Mathiơ 15:14 - Sră Goh 2018

¹⁴ Lòi tĕ dò bol khai; bol khai la cau jơngo mơ lam gùng. Dilah cau jơngo lam cau jơngo, gen jơh bàr nă rơp dùh tòm trồm tơrluh.”

Mathiơ 15:14 Mawu Ofanana

Esai 31:3

Mơya cau Ejiptơ la kòn mơnus, ò di la Yàng Tom Trồ; ơseh tòmlơh bol khai dê mìng la poac să, ò di la hwềng. Tòm tŭ Yàng Jehôwa pò tê Kơnràñ dê gen cau dong kòl rơp gơpừ, cau geh dong kòl rơp gơplơ̆, jơh bàr đah rơp kong roh rui bal.

Esai 42:19

Ñcau la cau jơngo, mơya la cau duh broă Añ jê, mơ cau tĭ tồr kung be cau kong sồr mơ Añ neh sồr lòt taih? Ñcau la jơngo kung be cau ơn să Añ in, hala cau jơngo kung be cau duh broă Yàng Jehôwa dê taih?

Esai 56:10

Ală cau kơp gàr Israel dê jơngo mat, jơh tơl nă bol khai siơ̆u bơta git wă; bol khai jơh tơl nă la ală so kloat; ò rgơi khoal; ơm bic wèng, ơm mpau, jròk bic mat.

Esai 9:16

Ală cau tề lam làng bol do neh lòt tìs nrah, mơ ală cau geh tề lam gơkòl roh rui.

Jeremi 5:31

Ală cau gơnoar hwơr đơs hwơr blac, Ală cau gơnoar ơn phan duh khoai jat jơnau gơnoar sồr cau gơnoar hwơr! Làng bol Añ kòñ gơs bơta behơ̆ sơl. Mơya ñchi bol mê rơp lơh tòm tŭ lồi dut tus taih?”

Jeremi 6:15

Bol khai lơh broă bềng bơta ƀàssìl, mơ tìs glài iơh rmơh; Mơya bol khai ò git ƀàssìl. Bol khai ò dum mat ƀàssìl dô êt lơi. Gen tàng bol khai rơp gơpừ digùl ală cau gơpừ. Di di tŭ Añ lơh glài bol khai, bol khai rơp kong tuh tơlup.” Yàng Jehôwa đơs behơ̆.

Jeremi 8:12

Bol khai neh lơh broă ƀàssìl ngan, bol khai tìs bơta cù kìr, mơya bol khai ò git ƀàssìl ƀàsso bol khai ò gơlơh dum mat sơl. Behơ̆ gen tàng, bol khai rơp gơpừ bal mơ ală cau gơtup pừ. Tus di ngai Añ lơh glài bol khai, bol khai rơp kong tuh tơlup.’” Yàng Jehôwa đơs behơ̆.

Sră Ôse 4:17

Epraim tòmklac mơ rùp ràk, lòi tĕ dò khai!

Malaci 2:8

Mơya, bol mê neh pleh lik bơh di gùng, jơnau bơto sồr bol mê dê neh lơh oă cau in gơtup pừ; bol mê neh lơh gơltac sang bơta ho bal Lebi dê,” Yàng Jehôwa Gơnap Gơnoar Dờng Làm Jơh đơs behơ̆.

Luka 6:39

Kơnràñ kung đơs mơ bol khai dô jơnau pơnyơu lah: “Cau jơngo rgơi tề lam cau jơngo sơl? Jơh bàr nă ò di dùh bal tòm trồm tơrluh ơ?

Jang 9:39

Yàng Jesu đơs lah: “Añ neh lòt tus tòm dunnia do nàng cahrña, lơh cau jơngo in gơs gŏ; ai cau gŏ, gen gơlik jơngo.”

I Timôthe 6:5

mơ bơta tòm pơndang bal ală cau gơs nùs kơlôi ƀơ̆ iơh, ò gơs jơnau song, sền bơta duh rngòt be la bơta jòi cồng nha.

II Pier 2:1

Mơya, kung be tòm làng bol neh gơs cau gơnoar hwơr ma blac bơtào tơngguh, gen kung rơp gơs cau bơto ma blac tòm oh mi sơl; bol khai rơp bơto òm ală gùng duh khoai tìs mơ tơnroh cau, tian gơs pơndang sang Yàng neh rwat bol khai; bol khai cèng is bơta roh rui mhar ngan să tòm bol khai in.

II Pier 2:17

Ală cau hơ̆ kung be ală croh ò gơs dà, be dà tŭ kòl càl dờng khồm pơrdô; bơta klam jơngo cik la bơta neh rcang lòi bol khai in.

Yal Tơlik 19:20

Phan poan jơng kòl kup bal mơ cau gơnoar hwơr ma blac la cau neh lơh ală tềl krơi di đap gơ, nàng pơrlồm ală cau neh dòp tềl phan poan jơng dê mơ ală cau duh khoai rùp gơ; bàr nă bol khai gam kis mơ kong sơrbì tòm brong ồs hơng mơ siau.

Yal Tơlik 22:15

Ai ală so, ală cau bơjơu, ală cau rềs àr bơrnàn, ală cau tơnchơt cau, ală cau duh rùp ràk, mơ jơh ală cau gơboh bơta đơs blac mơ lơh bơta blac pơrlồm, gen bol khai ơm đah bơdìh ƀòn.