Mathiơ 13:33 - Sră Goh 2018

³³ Kơnràñ đơs pơnyơu ndai tai mơ bol khai lah: “Lơgar đang trồ kung be kañ cau ùr ne ai bơcă bal mơ poan jơt lit kơmbuh phe jơl tus di tŭ gơprồ làm jơh.”

Mathiơ 13:33 Mawu Ofanana

Sơnròp Gơlik Gơs 18:6

Gen, Abraham sơrbac sơrbang mut tòm sàl, tus hơ Sara mơ đơs lah: “Ai tĕ mhar pe jơrlŭ kơmbuh phe, bơcă klac tĕ mơ lơh piang lă dềt.”

II Samuel 13:6

Behơ̆, Amnôn bic di cơnòng bic mơ lơh tànggơ be kòp jê. Tòm tŭ cau bơtau tus còp khai gen khai đơs mơ cau bơtau lah: “Kòn kòñ oh ùr kòn la Tamar tus mơ lơh dô êt piang lă bơkah di đap mat kòn, nàng kòn rơp sa bơh di tê khai.”

Sră Jop 17:9

Bulah behơ̆, cau song ring rơp ntào kơ̆ tòm ală gùng dà khai dê, Mơ ală cau gơs tê sàng goh rơp sơlo ngai sơlo pràn rlau.

Jơnau Pơnđik 4:18

Mơya gùng lòt cau song ring dê la kung be bơta àng àng drim dê, Gơ pơnđàng sòl sơlo àng rlau tai jơl tus di trồ gùl ngai.

Sră Ôse 6:3

Lòi bol he đal git tĕ Yàng Jehôwa; bol he pơnđơl tĕ đal git Kơnràñ. Bơta tơlik mat Kơnràñ dê la nền cê ngan be rìng àng drim, Kơnràñ rơp tus hơ bol he kung be trồ mìu nhàc, be mìu kơnhai phàng tơnsùh ù tiah.”

Mathiơ 13:24

Yàng Jesu đơs pơnyơu ndai mơ bol khai lah: “Lơgar đang trồ la kung be dô nă cau sih gar niam tòm sre khai dê.

Jơnau Niam Jat Mak 13:20

Dilah Yàng ò tơnhuc ală ngai hơ̆ gen ò gơs cau lơi geh dong klàs, mơya tài bơh ală cau geh sac rwah, gen tàng Kơnràñ tơnliah ală ngai hơ̆.

Luka 13:21

Lơgar hơ̆ pơndròm be kañ mơ cau ùr ne ai bơcă tòm poan jơt lit jơl tus di tŭ kơmbuh phe gơprồ làm jơh.”

Jang 15:2

Ntê lơi tòm Añ mơ ò gơlik plai gen Kơnràñ koh sang, mơ ntê lơi gơlik plai gen Kơnràñ rcang niam, nàng gơlik oă plai tai.

Galati 5:9

Dô êt kañ lơh gơprồ jơh dô kơnac kơmbuh.

Philip 1:6

Añ dòn nền ngan lah Bơtau neh sơntòm lơh broă niam tòm ală oh mi kung rơp lơh wil tơl jơl tus di ngai Yàng Krist Jesu dê.

Philip 1:9

Bơta añ hòi dan hơ̆ la dan bơta kòñ gơboh oh mi dê sơlo ngai sơlo gơbơtơl lìu làc rlau tai, bal mơ bơta git wă jơnau song mơ bơta cahrña wil tơl,

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

Ală Kwang Cahrña 6:19

Behơ̆, Gideôn mut tòm hìu mơ lơh poac dô nơm be kòn, ai dô thùng kơmbuh phe mơ lơh ală piang lă dềt ò gơs kañ. Khai ơn poac tòm bài mơ dà poac tòm glah, lồc behơ̆ khai cèng ơn ală phan hơ̆ Kơnràñ in di tòm cha.

I Samuel 1:24

Tòm tŭ khai neh sang pô rau, gen Anne cèng kòn klau hơ̆ guh bal mơ khai tus hơ hìu Yàng Jehôwa dê tòm Silô. Khai cèng bal dô nơm kơnrồ dam pe nam, dô thùng kơmbuh phe, mơ dô nhồng gơltau tơrnòm. Khai lam kòn dềt hơ̆ tus hơ hìu Yàng Jehôwa, mơ kòn hơ̆ gam dềt ngan.