Mathiơ 13:22 - Sră Goh 2018

²² Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 13:22 Mawu Ofanana

Đơs Crih 52:7

“Sền ne, la cau ò bài kơnòm di Yàng Tom Trồ lơh gơs tiah kìng crŭ khai dê, Mơya kơnòm di bơta pas gơs lìu làc khai dê, Kìng crŭ să he tòm bơta pas sơm khai dê!”

Đơs Crih 62:10

Bañ kơnòm di bơta rồn bơklơn, Kung bañ ơn nùs kơnòm di bơta ntung kơñau; Dilah geh bơtơl oă phan mơna, bañ ơn nùs kơnòm tềng gơ.

Jơnau Pơnđik 11:28

Cau lơi dòn kơnòm bơta pas sơm bol khai dê rơp gơkòl ro rañ; Ai cau song ring rơp be nha chi tơlir niam.

Jơnau Pơnđik 23:5

Kòn ngan neh ơn mat sền bơta pas gơs ơ? Gơ neh ò gam tai; bơh gơ ngan neh hòn pơnđar, mơ par guh be klàng bung sơl.

Cau Bơto 4:8

Gơs dô nă cau ơm is, ò gơs kòn klau hala oh mi; bulah behơ̆, bơta bòl glar khai ò dơh, mat bol khai ò tŭ lơi dil sền phan mơna; Bol khai lùp lah: “Bơh ñcau tàng añ kong bòl glar, tă să tòm añ bơh di bơta chò nùs taih?” Bơta hơ̆ kung la roh lơm, mơ la dô nơm broă lơh bòl glar.

Jeremi 4:3

Bơh bơta hơ̆ Yàng Jehôwa đơs mơ cau Juda bal mơ làng bol ơm tòm Jerusalem be do: “Troă lơòr tĕ ù tiah pa bol mê dê, Bañ sih gar tòm gùl ală lò.

Mathiơ 12:32

Dilah cau lơi đơs tòmdră mơ Kòn mơnus gen rơp geh toh, mơya cau lơi đơs tòmdră mơ Yàng Hwềng Goh gen ò geh toh bulah tòm rài do hala tòm rài tơnơ̆.”

Mathiơ 13:39

Cau sò tơm sih gar hơ̆ la cà ràk, kơnhai toès la ngai lồi dut rài do, cau toès la cau gơnrơh.

Mathiơ 13:40

Behơ̆, tơrgòm ñhơt drung mơ chu tòm ồs be lơi, gen ngai lồi dut rài do kung rơp behơ̆ sơl.

Mathiơ 13:7

Gar ƀà rung di tòm lò; lò hòn sơnru lơh gơrềt jơh.

Luka 12:15

Gen Kơnràñ đơs mơ bol khai lah: “Kơrhia tĕ, mơ kơrmap gàr tĕ să he bơh jơh ală bơta hàm hà, bơh bơta kis cau dê ò di bơh gơs phan mơna tơngkah tơngkañ ò.”

Luka 12:21

Cau lơi prap lòi phan mơna he in mơ ò pas gơs jat nùs kòñ Yàng Tom Trồ gen kung behơ̆ sơl.”

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Luka 8:14

Gar sơntìl rung di tòm lò la ală cau neh kơno jơnau, gen lòi bơta kơlôi rcang, pas sơm, chò hòp rài do lơh gơrềt, gen ò dờng.

Broă 8:18

Tòm tŭ Simôn gŏ bàr nă cau gơnoar bơto dờng ơn tê gen Yàng Hwềng Goh mù, chòp khai ơn priă mơ đơs lah:

Rôma 12:2

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

I Kôrintô 1:20

Ntềng đah cau jak chài taih? Ntềng đah cau bơtê oă taih? Ntềng đah cau jak pơndang rài do dê taih? Ò di la Yàng Tom Trồ neh lơh bơta jak chài dunnia do gơlik tùl gơla ò ơ?

I Kôrintô 2:6

Bulah behơ̆, digùl ală cau neh dong bol hi kung bơto yal bơh bơta jak chài, mơya ò di bơh bơta jak chài rài do dê, hala bơh cau at bồ rài do, la cau rơp roh rui;

I Kôrintô 2:8

Tòm ală cau at bồ rài do ò gơs dô nă cau lơi git bơta jak chài hơ̆, bơh dilah bol khai neh git gen bol khai ò pơng Yàng gơklŏ hơđang chi pơng.

I Kôrintô 3:18

Bañ gơs cau lơi pơrlồm să he. Dilah gơs cau lơi tòm oh mi kơlôi he la jak chài tòm rài do, gen lòi tĕ khai gơlik gơs tùl gơla nàng khai gơlik gơs jak chài ngan.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Galati 1:4

la Bơtau neh phi să bơh tồi glài bol he dê, nàng dong tă bol he klàs bơh rài iơh do, jat be nùs kòñ Yàng Tom Trồ la Bèp bol he dê.

Ephesô 2:2

la ală bơta lài òr oh mi lơh jat bơta òs mòng dunnia do, jat bơtau gơnoar at bồ dê tòm pah gòi, hơ̆ la cà tŭ do at bồ tòm ală cau ò dòn bơr Yàng.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

II Timôthe 4:10

tài bơh Demas hàm kòñ rài do gen tàng neh sang lòi añ rau mơ neh lòt hơ Tesalônika. Kretsen lòt hơ Galati, ai Tit gen lòt hơ Dalmati.