Mathiơ 18:3 - Sră Goh 2018

³ mơ đơs lah: “Di ngan Añ đơs mơ bol mê, dilah bol mê ò tòmgơl mơ gơlik gơs be kơnòm dềt, gen ò tŭ lơi geh mut tòm lơgar đang trồ.

Mathiơ 18:3 Mawu Ofanana

Đơs Crih 131:2

Mơya añ neh lơh hwềng soàn añ in ơm mŏ mŏ ring lơngai, Be kòn dềt lòi pô toh ơm mơ mè khai dê; Hwềng soàn añ ơm tòm añ kung be kòn dềt lòi pô toh.

Esai 6:10

Lơh tĕ nùs làng bol do kră kơldang, lơh tồr bol khai tĭ, mơ lơh mat bol khai gơ tơñềm. Nàng mat bol khai ò rgơi sền mơ tồr bol khai ò rgơi kơno, mơ nùs bol khai dê rgơi git wă, bol khai rê wơl mơ geh sơmbòi.”

Mathiơ 13:15

Bơh nùs làng bol do neh kră kơldang; Tồr bol khai neh tĭ, Mat bol khai neh ñềm; Rngòt mat bol khai geh gŏ, Tồr bol khai geh kơno, Nùs bol khai geh git wă, bol khai rê wơl, Mơ Añ sơm bol khai in bòi mòn.’

Mathiơ 18:2

Yàng Jesu hòi dô nă kơnòm dềt tus, ơn digùl bol khai,

Mathiơ 18:4

Behơ̆ cau lơi pơndêt să be kơnòm dềt do, gen khai la dờng màng rlau tòm lơgar đang trồ.

Mathiơ 19:14

Yàng Jesu đơs lah: “Lòi tĕ ală kơnòm dềt tus hơ Añ, bañ bơkơŭ bol khai; bơh lơgar đang trồ gơrê mơ ală cau be bol khai.”

Mathiơ 19:23

Gen Yàng Jesu đơs mơ ală cau bơtê lah: “Di ngan Añ đơs mơ bol mê, cau pas sơm mut tòm lơgar đang trồ la kalke ngan.

Mathiơ 5:18

Bơh di ngan Añ đơs mơ bol mê, trồ tiah rơp roh, mơya dô tềl dềt dô cik tòm bơta boh lam kung ò gơs tŭ lơi roh, jơl tus di tŭ jơh ală bơta gơlik wil tơl.

Mathiơ 5:20

Bơh Añ đơs mơ bol mê, dilah bơta song ring bol mê dê ò lin rlau mơ bơta song ring ală cau bơto bơta boh lam mơ ală cau Pharisi dê, gen bol mê ò gơs tŭ lơi geh mut tòm lơgar đang trồ.”

Mathiơ 6:16

“Tòm tŭ bol mê ơt sa, bañ lơh bơthĭ moat jrùng be cau ma blac, bơh bol khai lơh ñòp muh ñòp mat nàng cau in git bol khai ơt sa. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:2

Behơ̆ tòm tŭ mê pà gòi, bañ uh kơlwòk di đap he, be ală cau ma blac lơh tòm ală hìu jum mơ tòm ală gùng me, nàng geh cau jòng ro. Di ngan Añ đơs mơ bol mê, bol khai neh geh phan ƀàn bol khai dê rau.

Mathiơ 6:5

“Tòm tŭ bol mê hòi dan, bañ lơh be ală cau ma blac, bơh bol khai kòñ ntào hòi dan tòm ală hìu jum mơ di ală mum gùng, nàng cau in gŏ. Di ngan Añ đơs mơ bol mê, bol khai neh geh phan ƀàn bol khai dê rau.

Jơnau Niam Jat Mak 4:12

Tồ bol khai in: sền gen gŏ mơya ò git đal, iat gen kơno mơya ò git wă. Behơ̆ gen bol khai rê wơl mơ geh toh glài mòn.”

Luka 13:24

“Pơnđơl tĕ jơh pràn mut tòm mpồng wềt, bơh Añ đơs mơ bol mê, oă cau rơp jòi gùng kòñ mut mơ ò rgơi.

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Jang 1:51

Kơnràñ đơs tai lah: “Di ngan, Añ đơs mơ bol mê, bol mê rơp gŏ trồ gơ pò, mơ ală cau gơnrơh Yàng Tom Trồ dê guh mơ mù hơđang Kòn Mơnus.”

Jang 3:3

Yàng Jesu ho lah: “Di ngan, Añ đơs ngan mơ mê, dilah cau lơi ò deh wơl pa, gen ò rgơi gŏ lơgar Yàng Tom Trồ dê ò.”

Jang 3:5

Yàng Jesu ho lah: “Di ngan, di ngan, Añ đơs mơ mê, dilah cau lơi ò bơh dà mơ Yàng Hwềng mơ deh, gen ò rgơi mut tòm lơgar Yàng Tom Trồ dê ò.

Broă 14:22

Lơh ală cau bơtê kơ̆ nùs, bơto pơndòm bol khai prap kơ̆ bơta dòn, mơ yal lah bol he pal kong oă bơta bòl glar gen sồng geh mut tòm lơgar Yàng Tom Trồ.

Broă 28:27

Bơh nùs làng bol do neh kră kơldang, Tồr bol khai neh tĭ, Mat bol khai neh ñềm, Rngòt mat bol khai geh gŏ, Tồr bol khai geh kơno, Nùs bol khai geh git wă, Mơ bol khai rê wơl Mơ Añ sơm bol khai in bòi mòn.’

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

I Kôrintô 14:20

Ơ oh mi, tòm bơta kơlôi sơnơng bañ gơs be cau kơnòm dềt; mơya tòm bơta bih khih iơh bơsak, gen gơs tĕ be kơnòm dềt, ai tòm bơta git wă gen gơs tĕ be cau dờng.

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,

II Pier 1:11

Behơ̆ oh mi rơp geh ai mut dô bă dờng ơnàng tòm lơgar gam sùm sùm Yàng dê mơ Yàng Dong Klàs bol he dê la Yàng Jesu Krist.