Mathiơ 13:11 - Sră Goh 2018

¹¹ Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Mathiơ 13:11 Mawu Ofanana

Đơs Crih 25:14

Yàng Jehôwa lơh yô mơ cau duh rngòt di Kơnràñ, Mơ yal ală cau hơ̆ in git bơta ho bal Kơnràñ dê.

Esai 29:10

Bơh Yàng Jehôwa neh tuh hwềng bic lơhă hơđang mê; Kơnràñ neh lềt mat bol mê la ală cau gơnoar hwơr; neh gòm bồ bol mê la ală cau gơs bơta gơtơnggŏ.

Esai 29:11

Gơwèt mơ mê gen jơh dô bơta gơtơnggŏ do mìng la ală jơnau tòm dô pang sră pồt neh tap ƀang kì. Dilah sră pồt do ai dô nă cau rgơi sền sră in mơ sồr khai lah: “Dan sền tĕ sră do,” cau hơ̆ rơp ho lah: “Añ ò rgơi sền, sră neh tap ƀang kì rau.”

Esai 35:8

Tềng hơ̆ rơp gơs dô nơm gùng me, gơ rơp geh sơnđan la Gùng Bơta Sàng goh. Cau ò goh rơp ò geh lòt tòm hơ̆; mơya lòi ală làng bol Yàng Tom Trồ in, cau lòt gùng bulah bơrngơl gơla kung rơp ò lòt tìs nrah.

Mathiơ 13:10

Ală cau bơtê tus lùp Yàng Jesu lah: “Ñchi bơh tài Kơnràñ ngui jơnau pơnyơu đơs mơ bol khai taih?”

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 19:11

Mơya Kơnràñ đơs tai lah: “Ò di jơh tơl nă cau rgơi dòp jơnau hơ̆, mìng ală cau geh ai lơm.

Mathiơ 20:23

Kơnràñ đơs lah: “Ngan bol mê rơp hùc mơngàn Añ, mơ dô nă nggui đah ma, dô nă nggui đah kiau Añ, gen ò di la Añ gơs gơnoar ai, mơya tiah hơ̆ ală cau lơi mơ bơta hơ̆ neh geh Bèp Añ rcang lài bol khai in.”

Jơnau Niam Jat Mak 10:40

mơya dô nă nggui đah ma mơ dô nă nggui đah kiau Añ, gen ò di la Añ gơs gơnoar ai; tiah hơ̆ Yàng Tom Trồ neh prap lòi ală cau neh geh lơh nền lài in.”

Jơnau Niam Jat Mak 4:11

Yàng Jesu ho lah: “Neh ai bol mê in bơta ndơp ndơr lơgar Yàng Tom Trồ dê, mơya gơwèt mơ cau ndai la ală cau bơdìh gen ngui jơnau pơnyơu nàng bơto sồr ală bơta.

Luka 8:10

Kơnràñ đơs lah: “Neh ai bol mê in git ală bơta ndơp ndơr lơgar Yàng Tom Trồ dê, mơya gơwèt mơ ală cau ndai gen ngui jơnau pơnyơu, nàng bol khai in sền mơ ò gŏ, kơno mơ ò git wă.

Jang 6:65

Kơnràñ đơs lah: “Tài bơh hơ̆ tàng Añ neh đơs mơ bol mê lah dilah Bèp ò ai, gen ò gơs cau lơi rgơi lòt tus hơ Añ.”

Jang 7:17

Dilah cau lơi kòñ lơh jat nùs kòñ Kơnràñ dê, gen rơp git gùng jơnau song hơ̆ la bơh Yàng Tom Trồ hala bơh Añ đơs is Añ jê.

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

Rôma 16:25

Jòng ro Yàng Tom Trồ gơs gơnoar lơh kơ̆ nền bơta dòn oh mi dê, jat Jơnau Niam añ bơto yal bơh Yàng Jesu Krist, jat bơta yal tơlik bơta ndơp ndơr la jơnau song, la bơta neh pồn ndơp tòm ală rài yau òr,

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Kôrintô 15:51

Do añ yal oh mi in dô bơta ndơp ndơr: Bol he ò bic jơh, mơya jơh ală bol he rơp geh gơlik gơs să pa,

I Kôrintô 2:14

Mơ tai, ală cau ò gơs Yàng Hwềng ò rgơi dòp bơta ai gòi tus bơh Hwềng Yàng Tom Trồ dê; bơh bol khai gơwèt mơ bơta hơ̆ la tùl gơla, mơ bol khai ò rgơi git wă, tài bơh pal sền sơwì jat đah hwềng.

I Kôrintô 2:7

mơya bol hi bơto yal bơta jak chài, ndơp ndơr neh geh Yàng Tom Trồ pồn ndơp, hơ̆ la bơta neh geh Yàng Tom Trồ lơh nền lài ală rài in nàng ai bơta gơklŏ bol he in.

I Kôrintô 4:1

Behơ̆, kòp nă sền tĕ di bol hi kung be cau duh broă Bơtau Krist dê, mơ kung be cau at bồ hìu sền gàr ală bơta ndơp ndơr Yàng Tom Trồ dê.

I Kôrintô 4:7

Bơh ñcau ai mê in lin rlau mơ cau ndai taih? Ò di Yàng Tom Trồ neh ai jơh bơta hơ̆ oh mi in ò ơ? Gen ñchi bơh tài mê jòng să kung be ò dòp taih?

Ephesô 1:18

Dan Yàng Tom Trồ sòl pơnđàng tòm nùs oh mi dê, tồ oh mi in rgơi git bơta gơn kơnòm bơh bơta hòi sac Kơnràñ dê la mbe lơi, sre brê gơklŏ crih crài Kơnràñ dê tòm ală cau sàng goh la mbe lơi,

Ephesô 1:9

Yàng Tom Trồ neh ai bol he in git bơta ndơp ndơr nùs kòñ Kơnràñ dê, jat be bơta niam nùs Kơnràñ dê mơ Kơnràñ neh lơh nền tòm Bơtau Krist,

Ephesô 5:32

Bơta ndơp ndơr do la dờng, mơya añ đơs bơh Bơtau Krist mơ Hìu Jum Goh.

Ephesô 6:19

Kung hòi dan tĕ añ in, nàng añ in gơs bơta chài đơs, khin cha pò bơr nàng yal tơlik bơta ndơp ndơr Jơnau Niam dê.

Kôlôse 2:2

tồ kơnòm di bơta geh gơtòmklac bal tòm bơta kòñ gơboh mơ bol khai geh kơ̆ nùs, tian gơs tus hơ bơta lìu làc tòm bơta git wă nền cê, mơ tòm bơta dòp git bơta ndơp ndơr Yàng Tom Trồ dê, hơ̆ la Bơtau Krist,

I Timôthe 3:16

Cau lơi kung dòp lah bơta ndơp ndơr bơta duh rngòt dê la dờng ngan: Bơtau neh geh yal tơlik tòm poac să, Neh geh Yàng Hwềng kòp la song ring, Neh geh cau gơnrơh sền gŏ, Neh geh bơto yal ală làng bol in, Neh geh dunnia dòn dòp, Neh geh cèng tơngguh tòm bơta gơklŏ.

I Timôthe 3:9

mơya pal kơrmap gàr bơta ndơp ndơr bơta dòn dê bal mơ nùs tồr sàng goh.

Jakơ 1:5

Dilah tòm oh mi gơs cau lơi siơ̆u bơta jak chài, dan tĕ mơ Yàng Tom Trồ, gen Kơnràñ rơp ai, bơh Yàng Tom Trồ la Bơtau ai gòi tơl nă cau in dô bă ơnàng, ò lah pơrhơng cau lơi.

I Jang 2:20

Mơya ală bol mê neh geh bong mơñà bơh Bơtau Sàng Goh, gen jơh ală bol mê neh git rau.

I Jang 2:27

Bơta bong mơñà mơ bol mê neh geh bơh Bơtau Krist gơ ơm sùm tòm bol mê, gen ò càng cau lơi bơto sồr bol mê; bơh bơta bong mơñà Kơnràñ dê bơto sồr bol mê tơl ală bơta, mơ bơta hơ̆ la ngan ò di la blac; jat be bơta oh mi neh geh bơto sồr gen ơm tĕ sùm tòm Kơnràñ.