Mathiơ 16:23 - Sră Goh 2018

²³ Mơya Kơnràñ wơlke đơs mơ Pier lah: “Ơ cà Satan, ruc tĕ tơnơ̆ Añ! Mê lơh kai gơtup tìs Añ in, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Mathiơ 16:23 Mawu Ofanana

Sơnròp Gơlik Gơs 3:17

Kơnràñ đơs mơ Adam lah: “Bơh mê iat jơnau cau ùr mơ sa plai chi Añ neh nting ò di sa, behơ̆ ù kong srat sơntơm tài bơh mê, tòm jơh rài mê pal kong bòl glar gen sồng gơlik gơs phan sa bơh tòm ù.

II Samuel 19:22

Dabit ho lah: “Ơ ală kòn klau Jeruyah dê, ñchi bơta añ pal lơh mơ bol mê taih? Mơ ngai do bol mê neh gơlik gơs cau lơh bòl glar di añ, dô nă cau tòm Israel ngai do pal kong tơnchơt sơl ơ? Añ ò git lah ngai do añ la bơtau at bồ Israel ò ơ?”

I Yal Yau 21:1

Satan ntào tòmdră mơ Israel, mơ chồl nùs Dabit kòp khà làng bol Israel.

Esai 8:14

Kơnràñ rơp gơlik gơs dô bă tiah sàng goh, dô pơnai lŭ lơh gơtup jơng jơh bàr nơm hìu Israel dê; Kơnràñ rơp gơlik gơs dô pơnai lŭ gơtup pừ; dô nơm dă mơ dô nơm bơtơng ală cau ơm tòm Jerusalem in.

Mathiơ 16:22

Pier lam Kơnràñ lik is mơ lah pơrhơng lah: “Ơ Yàng, Yàng Tom Trồ ò kòñ behơ̆ ò. Bơta hơ̆ ò tŭ lơi tus di Kơnràñ ò.”

Mathiơ 18:7

“Bòl glar dunnia in, bơh ală kai lơh gơtup tìs! Bulah pal gơs ală kai lơh gơtup tìs; mơya bòl glar cau lơi in lơh kai hơ̆.

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Jơnau Niam Jat Mak 8:33

Mơya Yàng Jesu wơlke sền ală cau bơtê mơ lah pơrhơng Pier lah: “Ơ cà Satan, ruc tĕ tơnơ̆ Añ, bơh nùs kơlôi mê ò gơwèt hơ broă Yàng Tom Trồ, mơya gơwèt hơ broă kòn mơnus dê.”

Luka 4:8

Yàng Jesu đơs mơ gơ lah: “Gơs jơnau cih tòm Sră Goh lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Jang 6:70

Yàng Jesu ho lah: “Añ ò di neh sac bol mê la jơt bàr nă cau bơtê ơ? Mơ gơs dô nă cau tòm bol mê la cà.”

Rôma 14:13

Behơ̆, bañ cahrña ndring gơp he tai, mơya chan lơh nền bañ gơs cau lơi lơh gơtup pừ hala kai gơtup tìs oh mi he in.

Rôma 14:21

Niam rlau hơ̆ la ò sa poac, ò ñô tơrnòm, mơ ò lơh bơta lơi gơs kai gơtup tìs oh mi he in.

Philip 3:19

Bơta lồi dut bol khai dê la bơta roh rui, yàng bol khai dê la kơndul, bơta gơklŏ bol khai dê hơ̆ la bơta ƀàssìl ƀàsso bol khai dê, bol khai mìng kơlôi bơh broă dunnia dê lơm.

Kôlôse 3:2

Ơn tĕ nùs kơlôi gơwèt mơ ală bơta hơđang trồ mơ bañ ơn nùs kơlôi gơwèt mơ ală bơta tòm ù.