Mathiơ 16:19 - Sră Goh 2018

¹⁹ Añ rơp jào mê in kai mpồng lơgar đang trồ. Bơta lơi mê kơt tòm ù gen kung rơp kơt hơđang trồ sơl, mơ bơta lơi mê hồ tòm ù gen kung rơp geh hồ hơđang trồ sơl.”

Mathiơ 16:19 Mawu Ofanana

Esai 22:22

Añ rơp ơn hơđang pơnì khai kai mpồng hìu Dabit dê; khai rơp pò mơ ò gơs cau lơi rgơi til, khai rơp til gen ò gơs cau lơi rgơi pò.

Mathiơ 18:18

“Di ngan, Añ đơs mơ bol mê, bơta lơi bol mê kơt tòm ù, gen kung rơp kơt hơđang trồ, mơ bơta lơi bol mê hồ tòm ù gen kung rơp geh hồ hơđang trồ sơl.

Jang 20:23

Dilah bol mê toh glài cau lơi, gen glài hơ̆ rơp geh toh; ai dilah bol mê ò toh glài cau lơi, gen glài hơ̆ gam wơl.”

Broă 15:7

Tơnơ̆ mơ tŭ bơyai nền cê, Pier ntào đơs mơ bol hơ̆ lah: “Ơ oh mi, oh mi git lah bơh ală ngai sơnròp Yàng Tom Trồ neh sac añ bơh digùl ală oh mi, nàng bơto Jơnau Niam làng bol bơdìh in, bơh hơ̆ bol khai rgơi kơno mơ dòn.

II Kôrintô 2:10

Mơya oh mi toh glài cau lơi in, gen añ kung toh glài sơl. Bơh dilah añ neh toh glài, hơ̆ la tài bơh oh mi mơ toh glài di đap Bơtau Krist,

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.

Yal Tơlik 1:18

Añ la Bơtau Kis; Añ neh chơt, mơ do Añ kis gam sùm sùm, at ală kai mpồng Bơta chơt mơ Lơgar Làng ƀồc.

Yal Tơlik 11:6

Bàr nă cau hơ̆ gơs gơnoar til ală tap trồ, nàng ò gơs mìu tòm ală ngai bol khai đơs hwơr; bol khai gơs gơnoar hơđang ală dà nàng lơh dà gơlik gơs mhàm, mơ ngui jơh ală bơta rung rài nàng lơh iơh di plai ù tŭ lơi jat nùs bol khai kòñ.

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

Yal Tơlik 9:1

Cau gơnrơh dơ̆ pram uh kơlwòk, gen añ gŏ dô nơm sơmañ bơh đang trồ neh rung di plai ù, mơ neh ai gơ in kai mpồng brong jrô hùt hung dê.