Mathiơ 12:32 - Sră Goh 2018

³² Dilah cau lơi đơs tòmdră mơ Kòn mơnus gen rơp geh toh, mơya cau lơi đơs tòmdră mơ Yàng Hwềng Goh gen ò geh toh bulah tòm rài do hala tòm rài tơnơ̆.”

Mathiơ 12:32 Mawu Ofanana

Sră Jop 36:13

Cau ò dòn duh tòm nùs prap lòi bơta gơjrañ mañ; bol khai kung ò dan dong kòl tòm tŭ Kơnràñ cap bol khai.

Mathiơ 11:19

Kòn mơnus tus sa mơ ñô, gen cau đơs lah: ‘Ne, khai la cau jròk sa jròk ñô, oh mi bơyô mơ ală cau dar dia mơ cau glài!’ Behơ̆, bơta jak chài geh lơh cơng la song ring bơh broă lơh gơ dê.”

Mathiơ 12:31

Behơ̆ tàng Añ đơs mơ bol mê, kòp bơta tồi glài mơ đơs tràl sơrbil rơp geh toh cau in, mơya bơta đơs tràl sơrbil dê Yàng Hwềng Goh gen ò gơs tŭ lơi geh toh.

Mathiơ 12:8

Bơh Kòn mơnus la Yàng ngai Saƀat dê.”

Mathiơ 13:22

Gar neh sih di tòm lò, hơ̆ la cau kơno jơnau, mơya bơta kơlôi rcang rài do dê mơ bơta pơndòm pơnhòp pas sơm dê lơh gơrềt jơnau hơ̆, gen ò gơlik plai.

Mathiơ 13:39

Cau sò tơm sih gar hơ̆ la cà ràk, kơnhai toès la ngai lồi dut rài do, cau toès la cau gơnrơh.

Mathiơ 13:40

Behơ̆, tơrgòm ñhơt drung mơ chu tòm ồs be lơi, gen ngai lồi dut rài do kung rơp behơ̆ sơl.

Mathiơ 13:55

Cau do ò di la kòn cau chài lơh chi ò ơ? Mè khai ò di sơnđan la Mari, mơ ală oh khai ò di la Jakơ, Jôsep, Simôn mơ Jude ò ơ?

Mathiơ 8:20

Yàng Jesu đơs lah: “Pì gơs trồm, sềm gơs rsòn, mơya Kòn mơnus ò gơs tiah gòl bồ.”

Jơnau Niam Jat Mak 10:30

gen rơp dòp leng tòm tŭ do mơ tòm rài do, dô rhiang dơ̆ rlau mơ ală hìu đam, oh mi, ruh lŏ, mè bèp, oh kòn, sre brê, bal mơ bơta kup kơryan, mơ bơta kis gam sùm sùm tòm rài tơnơ̆.

Jơnau Niam Jat Mak 3:28

Añ đơs ngan mơ bol mê, jơh ală tồi glài rơp geh toh kòn sau jơi kòn mơnus in, mơ jơh ală jơnau tràl sơrbil bol khai đơs kung behơ̆ sơl;

Jơnau Niam Jat Mak 3:29

mơya cau lơi đơs tràl sơrbil di Yàng Hwềng Goh gen ò gơs tŭ lơi geh toh glài ò, mơya gơkòl glài gam sùm sùm.”

Luka 12:10

Dilah cau lơi đơs tòmdră di Kòn Mơnus gen rơp geh toh, mơya cau lơi đơs tràl sơrbil di Yàng Hwềng Goh gen ò geh toh ò.

Luka 16:8

Cau tòm jòng ro cau at bồ hìu ò song ring hơ̆, bơh khai neh lơh chài rgơi. Bơh ală kòn rài do dê chài rgơi rlau mơ ală kòn bơta àng dê gơwèt hơ cau tòm pah rài bal mơ bol khai.

Luka 18:30

mơ ò dòp leng oă dơ̆ rlau tòm rài do, bal mơ bơta kis gam sùm sùm tòm rài tơnơ̆ tai.”

Luka 23:34

Yàng Jesu đơs lah: “Ơ Bèp, dan toh glài bol khai in, bơh bol khai ò git bơta bol khai lơh.” Chòp bol khai tă khà nàng tòmpà ồi ào Kơnràñ dê.

Luka 7:34

Kòn Mơnus tus sa mơ ñô, gen bol mê đơs lah: ‘Ne khai la cau jròk sa jròk ñô, oh mi bơyô mơ ală cau dar dia mơ ală cau glài!’

Jang 7:12

Tòm mpồl làng bol gơs oă jơnau đơs òm bơh Kơnràñ. Cau ƀà đơs lah: “Hơ̆ la cau lơbơn niam.” Ai cau ƀà tai đơs lah: “Ò di. Khai la cau pơrlồm mpồl làng bol.”

Jang 7:39

Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ.

Jang 7:52

Bol khai ho lah: “Mê kung la cau Galile sơl? Mê sơwì tĕ nền, gen rơp git lah ò gơs cau gơnoar hwơr lơi lik bơh Galile ò.” [

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

Ephesô 1:21

jòng rlau jơh ală gơnoar at bồ, gơnoar, gơnoar pràn, bơta at bồ, mơ jơh ală sơnđan, ò di mìng tòm rài do lơm, mơya kung tòm rài rơp tus sơl.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

I Timôthe 1:15

Yàng Krist Jesu neh tus tòm dunnia nàng dong klàs cau glài, hơ̆ la jơnau nền cê ngan pal dòn dòp wil tơl; tòm ală cau glài hơ̆ añ la cau glài kơnjơ̆ rlau jơh.

I Timôthe 4:8

Bơh bơta bơtê lơh pràn să jan in gen gơs kwơ dô êt lơm, ai bơta duh rngòt gơs kwơ tòm jơh ală bơta, bơh neh gơs jơnau ho pơgon bơh bơta kis tòm rài do mơ tòm rài tơnơ̆ sơl.

I Timôthe 6:17

Bơto tĕ kràñ cê cau pas gơs ơm tòm dunnia do bañ pơnhừ să mơ bañ ơn nùs gơn kơnòm di phan mơna ò kơ̆ nền, mơya pal ơn tĕ nùs gơn kơnòm di Yàng Tom Trồ, la Bơtau ai gòi jơh ală phan lìu làc bol he in dòp geh dô bă hòn chò.

II Timôthe 4:10

tài bơh Demas hàm kòñ rài do gen tàng neh sang lòi añ rau mơ neh lòt hơ Tesalônika. Kretsen lòt hơ Galati, ai Tit gen lòt hơ Dalmati.

Sră Pơyoa Pol Dê Pơyoa Tit In 2:12

Bơta nđàc hơ̆ bơto bol he pơndang sang tĕ bơta ò duh rngòt mơ nùs hàm kòñ is dunnia dê, mơ pal kis dô bă git kơrhia, song ring mơ duh rngòt tòm rài do,

Jakơ 1:27

Bơta dòn jơnau song sàng goh ò ƀơ̆ ƀơl di đap Yàng Tom Trồ la Bèp, hơ̆ la còp ală cau kòn đòi mơ ală cau ùr bơnrau tòm bơta dồn sa rƀah bol khai dê, mơ kơrmap gàr să he klàs bơh bơta roh rui dunnia dê.