Mathiơ 17:5 - Sră Goh 2018

⁵ Tòm tŭ khai gam đơs, gơs dô puk mhwal àng lơr jơm gòm bol khai, mơ gơs jơnau bơh tòm mhwal đơs lah: “Do la Kòn kòñ gơboh Añ jê, niam nùs Añ tòm ală bơta; iat tĕ Khai.”

Mathiơ 17:5 Mawu Ofanana

Sră Jop 38:1

Gen Yàng Tom Trồ ho wơl mơ Jop, bơh tòm càl rwac lah:

Đơs Crih 81:7

Tòm tŭ bòl glar, mê hòi dan gen Añ rơp dong tă mê, Añ neh ho wơl mê in bơh tiah ndơp ndơr ntơr kơnàs, Añ neh lòng mê tòm dà Meriba. (Selah)

Lik Ejiptơ 19:19

Ntas kơlwòk sơlo dờng rlau tai. Gen Môise đơs, mơ sap đơs Yàng Tom Trồ dê ho wơl tòm ntơr kơnàs.

Esai 42:1

“Do la cau duh broă Añ jê, la cau Añ yò đo; la cau sac rwah Añ jê, la cau Añ niam nùs. Añ rơp ơn Hwềng Añ hơđang Khai, Khai rơp cèng bơta song ring ală làng bol in.

Esai 42:21

Yàng Jehôwa niam nùs bơh bơta song ring Kơnràñ dê, lơh bơta boh lam Kơnràñ dê dờng màng mơ gơklŏ.

Mathiơ 12:18

“Ne, Cau Duh Broă Añ, la Cau Añ neh sac rwah, La Cau kòñ gơboh Añ jê, niam nùs Añ tòm jơh ală bơta. Añ rơp ai Hwềng Goh Añ ơm hơđang Khai, Mơ Khai rơp yal bơta cahrña song ngan làng bol Bơdìh in.

Mathiơ 17:6

Dơ̆ ală cau bơtê kơno jơnau hơ̆ gen gơ blup mat tòm ù mơ rngòt rngơt ngan.

Mathiơ 3:17

Ne, gơs jơnau bơh đang trồ đơs lah: “Do la Kòn kòñ gơboh Añ jê, niam nùs Añ jơh ală bơta.”

Jơnau Niam Jat Mak 1:11

Mơ gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jơnau Niam Jat Mak 9:7

Tŭ hơ̆, gơs dô puk mhwal jơm gòm bol khai, mơ bơh tòm mhwal hơ̆ gơs jơnau đơs lah: “Do la Kòn kòñ gơboh Añ jê iat tĕ khai.”

Luka 3:22

Yàng Hwềng Goh ai rùp să be sềm ntòp rơp hơđang Kơnràñ, gơs jơnau bơh đang trồ đơs lah: “Mê la Kòn kòñ gơboh Añ jê, niam nùs Añ tòm jơh ală bơta.”

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Jang 3:35

Bèp kòñ gơboh di Kòn mơ neh jào jơh ală bơta tòm tê Kơnràñ.

Jang 5:37

Să tòm Bèp la Bơtau neh sồr Añ lòt tus kung lơh cơng bơh Añ. Bol mê òhềt tŭ lơi kơno jơnau đơs Kơnràñ, kung òhềt tŭ lơi gŏ rùp să Kơnràñ dê.

Broă 1:9

Lồc Kơnràñ đơs ală jơnau hơ̆ rau, gen geh guh rê hơđang trồ tòm tŭ ală cau hơ̆ ơm tơnggòr sền, gơs mhwal mù rò Kơnràñ ndơp thit, bol khai ò gŏ tai.

Broă 7:37

Să tòm Môise do neh đơs mơ kòn sau Israel lah: ‘Yàng Tom Trồ rơp bơh digùl bol mê mơ bơtào tơngguh dô nă Cau gơnoar hwơr be añ.’

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Yal Wơl 18:15

Jehôwa Yàng Tom Trồ bol mê dê rơp bơtào tơngguh bol mê in dô nă cau gơnoar hwơr tòm toh kung be añ bơh digùl ală oh mi tòm bol mê dê. Bol mê pal iat jơnau khai dê.

Yal Wơl 18:19

Dilah gơs cau lơi ò iat ală jơnau đơs Añ jê mơ cau gơnoar hwơr ai sơnđan mơ đơs, gen să tòm Añ rơp kup glài cau hơ̆.

Yal Wơl 5:22

Hơ̆ la ală bơta sồr lam mơ Yàng Jehôwa neh ai sap đơs dờng bơto yal jơh mpồl jơnum bol mê dê tềng hơ̆ hơđang mơnơm bơh di ồs, mhwal mơ bơta klam jơngo cik; mơ Kơnràñ ò gŏ đơs bơtơl jơnau lơi ndai tai. Lồc behơ̆ Kơnràñ neh cih ală jơnau hơ̆ hơđang bàr nơm mpàn lŭ mơ ai añ in.

Kôlôse 1:13

Kơnràñ neh dong tă bol he lik klàs bơh gơnoar bơta klam jơngo dê, mơ cèng bol he hơ lơgar Kòn kòñ gơboh Kơnràñ dê.

Hebrơ 5:9

mơ dơ̆ Kơnràñ neh geh wil tơl rau, gen gơlik gơs tòm ryas bơta dong klàs gam sùm sùm jơh ală cau in dòn bơr Kơnràñ,

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Yal Tơlik 14:14

Lồc behơ̆ añ sền gŏ, ne, gơs dô nơm mhwal bò, hơđang mhwal gơs dô Bơtau nggui gơlơh be kòn mơnus, bồ ndau dô nơm sơgơn bơtau mơ màh, tê at dô nơm mơ̆ sồt.