Mathiơ 19:28 - Sră Goh 2018

²⁸ Yàng Jesu ho lah: “Di ngan Añ đơs mơ bol mê, tus di tŭ jơh ală bơta gơs wơl pa, la tŭ Kòn Mơnus rơp nggui hơđang sơbàn gơklŏ Kơnràñ dê, gen bol mê la cau neh jat Añ kung rơp nggui hơđang jơt bàr nơm sơbàn mơ cahrña jơt bàr jơi bơtiàn làng bol Israel.

Mathiơ 19:28 Mawu Ofanana

I Ală Bơtau 18:31

Khai ai jơt bàr nơm pơnai lŭ, jat khà jơt bàr jơi bơtiàn ală kòn klau Jakôp dê, la cau mơ jơnau Yàng Jehôwa neh yal lah: “Israel rơp la sơnđan mê.”

II Yal Yau 9:19

Kung gơs jơt bàr nơm klìu triă ntào hơđang prau kơnă ntùng, dô nơm di bồ gah do mơ dô nơm di bồ gah ne kòp kơnă. Ò gơs lơgar lơi ndai neh lơh gơs ndròm behơ̆.

Ejra 6:17

Tòm bơta ơn hìu do Yàng Tom Trồ in, bol khai ơn dô rhiang nơm kơnrồ dam, bàr rhiang nơm belàt dam, poan rhiang nơm belàt kòn, mơ jat be khà jơi bơtiàn Israel dê, bol khai ơn jơt bàr nơm be dam lơh gơs phan ơn duh khoai tơwài glài jơh Israel in, jat be khà jơi bơtiàn Israel dê.

Lik Ejiptơ 15:27

Lồc behơ̆ bol khai tus hơ Elim, tềng do gơs jơt bàr nơm croh dà, mơ poh jơt đòm chi gòl; làng bol bơtào sàl ơm tềng hơ̆, rềp di croh dà.

Lik Ejiptơ 24:4

Môise cih wơl jơh ală bơta Yàng Jehôwa neh đơs. Àng drim hìng khai guh gòñ mơ bơt bơtào dô nơm cơnòng duh khoai di jơng mơnơm, mơ bơtào jơt bàr pơnai lŭ lơh gơs jrong sơnio bơh jơt bàr jơi bơtiàn Israel.

Lik Ejiptơ 28:21

Gơs jơh ală la jơt bàr nơm lŭ màng, kòp nơm gơs dô sơnđan dô nă tòm ală kòn klau Israel dê; kòp sơnđan geh pac kung be dô nơm ƀang kì gơs sơnđan dô jơi tòm jơt bàr jơi bơtiàn Israel dê.

Esai 65:17

Do, Añ rơp crơng gơs ală tap trồ pa mơ plai ù pa. Ală bơta yau rơp ò kah tai, ò gam rê wơl tòm dơngoh.

Esai 66:22

Yàng Jehôwa đơs lah: “Kung be ală tap trồ pa mơ plai ù pa, mơ Añ rơp lơh gơs kư̆ gam sùm di đap Añ, gen sơnđan mơ jơi bơtiàn bol mê dê kung rơp kư̆ gam sùm behơ̆ sơl.”

Lebi 24:5

Ai tĕ kơmbuh phe rhền mơ jơt bàr nơm piang lă, ngui bàr pơnah jơt epha dê nàng lơh gơs dô nơm piang lă.

Mathiơ 16:27

Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 19:27

Tŭ hơ̆ Pier đơs mơ Kơnràñ lah: “Ơ Yàng, bol hi neh sang jơh ală bơta mơ jat Kơnràñ. Behơ̆ gen ñchi bol hi rơp geh taih?”

Mathiơ 20:21

Kơnràñ lùp lah: “Ñchi ai kòñ taih?” Khai ho lah: “Dan ai bàr nă kòn klau añ jê geh nggui dô nă đah ma mơ dô nă đah kiau Kơnràñ tòm lơgar Kơnràñ dê.”

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Mathiơ 6:33

Mơya lài ngan, jòi jat tĕ lơgar Yàng Tom Trồ mơ bơta song ring Kơnràñ dê, gen Kơnràñ rơp ai bơtơl jơh ală bơta hơ̆ bol mê in.

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Jơnau Niam Jat Mak 10:37

Bol khai ho lah: “Tòm tŭ Kơnràñ geh gơklŏ, dan ai bol hi in geh nggui dô nă đah ma, dô nă đah kiau Kơnràñ.”

Broă 3:21

Bơtau hơ̆ pal geh ơm wơl hơđang trồ jơl tus di tŭ tơngai bơtào tơngguh wơl jơh ală phan, hơ̆ la bơta bơh yau òr mơ Yàng Tom Trồ neh kơnòm di bơr ală cau gơnoar hwơr sàng goh mơ đơs.

II Timôthe 2:12

Dilah bol he kong jai, gen kung rơp at bồ bal mơ Kơnràñ; Dilah bol he pơndang sang Kơnràñ, gen Kơnràñ kung rơp pơndang sang bol he sơl;

Jôsue 3:12

Behơ̆ tŭ do sac rwah tĕ jơt bàr nă cau bơh ală jơi bơtiàn Israel dê, kòp jơi bơtiàn dô nă.

II Pier 3:13

Mơya jat be jơnau ho pơgon Kơnràñ dê, bol he kơp gơn trồ pa tiah pa, la tiah bơta song ring ơm.

Yal Tơlik 11:16

Bàr jơt poan nă cau kwang kra ơm nggui hơđang sơbàn di đap Yàng Tom Trồ, bol khai tơmbic să duh khoai Yàng Tom Trồ,

Yal Tơlik 12:1

Lồc behơ̆, hơđang trồ gơlik gơs dô nơm tềl krơi dờng; gơs dô nă cau ùr soh mattơngai, gơs kơnhai hơđơm jơng khai dê, mơ di bồ ndau sơgơn bơtau jơt bàr nơm sơmañ.

Yal Tơlik 20:4

Gen añ gŏ ală sơbàn, mơ ală cau nggui tềng hơ̆ la cau neh geh gơnoar cahrña. Añ kung gŏ hwềng soàn ală cau neh kong koh bồ tài bơh jơnau lơh cơng bơh Yàng Jesu, mơ tài bơh jơnau Yàng Tom Trồ dê, hơ̆ la ală cau ò duh khoai phan poan jơng mơ rùp gơ, mơ ò dòp tềl gơ di bìng liang mơ di mpàng tê he. Bol khai geh kis wơl mơ at bồ bal mơ Bơtau Krist tòm dô rbô nam.

Yal Tơlik 21:5

Bơtau ơm nggui hơđang sơbàn đơs lah: “Do, Añ lơh gơs pa jơh ală bơta.” Mơ đơs tai lah: “Cih tĕ jơnau do, bơh ală jơnau do la pal dòn kơnòm mơ song ngan.”

Yal Tơlik 22:2

Gơhòr mù digùl gùng ƀòn dờng. Di bàr đah ƀòng hiòng kung gơs chi bơta kis gơlik jơt bàr bơta plai, kòp kơnhai dô dơ̆ gơlik plai mơ ală nha chi hơ̆ ngui nàng sơmbòi ală làng bol.

Yal Tơlik 22:5

Rơp ò gam gơs mang tai; bol khai ò càng bơta àng ồs đèng dê hala bơta àng mattơngai dê tai, tài bơh Yàng la Yàng Tom Trồ rơp sòl pơnđàng bol khai in, mơ bol khai rơp at bồ jơl sùm sùm ò lồi.

Yal Tơlik 3:21

Cau lơi geh pha lin rlau, gen Añ rơp ai khai in nggui bal mơ Añ hơđang sơbàn Añ jê, be să tòm Añ neh geh pha lin rlau mơ nggui bal mơ Bèp Añ di sơbàn Kơnràñ dê sơl.

Yal Tơlik 4:4

Gùt dar sơbàn hơ̆ gơs bàr jơt poan nơm sơbàn ndai; hơđang ală sơbàn do gơs bàr jơt poan nă cau kwang kra nggui, bol khai soh ào bò mơ dê bồ bol khai ndau sơgơn mơ màh.

Yal Tơlik 7:4

Mơ añ neh kơno ntum khà ală cau geh tap ƀang kì, la dô rhiang poan jơt poan rbô nă cau bơh tòm jơh ală jơi bơtiàn kòn sau Israel dê.