Mathiơ 18:16 - Sră Goh 2018

¹⁶ Mơ dilah khai ò iat, gen lam tĕ dô nă hala bàr nă cau lòt bal mơ mê, tồ jơnau bàr pe nă cau lơh cơng mơ kòp jơnau geh lơh nền.

Mathiơ 18:16 Mawu Ofanana

I Ală Bơtau 21:13

Bàr nă cau gơlềng gơlàng tus nggui di đap Nabôt, mơ bol khai yă blac tòmdră mơ Nabôt di đap làng bol, lah: “Nabôt neh srat rma Yàng Tom Trồ mơ bơtau.” Gen bol khai lam Nabôt lik hơ bơdìh ƀòn dờng, mơ cơm lŭ tơnchơt khai.

Khà Làng Bol 35:30

Cau lơi tơnchơt dô nă cau gen pal kong tơnchơt kung be dô nă cau tơnchơt cau mìng jat jơnau lơh cơng ală cau lơh cơng dê. Mơya ò gơs cau lơi rơp kong lơh glài tơnchơt dilah gơs jơnau lơh cơng mìng dô nă cau lơh cơng dê lơm.

Jang 8:17

Tòm bơta boh lam bol mê dê kung neh cih lah jơnau lơh cơng bàr nă cau dê la song ngan.

II Kôrintô 13:1

Do la dơ̆ pe mơ añ lòt tus hơ oh mi. “Jơh ală broă geh lơh nền jat be jơnau bàr pe nă cau lơh cơng.” Jat jơnau Sră Goh đơs.

Yal Wơl 17:6

Jat jơnau lơh cơng bàr hala pe nă cau dê gen sồng rgơi lơh glài tơnchơt dô nă cau, mơya bañ gơs cau lơi kong lơh glài tơnchơt tài bơh gơs mìng dô nă cau lơh cơng lơm.

Yal Wơl 19:15

Dô nă cau lơh cơng gen ò tơl nàng cahrña lơh nền glài dô nă cau gơkòl yă bơh dô nơm glài lơi hala dô bơta lơh tìs lơi mơ khai neh kòl. Dô bơta yă wơn pal geh cahrña lơh nền bơh jơnau lơh cơng bàr hala pe nă cau lơh cơng dê.

I Timôthe 5:19

Bañ dòp jơnau cau yă dô nă cau kwang kra lơi dilah ò gơs bàr hala pe nă cau lơh cơng.

Hebrơ 10:28

Cau lơi neh lơh tìs mơ bơta boh lam Môise dê, dilah gơs bàr pe nă cau lơh cơng, gen cau hơ̆ pal chơt ò gơs bơta nđàc sơngit,

Yal Tơlik 11:3

Añ rơp ai gơnoar bàr nă cau lơh cơng Añ jê đơs hwơr tòm dô rbô bàr rhiang prau jơt ngai, bol khai soh ào bài sơnò kiat.”