Mathiơ 19:14 - Sră Goh 2018

¹⁴ Yàng Jesu đơs lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar đang trồ gơrê mơ ală cau be bol khai.”

Mathiơ 19:14 Mawu Ofanana

Sơnròp Gơlik Gơs 21:4

Mơ Abraham siat gơltau Isak kòn klau khai in tòm tŭ khai neh phàm ngai jat be jơnau Yàng Tom Trồ neh sồr.

Mathiơ 11:25

Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 18:3

mơ đơs lah: “Di ngan Añ đơs mơ bol mê, dilah bol mê ò tòmgơl mơ gơlik gơs be kơnòm dềt, gen ò tŭ lơi geh mut tòm lơgar đang trồ.

Mathiơ 19:15

Kơnràñ ơn tê hơđang bol khai, gen lik lòt bơh tềng hơ̆.

Mathiơ 5:10

Lơngai ală cau in kong cau kup kơryan bơh bơta song ring, bơh lơgar đang trồ la bal mơ ală cau hơ̆!

Mathiơ 5:3

“Lơngai ală cau gơs nùs rƀah bòl glar in, bơh lơgar đang trồ la bal mơ ală cau hơ̆!

Jơnau Niam Jat Mak 10:14

Dơ̆ Yàng Jesu gŏ behơ̆ gen gơjrañ mơ đơs mơ ală cau bơtê lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar Yàng Tom Trồ gơrê mơ ală cau be bol khai.

Jơnau Niam Jat Mak 10:15

Di ngan Añ đơs mơ bol mê, cau lơi ò dòp lơgar Yàng Tom Trồ be dô nă kơnòm dềt, gen ò geh mut tòm hơ̆ ò.”

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

Ală Kwang Cahrña 13:7

Mơya khai neh đơs mơ añ lah: ‘Ai rơp bun mơ deh dô nă kòn klau, gen tàng bañ ñô tơrnòm hala alak, mơ kung bañ sa phan lơi ò goh, bơh kòn dềt hơ̆ rơp gơs dô nă cau Najire Yàng Tom Trồ in, bơh di ngai deh tus di ngai chơt khai dê.’”

I Samuel 1:11

Khai ho pơgon lah: “Ơ Yàng Jehôwa Gơnap Gơnoar Dờng Làm Jơh, dilah Kơnràñ rơp wèt sền di bơta bòl glar moat jrùng cau dĭ ùr Kơnràñ dê mơ kah wơl añ, ò hŭi cau dĭ ùr Kơnràñ dê, mơya rơp ai khai in dô nă kòn klau, gen añ rơp ơn khai be dô nă cau Najire di đap Kơnràñ, jơl jơh rài kis khai dê. Khai rơp ò ñô tơrnòm alak mơ ală phan lơh bơñul, mơ pềs koah rơp ò geh tup di bồ khai.”

I Samuel 1:22

mơya Anne ò guh bal, bơh khai đơs mơ bau klau khai lah: “Tŭ lơi kòn dềt sang pô, añ rơp cèng khai mơ tơlik mat di đap Yàng Jehôwa, mơ khai rơp ơm tềng hơ̆ sùm sùm, añ rơp ơn khai be dô nă cau Najire jơh rài.”

I Samuel 1:24

Tòm tŭ khai neh sang pô rau, gen Anne cèng kòn klau hơ̆ guh bal mơ khai tus hơ hìu Yàng Jehôwa dê tòm Silô. Khai cèng bal dô nơm kơnrồ dam pe nam, dô thùng kơmbuh phe, mơ dô nhồng gơltau tơrnòm. Khai lam kòn dềt hơ̆ tus hơ hìu Yàng Jehôwa, mơ kòn hơ̆ gam dềt ngan.

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.