Mathiơ 2:11 - Sră Goh 2018

¹¹ Bol khai mut tòm hìu, gŏ kòn dềt bal mơ Mari mè Kơnràñ, gen tơmbic să mơ duh khoai Kơnràñ. Gen bol khai pò ală phan màng mơ ơn Kơnràñ in la màh, kơlhô mơ cài trŭ.

Mathiơ 2:11 Mawu Ofanana

Sơnròp Gơlik Gơs 43:11

Chòp Israel, bèp bol khai đơs lah: “Dilah bơta neh behơ̆, gen bol hi pal lơh be do: cèng tĕ tòm ală rơnđò ală phan màng rlau jơh lơgar dê, dô êt sơnơm mơ dô êt dà lơwe, ală phan tĕ biap mơ cài trŭ, gar pistachio, mơ plai gus nàng lơh phan ơn khai in.

I Ală Bơtau 10:10

Bơtau ùr ơn bơtau in dô rhiang bàr jơt talơng màh mơ oă ngan sơnơm ƀô bơlhu bal mơ lŭ màng. Òhềt tŭ lơi gơs cau cèng sơnơm ƀô bơlhu tus gơs khà dờng ngan ndròm be bơtau ùr lơgar Seba neh ai bơtau Salômôn in.

I Ală Bơtau 10:2

Mò tus tòm Jerusalem bal mơ dô mpồl gal ngan cau duh broă, làkđa pơdiang sơnơm ƀô bơlhu, oă màh mơ lŭ màng. Tòm tŭ mò tus hơ Salômôn, mò đơs mơ bơtau jơh ală bơta gơs tòm nùs mò dê.

Đơs Crih 2:12

Cum tĕ kòn, rngòt khai gơhào gơjrañ, Mơ bol mê rơp roh rui tòm gùng he dê mòn; Bơh dô êt tai bơta gơjrañ dờng kòn dê rơp gơhào guh. Lơngai jơh ală cau lơi in kìng crŭ să he di Khai.

Đơs Crih 45:8

Ală ào bơtau dê gơs ƀô bơlhu cài trŭ, kơlhô, kơmhò kwê̆; Tòm ală gơlang mơ bla gơs jơnau ntas pĕ kơñi lơh bơtau in chò hòp.

Đơs Crih 72:10

Dan lòi cau bơtau Tarsi mơ cau bơtau ală bồt pơlào dê boh dia khai in, Lòi bơtau Saba mơ Seba cèng phan ai gòi khai in.

Đơs Crih 72:15

Dan ai khai in geh kis jŏ, mơ geh cau ơn màh Saba khai in. Geh cau hòi dan sùm khai in, mơ kòp ngai rac dan khai in geh lơngai.

Đơs Crih 95:6

Bol he lòt tus tĕ tơmbic să mơ duh khoai; Bol he cùn gơltang tĕ di đap Yàng Jehôwa, la Bơtau crơng gơs bol he!

Lik Ejiptơ 30:23

“Ai tĕ ală phan ƀô bơlhu niam rlau jơh be tơnơ̆ do: prau kơr cài trŭ dà; pe kơr kơmbuh kwĕ, chi ƀô niam pe kơr;

Lik Ejiptơ 30:34

Gen Yàng Jehôwa đơs mơ Môise lah: “Ai tĕ ală sơnơm ƀô bơlhu, hơ̆ la «tô hiệp hương», «loa yểm hương», «phong chi hương», bal mơ cài trŭ, kơr ring bal kòp bơta,

Đơs Chò 3:6

Cau ne la ñcau, tus bơh tòm ƀlàng ngềt ngơt, be jrong ñhŭ, ƀô bơlhu cài trŭ mơ kơlhô, bal mơ ală kơmbuh chi ƀô bơlhu cau kă bro dê taih?

Esai 60:6

Dô mpồl oă làkđa rơp jơm mê, ală làkđa kòn tòm Midian mơ Ephah. Jơh ală cau bơh Seba rơp tus, bol khai rơp cèng màh mơ kơlhô, mơ yal tơlik jơnau jòng ro Yàng Jehôwa.

Lebi 6:15

Cau gơnoar ơn phan duh khoai pal ai dô sơmbat kơmbuh phe rhền mơ mơñà, bal mơ jơh kơlhô hơđang phan ơn mơ kòi mbo mơ chu pơnah lòi kah kirsơnre hơđang cơnòng duh khoai lơh gơs ƀô bơlhu niam nùs Yàng Jehôwa.

Malaci 1:11

Bơh đah mattơngai lik jơl tus di đah mattơngai mut sơnđan Añ la dờng digùl ală lơgar, mơ kòp bă tiah gơs chu kơlhô ơn sơnđan Añ in, mơ dô nơm phan ơn sàng goh; Bơh sơnđan Añ la dờng digùl ală lơgar,” Yàng Jehôwa Gơnap Gơnoar Làm Jơh đơs behơ̆.

Khà Làng Bol 7:14

dô nơm prềng màh kơnjơ̆ jơt sieklơ ơn bềng kơlhô;

Khà Làng Bol 7:86

Jơt bàr nơm prềng màh ơn bềng kơlhô, kòp nơm kơnjơ̆ jơt sieklơ, jat sieklơ tiah sàng goh dê. Jơh ală prềng màh kơnjơ̆ dô rhiang bàr jơt sieklơ.

Mathiơ 1:18

Mơ tai, bơta lik lìng Yàng Jesu Krist dê neh gơlik gơs be do. Tòm tŭ Mari mè Yàng Jesu neh ho bau mơ Jôsep, mơya lài mơ tŭ bol khai òhềt ơm bal, gen khai neh bun bơh Yàng Hwềng Goh.

Mathiơ 12:46

Tòm tŭ Yàng Jesu gam đơs mơ mpồl làng bol, gen mè mơ oh mi Kơnràñ dê tus ntào bơdìh, kòñ tòmbơhbơr mơ Kơnràñ.

Mathiơ 14:33

Gen ală cau tòm ơhò tus cùn khoai Kơnràñ mơ đơs lah: “Kơnràñ ngan la Kòn Yàng Tom Trồ dê.”

Mathiơ 2:10

Tòm tŭ gŏ sơmañ, gen bol khai hòn chò ò git lơh.

Mathiơ 2:2

“Ntềng đah Bơtau làng bol Juda pa deh taih? Bơh bol hi neh gŏ sơmañ Kơnràñ bơh đah mattơngai lik, gen lòt tus nàng duh khoai Kơnràñ.”

Luka 2:16

Chòp bol khai sơrbac sơrbang lòt tus tềng hơ̆, gŏ Mari, Jôsep, mơ oh nga bic tòm bòng ñhơt.

Luka 2:38

Di di tŭ hơ̆, mò kung guh tềng hơ̆, jòng ro ưnngài Yàng Tom Trồ, mơ tòmbơhbơr bơh Kơnràñ mơ ală cau kơp gơn bơta dong tă Jerusalem.

Jang 19:39

Nikôđem, la cau bơh lài neh lòt tus hơ Yàng Jesu tòm trồ mang, khai kung tus sơl, mơ cèng pơgap pram jơt kơr cài trŭ bơcă bal mơ kơlhô.

Yal Tơlik 19:10

Gen añ tơmbic să di jơng khai nàng duh khoai khai, mơya khai đơs mơ añ lah: “Bañ lơh behơ̆, añ la cau bơyô duh broă bal mơ mê mơ oh mi mê sơl, la ală cau lơh cơng bơh Yàng Jesu. Duh khoai tĕ Yàng Tom Trồ. Bơh jơnau song mơ Yàng Jesu neh ràng tơlik la bơta lơh rngoh rngac ală cau gơnoar hwơr in.”

Yal Tơlik 5:8

Tòm tŭ Belàt Kòn neh ai sră rau, gen poan nơm phan wìn kis mơ bàr jơt poan nă cau kwang kra tơmbic să di đap Belàt Kòn, kòp nă cau at dô nơm kơñi pĕ mơ ală gri mơ màh bềng kơlhô, hơ̆ la ală jơnau hòi dan ală cau sàng goh dê.

I Samuel 10:27

Mơya gơs dô êt nă cau gơlềng gơlàng đơs lah: “Mbe rgơi klau do dong tă he taih?” Bol hơ̆ sền òsơp di khai mơ ò cèng phan pà khai in. Mơya Sol kư̆ ơm ring lơngai.