Mathiơ 18:31 - Sră Goh 2018

³¹ Ală cau bơyô ndai lơh broă bal gŏ behơ̆ gen moat jrùng ngan, lòt yal mơ cau bơtau ală bơta neh gơlik hơ̆.

Mathiơ 18:31 Mawu Ofanana

Sơnròp Gơlik Gơs 37:2

Do la jơnau yal bơh jơi bơtiàn Jakôp dê. Tŭ hơ̆ Jôsep neh tơl jơt poh nam, ê belàt bal mơ ală bi khai dê. Khai lơh yô mơ ală kòn Bilha mơ ală kòn Silpa dê, bàr nă bau bèp khai dê. Jôsep yal mơ mè bèp ală bơta iơh bol khai dê.

Đơs Crih 119:136

Añ hòr dà mat oă ngan, Tài bơh kòn mơnus ò bài prap gàr bơta boh lam Yàng dê.

Đơs Crih 119:158

Añ sền di cau ò dòn, mơ cù kìr di bol khai, Tài bơh bol khai ò prap gàr bơta sồr lam Yàng dê.

Jeremi 9:1

Ôih! Kơp kòñ bồ añ la dô nơm croh dà, Mat añ la dô nơm tồ dà cat dà mat! Nàng añ in ñìm sùm mang mơ ngai Bơh làng bol añ jê gơkòl tơnchơt.

Mathiơ 14:9

Bơtau moat jrùng ngan, mơya tài bơh neh rlau srat să mơ tài bơh ală cau ñô sa bal mơ khai, gen khai sồr ai kòn ùr hơ̆ in.

Mathiơ 18:28

Mơya cau dĭ hơ̆ lik lòt, tìp dô nă cau bơyô lơh broă bal, kòl dồs mơ khai dô rhiang dơnie, gen khai kup cau hơ̆, sơmbat klèn di ngko mơ đơs lah: ‘Tơm tĕ dồs añ in!’

Mathiơ 18:30

Mơya khai ò bài, mơ kư̆ kup jàm cau hơ̆ jơl tus di tŭ tơm jơh dồs.

Mathiơ 18:32

Gen cau bơtau hòi cau dĭ hơ̆ tus mơ đơs lah: ‘Ơ cau dĭ iơh bơsak ne! Añ neh sang tơn jơh dồs mê dê tài bơh mê neh rac dan mơ añ.

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Luka 14:21

Cau dĭ rê wơl, yal bơta hơ̆ mơ cau tòm khai dê. Cau tòm gơjrañ mơ sồr cau dĭ khai lah: ‘Lik lòt tĕ mhar tus tòm ală gùng me mơ ală gùng dềt tòm ƀòn dờng, lam ală cau rƀah lơòi, cau sồt rmàñ, cau jơngo mat, cau kwet gơlte tus hơ do.’

Luka 19:41

Tòm tŭ Kơnràñ tus rềp, gŏ ƀòn dờng Jerusalem gen ñìm bơh gơ,

Rôma 12:15

Chò tĕ bal mơ cau chò, ñìm tĕ bal mơ cau ñìm.

II Kôrintô 11:21

Añ ai lơh ƀàssìl mơ đơs jơnau do, gơlơh be bol hi neh lơbơn lơño. Mơya dilah gơs cau ndai khin cha jòng să bơh bơta lơi, gen añ kung khin cha sơl; añ đơs be cau tùl gơla.

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

Hebrơ 13:3

Kah tĕ ală cau ơm jàm, be bol he kung ơm jàm bal mơ bol khai; kah tĕ ală cau kòl rồn bơklơn, bơh bol he kung gơs să jan be bol khai sơl.