Mathiơ 12:7 - Sră Goh 2018

⁷ Dilah bol mê neh git wă jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò,’ gen bol mê ò lơh nền glài ală cau ò gơs glài.

Mathiơ 12:7 Mawu Ofanana

Sră Jop 32:3

Khai kung gơhào gơjrañ di pe nă cau bơyô Jop dê, tài bơh bol khai jòi ò geh jơnau nàng ho wơl Jop in, bulah bol khai neh yal loh Jop tìs glài.

Đơs Crih 109:31

Bơh Kơnràñ ntào đah ma cau siơ̆u siar, Nàng dong klàs khai bơh di cau lơh nền tơnchơt khai.

Đơs Crih 94:21

Bol khai gơs dô bă bal tòmsò di bơta kis cau song ring dê, Mơ lơh nền glài chơt di cau ò gơs glài.

Jơnau Pơnđik 17:15

Cau lơi sơnđan cau iơh la song ring, mơ cau lơi lơh nền glài cau song ring, Jơh bàr đah ai lơh cù kìr Yàng Jehôwa in.

Sră Ôse 6:6

Bơh Añ kòñ bơta kòñ gơboh kơ̆ dơn, ò kòñ phan ơn pơdơng, mơ bơta đal git Yàng Tom Trồ la niam rlau mơ phan ơn chu pơrguc.

Mathiơ 22:29

Yàng Jesu ho lah: “Bol mê kơlôi tìs rau, bơh ò git Sră Goh, kung ò git gơnap gơnoar Yàng Tom Trồ dê.

Mathiơ 9:13

Lòt tĕ bơtê git jơnau gơtha sèng do: ‘Añ kòñ bơta kòñ nđàc, ò kòñ phan ơn duh khoai ò.’ Bơh Añ tus ò di nàng hòi cau song ring ò, mơya nàng hòi cau glài.”

Jơnau Niam Jat Mak 12:33

Mơ kòñ gơboh di Yàng jơh nùs, jơh dơngoh jak, jơh pràn, mơ kòñ gơboh di cau gơp ƀòn he be să tòm he, hơ̆ la bơta dờng màng rlau mơ jơh ală phan ơn mơ ală phan ơn duh khoai ndai tai sơl.”

Broă 13:27

Tài bơh ală làng bol mơ ală cau kwang bol khai dê ơm tòm Jerusalem, ò dòp git Yàng Jesu la Bơtau dong klàs, mơ kung ò git wă jơnau ală cau gơnoar hwơr mơ cau sền tòm kòp ngai Saƀat, bulah behơ̆ tòm tŭ lơh nền glài Yàng Jesu bol khai neh lơh jơnau gơnoar hwơr hơ̆ in gơlik di ngan.

Jakơ 5:6

Bol mê neh lơh nền glài mơ neh tơnchơt cau song ring, mơya khai ò tòmdră mơ bol mê.

Jôsue 5:5

Bulah jơh làng bol lik bơh lơgar Ejiptơ neh siat gơltau rau; mơya jơh ală cau neh deh tòm tŭ lòt gùng tòm ƀlàng bràs, tơnơ̆ mơ tŭ lik bơh lơgar Ejiptơ, gen òhềt siat gơltau.

I Samuel 15:22

Mơya Samuel đơs lah: “Yàng Jehôwa niam nùs di ală phan ơn chu pơrguc mơ ală phan ơn duh khoai kung be niam nùs di bơta lơh jat jơnau đơs Yàng Jehôwa dê sơl ơ? Bơta dòn bơr la niam rlau mơ phan ơn duh khoai, mơ bơta iat jơnau la niam rlau mơ dơngi ală belàt dam.