ling duh rngòt ơm hơđơm gơnoar he dê,

Broă 12:11

Gen Pier kah wơl mơ đơs lah: “Tŭ do añ git nền ngan Yàng neh sồr cau gơnrơh Kơnràñ dê lòt dong tă añ lik klàs bơh di tê Herôt mơ bơta kơp gơn làng bol Juda dê.”

Broă 12:7

Nisơna gơs dô nă cau gơnrơh Yàng dê tơlik să, mơ gơs bơta àng sòl gơcrà tòm hìu jàm. Cau gơnrơh tur di wĕ Pier, pơrlai khai guh mơ đơs lah: “Guh tĕ mhar;” gen che sreng gơrung mo bơh di tê khai.

Broă 16:36

Behơ̆ cau at bồ hìu jàm đơs mơ Pol lah: “Ală cau kwang dờng neh sồr añ hồ ală ồng; behơ̆ lik tĕ mơ lòt lơngap lơngai.”

Broă 5:19

Mơya tòm mang hơ̆ gơs dô nă cau gơnrơh Yàng dê pò mpồng hìu jàm tơlik ală cau gơnoar bơto dờng mơ nting lah:

Broă 7:19

Cau bơtau hơ̆ ai kai lac lèo nàng lơh iơh di jơi bơtiàn bol he dê mơ rồn bơklơn ồng pàng bol he pal sang ală kòn oh nga, tồ bañ ai bol khai in kis.

Jôsue 3:13

Tòm tŭ ală cau gơnoar ơn phan duh khoai tùng Đài Bơta Ho bal Yàng Jehôwa dê la Yàng jơh dunnia dê, ơn mpàng jơng bol khai dê tòm dà hiòng Jordan gen dà tòm hiòng hòr bơh tồ rơp kòl cah bàr đah, mơ gơ ơm dơh wơl lơh gơs kung be dô nơm gơnru.”

Jôsue 3:17

Ală cau gơnoar ơn phan duh khoai tùng Đài Bơta Ho Bal Yàng Jehôwa dê ntào kơ̆ hơđang ù rañ rsơh digùl hiòng Jordan, jơl tus tŭ jơh làng bol Israel lòt gan hơđang ù rañ rsơh jơl tus di tŭ jơh làng bol neh tiă hiòng Jordan sir rau.

Jôsue 4:10

Ală cau gơnoar ơn phan duh khoai tùng Đài Bơta Ho Bal neh ơm digùl hiòng Jordan jơl tus di tŭ làng bol neh lơh sir jơh ală bơta mơ Yàng Jehôwa neh sồr Jôsue yal wơl làng bol in, jat jơh ală bơta Môise neh nting sồr Jôsue. Làng bol tiă hiòng sơrbac sơrbang.

Jôsue 4:18

Gen ală cau gơnoar ơn phan duh khoai tùng Đài Bơta Ho Bal Yàng Jehôwa dê guh bơh hiòng. Tòm tŭ mpàng jơng bol khai dê jă hơđang ù rañ rsơh, gen dà hiòng Jordan gơhòr rê wơl hơ tiah yau gơ dê mơ hòr bam ngơr wơl jơh ală đah be lài.

Yal Tơlik 12:14

Mơya cau ùr geh ai bàr nơm đar klàng bung dờng, tồ khai rgơi par pleh bơh di bơs mơ tus tiah khai ơm tòm ƀlàng bràs; tềng hơ̆ khai geh ròng siam tòm dô tơngai, ală tơngai mơ nggùl tơngai.

Yal Tơlik 12:4

Tiang gơ hwài dô pơnah pe ală sơmañ hơđang trồ mơ sơrbì tòm plai ù. Nagrài hơ̆ ơm ntào di đap cau ùr mòr deh, nàng gơ rgơi sa loan kòn khai dê tòm tŭ khai geh deh.

Yal Tơlik 12:6

Ai cau ùr hơ̆ dô pleh tòm ƀlàng bràs, tềng hơ̆ khai gơs dô bă tiah Yàng Tom Trồ neh rcang sir khai in, tòm tiah hơ̆ khai geh ròng siam tòm dô rbô bàr rhiang prau jơt ngai.