Mathiơ 18:25 - Sră Goh 2018

²⁵ Bơh khai ò gơs phan lơi nàng tơm, gen bơtau sồr tac khai mơ bau kòn mơ jơh ală phan mơna khai dê nàng tơm dồs.

Mathiơ 18:25 Mawu Ofanana

II Ală Bơtau 4:1

Tŭ hơ̆, gơs bau ùr dô nă tòm mpồl ală cau gơnoar hwơr dê rac dan mơ Elise lah: “Cau dĭ gơna ồng la bau klau añ, neh sang rài; mơ ồng git lah dĭ gơna ồng dê duh rngòt Yàng Jehôwa. Mơya gơs dô nă cau tòm dồs neh tus nàng kup bàr nă kòn klau añ nàng lơh dĭ.”

Nehemi 5:5

Tŭ do poac să bol hi dê kung be poac să oh mi he dê, ală kòn bol hi dê kung be ală kòn bol khai dê, do bol he neh kup bơklơn ală kòn klau mơ ală kòn ùr bol hi dê nàng lơh dĭ, mơ kung gơs kòn ùr bol hi dê neh kong kup cèng; mơya bol hi ò gơs gơnoar lơi, tài bơh ală mìr sre mơ ală suơn ño bol hi dê neh gơrê mơ cau ndai.”

Nehemi 5:8

gen đơs mơ bol khai lah, “Jat be bơta bol hi rgơi, bol hi neh tơwài oh mi he la cau Juda neh kòl tac ală làng bol bơdìh in, la ală cau pal gơkòl tac bơh bol he wơl ơ?” Gen bol khai ơm mŏ mŏ mơ ò rgơi jòi jơnau lơi nàng đơs, gen añ đơs lah:

Lik Ejiptơ 21:2

Dilah mê blơi dô nă cau klau Hebrơ duh broă, khai rơp duh broă bol mê tòm prau nam; mơya tus di nam dơ̆ poh khai rơp geh khat gơboh, ò tơm wơl dô nơm phan lơi.

Lik Ejiptơ 22:3

mơya dilah bơta hơ̆ gơlik gơs tòm tŭ mattơngai neh lik rau, gen khai kong kup glài lơh gơhòr mhàm cau. Ngan la cau ntung kơñau pal tơm wơl; mơya dilah khai ò gơs phan lơi nàng tơm, gen khai pal kong tac gơs dĭ nàng tơm glài ntung kơñau khai dê.

Esai 50:1

Yàng Jehôwa đơs be do: “Ntềng đah sră cơng tàng lòi bau mơ Añ neh lơh nàng sang lòi mè mê dê taih? Hala sră mơ Añ neh tac bol mê mơ cau tòm dồs taih? Tài bơh tồi glài bol mê dê tàng bol mê gơkòl tac; tài bơh bơta tìs glài mè bol mê dê tàng kong sang lòi.

Lebi 25:39

‘Dilah dô nă oh mi bol mê gơlik rƀah lơòi ơm rềp di bol mê mơ tac să khai bol mê in, bañ sồr khai lơh broă kung be dô nă cau dĭ.

Mathiơ 18:24

Tòm tŭ rơp sơntòm ting khà priă, gen gơs cau cèng dô nă cau kòl dồs dô tơlak talơng.

Luka 7:42

Bơh bol khai ò gơs phan lơi nàng tơm dồs, gen cau tòmlòi tơn dồs jơh bàr nă bol khai in. Tòm bàr nă cau hơ̆, ñcau kòñ gơboh di cau tòm rlau taih?”