Mathiơ 16:27 - Sră Goh 2018

²⁷ Bơh Kòn Mơnus rơp ai bơta gơklŏ Bèp Khai dê mơ tus bal mơ ală cau gơnrơh. Gen Khai rơp ai phan ƀàn kòp nă cau in jat be broă bol khai neh lơh.

Mathiơ 16:27 Mawu Ofanana

Sră Jop 34:11

bơh jat ală broă bol khai neh lơh gen Kơnràñ rơp tơm wơl bol khai in, mơ jat be gùng dà bol khai dê, gen Kơnràñ rơp lơh behơ̆ hơđang bol khai.

Đơs Crih 62:12

Mơ tai, ơ Yàng Jehôwa, bơta kòñ gơboh kơ̆ dơn gơrê bal mơ Kơnràñ; Bơh Kơnràñ tơm wơl kòp nă cau in jat be broă lơh bol khai dê.

Jơnau Pơnđik 24:12

Dilah kòn đơs: “Sền do, bol hi ò git bơta do;” gen Bơtau kơr sơnoa nùs cau, ngan ò di sền sơwì bơta hơ̆ ơ? Mơ Bơtau ê sền gàr hwềng soàn kòn rơp ò git sơl ơ? Behơ̆ Kơnràñ rơp ò tơm wơl kòp nă jat broă lơh bol khai ò ơ?

Cau Bơto 3:17

Gen añ đơs tòm nùs lah: “Yàng Tom Trồ rơp cahrña cau song ring mơ cau iơh bơsak; bơh gơs bơta lơh nền tŭ tơngai kòp broă mơ kòp bơta in.”

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Jeremi 32:19

Ală tơnggume broă Kơnràñ dê la dờng, ală broă lơh Kơnràñ dê la gơs gơnoar pràn. Gar mat Kơnràñ dê pò sền jơh ală gùng dà kòn mơnus dê, nàng tơm wơl kòp nă cau in jat gùng dà khai dê, mơ jat cồng nha broă lơh khai dê.

Ejekiel 18:20

Hwềng soàn lơi tìs glài gen hwềng soàn hơ̆ rơp chơt. Kòn rơp ò kong bơta tồi glài bơh bèp khai dê, mơ bèp kung ò kong bơta tồi glài bơh kòn khai dê sơl. Bơta song ring cau song ring dê rơp geh kòp khai in, mơ bơta iơh bơsak cau iơh bơsak dê rơp cèng bơta cahrña lơh glài khai in.

Ejekiel 7:27

Cau bơtau rơp ñìm rac, cau kwang at bồ rơp soh bơta roh nùs moat jrùng, mơ tê làng bol tòm lơgar rơp rơm rngòt. Añ rơp lơh gơwèt hơ bol khai jat be bơta lơh lòt bol khai dê, mơ Añ rơp cahrña bol khai jat be bơta bol khai neh cahrña. Gen bol khai rơp git Añ la Yàng Jehôwa.’”

Daniel 7:10

Di đap Kơnràñ gơs dô nơm hiòng ồs gơhòr lìu làm jơh, rbô rbô cau duh broă Kơnràñ, mơ tơlak tơmàn ntào di đap Kơnràñ. Tŭ jơ cahrña neh tus, mơ ală sră neh pò tơlik.

Sacari 14:5

Bol mê rơp dô tòm thòng mơnơm Añ jê, bơh thòng digùl ală mơnơm rơp lòt ngài tus Ajal. Bol mê rơp dô kung be neh dô bơh bơta gơlơnggơr ù tòm ală ngai Ôsia dê la bơtau Juda. Gen Jehôwa Yàng Tom Trồ añ jê rơp tus, mơ jơh ală cau sàng goh tus bal mơ Kơnràñ.

Mathiơ 13:41

Kòn Mơnus rơp sồr ală cau gơnrơh Kơnràñ lòt, tơrgòm jơh ală bơta lơh gơtup tìs mơ ală cau lơh bơta tồi glài iơh bơsak mơ tơlik bơh di lơgar Kơnràñ,

Mathiơ 13:49

Ngai lồi dut rài do kung behơ̆ sơl. Ală cau gơnrơh rơp lik lòt cah is ală cau iơh bơsak bơh ală cau song ring,

Mathiơ 24:30

Tŭ hơ̆ tềl sơnio Kòn Mơnus dê rơp gơtơlik hơđang trồ, jơh ală jơi bơtiàn tòm ù rơp tur ntơh ñìm rac, mơ gŏ Kòn Mơnus ai gơnap gơnoar mơ bơta gơklŏ dờng ơm hơđang mhwal trồ mơ tus.

Mathiơ 25:31

“Tòm tŭ Kòn Mơnus ơm tòm bơta gơklŏ Kơnràñ dê tus bal mơ jơh ală cau gơnrơh, gen Kơnràñ rơp nggui hơđang sơbàn gơklŏ.

Mathiơ 26:64

Yàng Jesu ho lah: “Ngan be ồng neh đơs. Mơya Añ đơs mơ bol mê, bơh do jơl hìng nau bol mê rơp gŏ Kòn Mơnus nggui đah ma Bơtau Gơnap Gơnoar dê, ơm hơđang mhwal trồ mơ tus.”

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Jơnau Niam Jat Mak 14:62

Yàng Jesu ho lah: “Añ la cau hơ̆. Ală ồng rơp gŏ Kòn Mơnus nggui đah ma Bơtau Gơnap Gơnoar dê, ơm tòm mhwal trồ mơ tus.”

Jơnau Niam Jat Mak 8:38

Dilah cau lơi ƀàssìl bơh Añ mơ jơnau Añ jê digùl jơi bơtiàn rềs àr bơrnàn do, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus wơl tòm bơta gơklŏ Bèp Kơnràñ dê bal mơ ală cau gơnrơh sàng goh.”

Luka 21:27

Tòm tŭ hơ̆, cau rơp gŏ Kòn Mơnus ai gơnap gơnoar dờng mơ bơta gơklŏ ryŭ ryơm ơm tòm mhwal mơ tus.

Luka 22:69

Mơya bơh do jơl hìng nau Kòn mơnus rơp nggui đah ma gơnap gơnoar Yàng Tom Trồ dê.”

Luka 9:26

Bơh cau lơi ƀàssìl bơh Añ mơ jơnau Añ jê, gen Kòn Mơnus kung rơp ƀàssìl bơh cau hơ̆ tòm tŭ Kơnràñ tus tòm bơta gơklŏ Kơnràñ dê, Bèp dê, mơ ală cau gơnrơh sàng goh dê.

Jang 21:22

Yàng Jesu đơs lah: “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă di mê taih? Ai mê, jat tĕ Añ.”

Jang 21:23

Behơ̆ jơnau hơ̆ pơnro tòm ală oh mi lah cau bơtê hơ̆ rơp ò chơt. Mơya Yàng Jesu ò đơs lah cau hơ̆ rơp ò chơt ò, mơya đơs lah; “Dilah Añ kòñ khai kư̆ ơm jơl tus di tŭ Añ tus, gen ñchi bơta gơkwă dê mê taih?”

Broă 1:11

mơ đơs lah: “Ơ cau Galile, ñchi bơh tài bol mê ntào tơnggòr sền hơđang trồ behơ̆ taih? Jesu do neh geh guh rê hơđang trồ bơh digùl bol mê, gen kung rơp rê wơl be bol mê neh gŏ Kơnràñ guh rê hơđang trồ hơ̆ sơl.”

Rôma 14:12

Behơ̆ kòp nă tòm bol he rơp yal tơlik broă he dê Yàng Tom Trồ in.

Rôma 2:6

Bơh Yàng Tom Trồ rơp cahrña kòp nă cau in jat be broă bol khai lơh.

I Kôrintô 15:23

Mơya jat bơta rơndap kòp nă is he dê: Bơtau Krist la plai bồ sơnam, gen ală cau gơrê bal mơ Bơtau Krist rơp kis wơl tòm tŭ Kơnràñ tus wơl.

I Kôrintô 3:13

gen broă kòp nă cau dê rơp geh ràng tơlik; bơh tòm ngai Yàng dê rơp yal loh. Tài bơh gơ rơp geh ràng tơlik tòm ồs, mơ ồs rơp lòng broă kòp nă cau dê la mbe lơi.

I Kôrintô 8:8

Ò di bơh phan sa mơ bol he geh đềt mềr mơ Yàng Tom Trồ. Dilah bol he ò sa, kung ò gơhuc bơta lơi; dilah sa kung ò gơlin bơta lơi.

II Kôrintô 5:10

Bơh bol he jơh tơl nă pal ntào di đap tiah cahrña Bơtau Krist dê, tồ kòp nă cau in dòp geh jat be broă niam hala iơh he neh lơh tòm tŭ gam ơm tòm poac să.

Ephesô 6:8

Kah tĕ lah Yàng rơp ai phan ƀàn kòp nă cau in, bulah cau dĭ gơna hala cau khat gơboh kung behơ̆ sơl, jat be broă niam lơi bol khai lơh.

Kôlôse 3:25

Bơh cau lơi lơh bơta ò song ring, gen rơp kong sal wơl bơta ò song ring khai neh lơh hơ̆, bơh ò gơs bơta cah is cau lơi.

I Tesalônika 1:10

mơ kơp gơn Kòn Kơnràñ dê tus bơh đang trồ, la Yàng Jesu mơ Yàng Tom Trồ neh hòi kis wơl bơh bơta chơt, hơ̆ la Bơtau dong tă bol he klàs bơh bơta gơjrañ dờng rơp tus.

I Tesalônika 4:16

Bơh să tòm Yàng rơp mù bơh đang trồ bal mơ jơnau driau sồr mơ jơnau hòi cau gơnrơh dờng rlau jơh dê, bal mơ ntas kơlwòk Yàng Tom Trồ dê, gen ală cau chơt tòm Bơtau Krist rơp kis wơl lài.

Jakơ 5:7

Ơ oh mi, behơ̆ tàng kong ơt tĕ jơl tus dê tŭ Yàng tus. Sền tĕ, cau lơh sre kơp gơn cồng nha kas màng bơh tòm ù, mơ gơs nùs kong ơt jơl tus di tŭ lơi tus mìu bồ sơnam mơ lồi sơnam.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

I Jang 2:28

Behơ̆ tòm tŭ do, ơ ală kòn añ jê, ơm tĕ sùm tòm Kơnràñ, nàng tòm tŭ Kơnràñ tơlik mat, gen bol he gơs nùs khin cha, ò gơs ƀàssìl di đap Kơnràñ tòm tŭ Kơnràñ tus wơl.

Jude 1:14

Hơ̆ kung tài bơh bol khai mơ Enôk la cau neh poh rài bơh Adam, neh đơs hwơr lah: “Ne, Yàng tus bal mơ tơlak tơmàn cau sàng goh Kơnràñ dê,

Yal Tơlik 1:7

Ne, Kơnràñ ơm tòm mhwal mơ tus, mơ jơh ală gar mat rơp gŏ Kơnràñ, ală cau neh hwit Kơnràñ kung gŏ sơl; mơ jơh ală jơi bơtiàn tòm plai ù rơp ñìm rac bơh Kơnràñ. Ngan behơ̆. Amen.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.

Yal Tơlik 20:12

Añ gŏ ală cau chơt, dờng mơ dềt, ơm ntào di đap sơbàn mơ ală sră geh pò tơlik. Kung gơs dô dap sră ndai geh pò tơlik sơl la sră bơta kis. Ală cau chơt kong cahrña jat be ală bơta neh cih tòm ală sră hơ̆, jat be ală broă bol khai neh lơh.