Mathiơ 16:17 - Sră Goh 2018

¹⁷ Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 16:17 Mawu Ofanana

Esai 54:13

Jơh ală kòn klau ai dê rơp geh Yàng Jehôwa bơto sồr, mơ bơta lơngap lơngai pas gơs kòn sau ai dê rơp dờng ngan.

Luka 22:32

Mơya Añ neh hòi dan mê in, tồ bơta dòn mê dê ò gơhuc. Behơ̆ tus di tŭ mê rê wơl hơ Añ, gen lơh tĕ oh mi mê in kơ̆ nùs.”

Jang 1:42

Gen khai lam Simôn lòt tus hơ Yàng Jesu. Yàng Jesu sền gŏ Simôn gen đơs lah: “Mê la Simôn, kòn Jôna dê, mê rơp geh sơnđan la Sepha,” (gơtha la Pier).

Jang 6:45

Tòm ală sră gơnoar hwơr neh cih lah: ‘Jơh tơl nă cau rơp geh Yàng Tom Trồ bơto sồr.’ Kòp nă cau lơi neh iat mơ bơtê bơh di Bèp, gen lòt tus hơ Añ.

I Kôrintô 15:50

Ơ oh mi, añ đơs be do lah poac mơ mhàm ò geh pơrdòn lơgar Yàng Tom Trồ; bơta òs ồm lề kung ò geh pơrdòn bơta ò ồm lề.

Galati 1:16

mơ niam nùs yal tơlik Kòn Kơnràñ dê tòm añ, tồ añ in bơto yal bơh Kòn hơ̆ digùl làng bol bơdìh, gen añ ò càng bơyai mơ cau lơi.

Ephesô 2:8

Oh mi geh dong klàs kơnòm di bơta nđàc mơ bơh bơta dòn, bơta hơ̆ ò di bơh oh mi ò, mơya la bơta ai gòi Yàng Tom Trồ dê;

Ephesô 3:5

tòm ală rài yau òhềt geh yal tơlik jơi kòn mơnus in git ală bơta ndơp ndơr, mơya tŭ do Yàng Tom Trồ neh kơnòm dê Yàng Hwềng yal tơlik ală cau gơnoar bơto dờng mơ ală cau gơnoar hwơr sàng goh Kơnràñ in.

Ephesô 6:12

Bơh bol he ò di tòmlơh mơ poac mơ mhàm ò, mơya tòmlơh mơ ală gơnoar at bồ, mơ ală gơnoar, mơ ală bơtau at bồ rài klam jơngo do, mơ mpồl cà jàñ bơsak ơm tòm pah gòi.

Hebrơ 2:14

Behơ̆ gen, tài bơh ală kòn sau neh gơs pơnah tòm poac mơ mhàm be lơi, gen tàng să tòm Kơnràñ kung gơs pơnah tòm poac să behơ̆ sơl, tồ kơnòm di bơta chơt mơ Kơnràñ rgơi tơnroh cau at bồ bơta chơt la cà ràk,

I Pier 5:1

Behơ̆ añ bơto tơngkah ală cau kwang kra tòm oh mi, añ do kung la cau kra be oh mi sơl, la cau lơh cơng bơh bơta bòl glar jê sồt Bơtau Krist dê, mơ kung gơs pơnah tòm bơta gơklŏ rơp geh ràng tơlik.

I Jang 4:15

Dilah cau lơi yal tơlik Yàng Jesu la Kòn Yàng Tom Trồ dê, gen Yàng Tom Trồ ơm sùm tòm khai, mơ khai ơm sùm tòm Yàng Tom Trồ.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.