Mathiơ 19:19 - Sră Goh 2018

¹⁹ dòn duh tĕ mè bèp mê, mơ kòñ gơboh tĕ di cau gơp ƀòn he be he.”

Mathiơ 19:19 Mawu Ofanana

Lik Ejiptơ 20:12

Dòn duh tĕ mè bèp bol mê dê, tồ bol mê in geh kis jŏ jòng tòm lơgar mơ Jehôwa Yàng Tom Trồ bol mê dê ai bol mê in.

Jơnau Pơnđik 30:17

Gar mat dơñŏ tơnhial bèp he, sền òsơp bơta dòn bơr gơwèt mơ mè he, ală kơnđà tòm thòng rơp kwĕ gar mat hơ̆, mơ ală klàng bung rơp sa coh khai.

Lebi 19:18

Bañ jòi jat bơta sal tê hala prap tòm nùs bơta gơjrañ mañ tòmdră mơ dô nă cau tòm làng bol mê dê, mơya kòñ gơboh tĕ cau gơp ƀòn mê dê be să tòm mê. Añ la Yàng Jehôwa.

Lebi 19:3

Kòp nă bol mê pal ki ngàm di mè bèp he dê, mơ bol mê pal prap gàr ngai Saƀat Añ jê. Añ la Jehôwa Yàng Tom Trồ bol mê dê.

Mathiơ 19:20

Cau pơnu hơ̆ đơs lah: “Añ neh prap gàr ală bơta hơ̆ rau, bơta lơi añ gam siơ̆u taih?”

Mathiơ 22:39

Ai bơta sồr lam bàr kung behơ̆ sơl: ‘Mê kòñ gơboh tĕ di cau gơp ƀòn he be he.’

Mathiơ 5:43

“Bol mê neh kơno đơs lah: ‘Kòñ gơboh tĕ di cau gơp he, mơ gơjrañ kơuềng tĕ di cau sò tơm.’

Luka 10:27

Khai ho lah: “Mê jơh tĕ nùs, jơh hwềng soàn, jơh pràn kơldang, jơh dơngoh jak mơ kòñ gơboh di Yàng la Yàng Tom Trồ mê dê mơ kòñ gơboh di cau gơp ƀòn he be he.”

Rôma 13:9

Mơ tai, ală bơta sồr lam la be do: “Mê bañ tìs glài rềs àr bơrnàn, bañ tơnchơt cau, bañ ntung kơñau, bañ hàm hà,” mơ ală bơta sồr lam ndai gen tơrgòm wơl tòm dô jơnau do: “Mê kòñ gơboh tĕ di cau gơp ƀòn he be he”

Galati 5:14

Bơh jơh ală bơta boh lam geh crap wơl tòm dô jơnau do: “Mê kòñ gơboh tĕ di cau gơp ƀòn he be he.”

Yal Wơl 5:16

Dòn duh tĕ mè bèp bol mê dê jat be jơnau Jehôwa Yàng Tom Trồ bol mê dê neh sồr bol mê, tồ bol mê rgơi kis jŏ mơ bol mê rgơi geh lơngai tòm lơgar mơ Jehôwa Yàng Tom Trồ bol mê dê ai bol mê in.

Jakơ 2:8

Dilah oh mi lơh jat wil tơl bơta boh lam dờng màng, jat be jơnau Sră Goh cih lah: “Mê kòñ gơboh tĕ di cau gơp ƀòn he be he,” gen oh mi lơh di ngan.