Mathiơ 13:20 - Sră Goh 2018

²⁰ Gar neh sih tòm tiah lŭ, hơ̆ la cau kơno jơnau, gen hòn chò dòp mo.

Mathiơ 13:20 Mawu Ofanana

II Yal Yau 24:14

Tòm tŭ bol khai neh lơh sir, bol khai cèng jền gam wơl bơtau mơ Jehôyada in, mơ ngui jền hơ̆ lơh gơs ală phan ngui tòm bơta ơn ală phan ơn chu pơrguc, kung lơh gơs ală prềng mơ ală phan ngui ndai mơ màh mơ priă. Jehôyada gam kis jŏ kàr lơi gen ală phan ơn chu pơrguc geh ơn sùm kàr hơ̆ tòm hìu duh khoai Yàng Jehôwa dê.

II Yal Yau 24:2

Jôas lơh bơta di niam di đap mat Yàng Jehôwa tòm jơh rài cau gơnoar ơn phan duh khoai Jehôyada gam kis.

II Yal Yau 24:6

Gen tàng bơtau hòi Jehôyada mơ đơs mơ khai lah: “Ñchi bơh tài ồng ò sồr cau Lebi cèng bơh di Juda mơ Jerusalem jền dap dia neh lơh nền bơh Môise cau duh broă Yàng Jehôwa dê mơ bơh mpồl jơnum Israel dê pal ơn sàl bơta ho bal in taih?”

Esai 58:2

Bơh kòp ngai bol khai jòi Añ; bol khai chò hòp kòñ git ală gùng dà Añ jê; gơlơh be dô nơm làng bol lơh jat bơta song ring mơ ò sang lòi ală bơta lơh nền Yàng Tom Trồ bol khai dê. Bol khai lùp Añ bơh ală bơta cahrña song ring, mơ bol khai chò hòp tus rềp hơ Yàng Tom Trồ.

Mathiơ 13:19

Cau lơi iat jơnau lơgar đang trồ dê mơ ò git wă, gen cà iơh bơsak tus sơmbrơt bơta neh sih tòm nùs khai dê. Hơ̆ la gar neh sih di gah gùng.

Mathiơ 13:21

Mơya tòm khai ò gơs ryas, mìng ơm ing dô êt, tus di tŭ gơtìp bơta rung rài hala bơta kup kơryan gơlik bơh jơnau hơ̆, gen khai gơtup tìs mo.

Mathiơ 7:8

Bơh dilah cau lơi dan gen geh, cau lơi jòi gen bàn, mơ cau lơi teh gen geh pò khai in.

Jơnau Niam Jat Mak 6:20

bơh Herôt rngòt di Jang, mơ git khai la dô nă cau song ring mơ sàng goh, gen bơtau sền gàr khai. Herôt kòñ iat Jang đơs, mơya dơ̆ kơno jơnau khai dê rau, gen bơtau ò suk ơm ngan.

Jang 5:35

Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.

Broă 8:13

Să tòm Simôn kung dòn sơl, mơ tòm tŭ neh gơs ƀaptem rau, gen ơm tơn bal mơ Philip; khai gŏ ală tềl krơi mơ ală bơta crih crài dờng neh lơh gơs, gen ai lơh crih crài.