Mathiơ 13:23 - Sră Goh 2018

²³ Ai gar neh sih tòm ù niam, hơ̆ la cau kơno jơnau mơ git wă; khai rơp gơlik plai tian gơs gơnar ƀà gơlik dô rhiang, gơnar ƀà prau jơt, gơnar ƀà tai pe jơt.”

Mathiơ 13:23 Mawu Ofanana

Ejekiel 18:31

Tă sang tĕ bơh di să tòm bol mê jơh ală bơta tìs mơ bol mê neh lơh mơ gơs tĕ dô nơm nùs pa mơ dô nơm hwềng pa. Ơ hìu Israel, ñchi bơh tài bol mê kòñ chơt taih?’

Ejekiel 36:26

Añ rơp ai bol mê in dô nơm nùs pa, mơ ơn dô nơm hwềng pa tòm bol mê; Añ rơp tă nùs mơ lŭ bơh di bol mê, mơ ai bol mê in nùs mơ poac.

Mathiơ 12:33

“Dilah chi niam gen plai gơ kung niam, chi iơh gen plai gơ kung iơh, bơh sền plai gen git chi.

Mathiơ 13:8

Gar ƀà tai rung di ù niam gen gơlik plai, gơnar ƀà dô rhiang, gơnar ƀà prau jơt, gơnar ƀà pe jơt.

Mathiơ 3:10

Tŭ do sùng neh ơn rềp dê tòm chi rau; dilah chi lơi ò gơlik plai niam, gen kơl mơ sang tòm ồs.

Mathiơ 3:8

Gơlik tĕ plai di pal mơ bơta gơjrañ sang glài.

Jơnau Niam Jat Mak 10:15

Di ngan Añ đơs mơ bol mê, cau lơi ò dòp lơgar Yàng Tom Trồ be dô nă kơnòm dềt, gen ò geh mut tòm hơ̆ ò.”

Jơnau Niam Jat Mak 4:20

Ai ală gar geh sih di ù niam la cau kơno jơnau gen dòp mơ gơlik plai, gơnar ƀà pe jơt, gơnar ƀà prau jơt, gơnar ƀà dô rhiang.”

Luka 13:9

lòng sền tơnơ̆ gơlik plai sơl; dilah ò, gen ồng rơp kơl.’”

Luka 8:15

Ai gar sơntìl ơm di ù niam la ală cau kơno jơnau Yàng, gen ai nùs song mơ lơbơn niam nàng prap gàr, ơt ơl mơ gơlik plai.

Luka 8:8

Gar tai rung di ù niam gen gơhòn, gơlik plai dô rhiang.” Dơ̆ Yàng Jesu đơs ală jơnau hơ̆ rau, gen Kơnràñ hòi dờng lah: “Cau lơi gơs tồr nàng iat, gen iat tĕ!”

Jang 15:16

Ò di bol mê neh sac Añ, mơya Añ neh sac mơ bơtào bol mê, nàng bol mê in lòt mơ gơlik plai, mơ plai bol mê gơ ơm sùm; tồ bơta lơi bol mê rơp ai sơnđan Añ mơ dan mơ Bèp, gen Kơnràñ ai bol mê in.

Jang 8:47

Cau lơi lik bơh Yàng Tom Trồ, gen iat jơnau Yàng Tom Trồ. Bơh bol mê ò iat tài bơh bol mê ò gơrê bal mơ Yàng Tom Trồ.”

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

Broă 17:11

Ală cau ơm tềng hơ̆ git jơnau rlau mơ ală cau ơm tòm Tesalônika, bol khai kơno jơnau Yàng dô bă ngac ngar, kòp ngai kung sền sơwì Sră Goh, nàng lòng sền jơnau Pol bơto sồr hơ̆ la ngan hala ò.

II Kôrintô 9:10

Yàng Tom Trồ la Bơtau ai gar sơntìl cau sih gar in mơ piang lă nàng sa, rơp ai gar sơntìl oh mi in, lơh gơ in gơlik gơs lìu làc, kung rơp bơtơl ală plai bơta song ring oh mi dê sơl.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 4:17

Hơ̆ ò di la añ kòñ gơs phan ai gòi, mơya añ kòñ gŏ cồng nha gơbơtơl oh mi in tòm ală phan ai gòi.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

II Tesalônika 2:10

ngui jơh ală bơta blac pơrlồm ò song ring gơwèt mơ ală cau roh rui, tài bơh bol khai ò bài kòñ gơboh jơnau song nàng geh dong klàs.

Hebrơ 4:2

Bơh ngan jơnau niam neh geh bơto yal bol he in kung be bol khai in; mơya jơnau bol khai neh iat hơ̆ gơwèt mơ bol khai la ò kwơ, tài bơh bol khai ò ai bơta dòn nàng dòp geh.

Hebrơ 6:7

Bơh ù tiah lơi neh geh sùh dà mìu dùh hơđang gơ, gơtơnggơs ală chi che kwơ màng cau tùc tam in, gen dòp geh lơngai lơngò Yàng Tom Trồ dê.

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

I Jang 5:20

Bol he git lah Kòn Yàng Tom Trồ dê neh lòt tus, Kơnràñ neh ai bơta git wă bol he in nàng bol he in dòp git Bơtau song ngan, mơ bol he ơm tòm Bơtau song ngan, la ơm tòm Yàng Jesu Krist, Kòn Kơnràñ dê. Hơ̆ la Yàng Tom Trồ Bơtau song ngan mơ la bơta kis gam sùm sùm.