Mathiơ 12:34 - Sră Goh 2018

³⁴ Ơ jơi bơtiàn bơs tur ne; bol mê la iơh bơsak gen mbe rgơi đơs bơta niam taih? Bơh jat bơta bềng lìu tòm nùs gen sồng bơr đơs tơlik.

Mathiơ 12:34 Mawu Ofanana

Đơs Crih 53:1

Cau bơrngơl gơla đơs tòm nùs bol khai dê lah: “Ò gơs Yàng Tom Trồ.” Bol khai roh gơprah lơm, tìs tòm tồi glài iơh bơsak ngkòr ngkàc; Ò gơs cau lơi lơh bơta niam.

Đơs Crih 64:3

Bol khai tồl lơmpiat bol khai dê be cau tồl đào, Pơmong jơnau sràt bơtang be ală kam,

Đơs Crih 64:5

Bol khai kơ̆ nùs jat bơta lơh nền iơh bơsak bol khai dê, Bol khai bơyai nàng pơt dă ndơp ndơr, mơ kơlôi lah: “Ñcau rgơi gŏ bol he taih?”

Jơnau Pơnđik 16:23

Bồ dơngoh cau jak chài cèng jơnau đơs jak chài, mơ bơtơl bơta bơtê jak sơndồi in.

Jơnau Pơnđik 4:23

Prap gàr tĕ nùs kòn dê dô bă kơrhia rlau jơh, Bơh ală croh dà bơta kis gơlik bơh di gơ.

Esai 32:6

Bơh cau bơrngơl gơla đơs jơnau tùl gơla, nùs nhơm bol khai bơtào kai gơrmơ̆i iơh bơsak. Khai lơh bơta ò duh rngòt mơ đơs jơnau tràl sơrbil dê Yàng Jehôwa; khai lòi cau jơgloh ơm kơndul gòi mơ ò ai dà cau tơhìr in hùc.

Esai 59:14

Behơ̆ bơta cahrña song neh ruc wơl, mơ bơta song ring ơm ntào ngài; jơnau song neh gơtup pừ tòm ală hìu dờng mpồl jơnum dê, bơta song ngan ò rgơi mut.

Esai 59:4

Ò gơs cau lơi cèng song ring di pal; ò gơs cau lơi lòt tòm bơta duh rngòt dê bơta boh lam. Bol khai kơnòm di bơta tò să ò kwơ, bol khai đơs blac; Bol khai bun bơta iơh bơsak mơ deh tồi glài dờng.

Esai 9:17

Behơ̆ tàng, Yàng Jehôwa ò niam nùs di ală cau pơnu, mơ Kơnràñ kung rơp ò nđàc sơngit cau kòn đòi mơ cau ùr bơnrau, bơh kòp nă bol khai la cau ò duh rngòt mơ iơh bơsak, bơr lơi kung đơs jơnau bơrngơl gơla. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Mathiơ 12:35

Cau lơbơn niam bơh bơta niam tòm nùs gen tơlik bơta niam, ai cau iơh bơsak bơh bơta iơh bơsak tòm nùs gen tơlik bơta bơsak.

Mathiơ 15:18

Mơya ală bơta lik bơh di bơr la gơlik bơh nùs, hơ̆ la bơta lơh ƀơ̆ ƀơl cau in.

Mathiơ 23:33

Ơ jơi bơs, jơi bơtiàn bơs tur ne, mbe bol mê geh klàs di bơta lơh glài brah tìng dê taih?

Mathiơ 3:7

Mơya tòm tŭ Jang gŏ oă cau Pharisi mơ cau Saduse tus hơ khai nàng gơs Ƀaptem, gen khai đơs mơ bol hơ̆ lah: “Ơ jơi bơtiàn bơs tur ne, ñcau neh yal bol mê in pleh klàs dê bơta gơjrañ dờng rơp tus taih?

Luka 3:7

Behơ̆ Jang đơs mơ mpồl cau lòt tus nàng khai lơh ƀaptem lah: “Ơ jơi bơtiàn bơs tur ne, ñcau neh yal bol mê in dô pleh klàs bơh bơta gơjrañ dờng rơp tus taih?

Luka 6:45

Cau lơbơn niam bơh bơta niam tòm nùs mơ tơlik bơta niam, cau iơh bơsak bơh bơta iơh bơsak tòm nùs mơ tơlik bơta iơh bơsak, bơh jat bơta bềng lìu tòm nùs gen sồng bơr đơs tơlik.

Jang 8:44

Bol mê lik bơh bèp bol mê dê la cà ràk, mơ kòñ lơh jat bơta hàm kòñ is bèp bol mê dê. Bơh sơnròp gơ neh la cau tơnchơt cau, ò ntào tòm jơnau song, bơh ò gơs jơnau song tòm gơ ò. Tŭ lơi gơ đơs blac, gen đơs jat nùs is gơ dê, tài bơh gơ la cau đơs blac mơ la bèp bơta đơs blac dê.

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

Ephesô 5:4

Kung bañ đơs jơnau pàp tràl, hala đơs lềng, hala đơs lèo, hơ̆ la ală bơta ò di pal, mơya chan ưnngài Yàng Tom Trồ la niam rlau.

Jakơ 3:2

Jơh tơl nă bol he gơtup tìs tòm oă bơta. Dilah gơs cau lơi ò gơtup tìs tòm jơnau đơs he dê, hơ̆ la cau wil tơl, kung rgơi at bồ jơh să jan he sơl.

I Jang 3:10

Kơnòm dê bơta do rgơi cah is loh làng kòn Yàng Tom Trồ mơ kòn cà ràk dê. Cau lơi ò lơh bơta song ring gen ò bal mơ Yàng Tom Trồ, cau ò kòñ gơboh di oh mi he ò di la kòn Yàng Tom Trồ.

I Samuel 24:13

Kung be dô jơnau pơnđik cau yau dê đơs lah: ‘Ală broă lơh iơh bơsak gơlik bơh ală cau iơh bơsak,’ mơya tê añ rơp ò tòmdră mơ bèp.