Mathiơ 12:31 - Sră Goh 2018

³¹ Behơ̆ tàng Añ đơs mơ bol mê, kòp bơta tồi glài mơ đơs tràl sơrbil rơp geh toh cau in, mơya bơta đơs tràl sơrbil dê Yàng Hwềng Goh gen ò gơs tŭ lơi geh toh.

Mathiơ 12:31 Mawu Ofanana

Esai 1:18

Yàng Jehôwa đơs: “Tŭ do tus tĕ nàng bol he tòmbơyai bal. Bulah tồi glài bol mê dê be dà phồng, rơp gơlik bò be piar, bulah pơrhê be mhàm, rơp gơlik be sơnò belàt kò.

Esai 55:7

Lòi tĕ cau iơh bơsak sang lòi gùng dà khai dê, mơ lòi tĕ ală cau kơlôi sơnơng ală bơta ò song ring rê wơl hơ Yàng Jehôwa, Kơnràñ rơp nđàc sơngit di bol khai, mơ rê wơl hơ Yàng Tom Trồ bol he dê, bơh Kơnràñ rơp toh glài dờng ơnàng.

Ejekiel 33:11

Đơs tĕ mơ bol khai lah: ‘Jehôwa Yàng Tom Trồ đơs lah: Ngan be Añ kis sùm, Añ ò niam nùs tòm bơta chơt cau iơh bơsak dê, mơya Añ niam nùs gŏ bol khai pơrlac sang ală gùng dà bol khai dê mơ kis. Pơrlac sang tĕ! Pơrlac sang ală gùng dà iơh bơsak bol mê dê! Ñchi bơh tài bol mê kòñ chơt, ơ hìu Israel?’

Lebi 24:16

cau lơi đơs tràl sơrbil di Sơnđan Yàng Jehôwa gen cau hơ̆ pal kong tơnchơt. Jơh dô mpồl jơnum pal cơm lŭ tơnchơt khai. Bulah la dô nă cau làng bơdìh hala dô nă cau deh tòm lơgar, tòm tŭ khai đơs tràl sơrbil di Sơnđan Yàng Jehôwa gen khai pal kong tơnchơt.

Luka 12:10

Dilah cau lơi đơs tòmdră di Kòn Mơnus gen rơp geh toh, mơya cau lơi đơs tràl sơrbil di Yàng Hwềng Goh gen ò geh toh ò.

Broă 7:51

Ơ ală cau kơldang bồ, nùs mơ tồr ò siat gơltau ne! Ală ồng tòmdră sùm mơ Yàng Hwềng Goh; ồng pàng ală ồng dê be lơi gen ală ồng kung behơ̆ sơl!

Hebrơ 10:26

Bơh dilah tơnơ̆ mơ tŭ bol he neh dòp git jơnau song rau, mơ kư̆ lơh nền tìs glài jat nùs kòñ is, gen ò gam gơs phan ơn tơwài glài tai,

Hebrơ 10:29

tơ ài lah cau jă trơm Kòn Yàng Tom Trồ, sền mhàm bơta ho bal neh lơh khai in geh gơlik gơs sàng goh la mhàm ƀơ̆ ƀơl, mơ sền òsơp di Yàng Hwềng neh ai bơta nđàc, gen oh mi kơlôi lah cau hơ̆ ò di pal kong lơh glài kơnjơ̆ rlau ò ơ?

Hebrơ 6:4

Bơh ò rgơi ngan ală cau neh geh pơnđàng sòl dô dơ̆ rau, neh git làm bơta ai gòi bơh đang trồ, neh gơs pơnah tòm Yàng Hwềng Goh,

I Jang 1:9

Dilah bol he yal glài he dê, gen Kơnràñ la Bơtau lơh jat jơnau ho Kơnràñ dê mơ la Bơtau song ring rơp toh glài bol he in, mơ rào bol he in goh jơh ală bơta ò song ring.

I Jang 5:16

Dilah cau lơi gŏ oh mi he tìs glài, la glài ò di pal chơt, gen hòi dan tĕ khai in, mơ Yàng Tom Trồ rơp ai bơta kis khai in; hơ̆ la ai ală cau tìs glài ò di pal chơt. Kung gơs glài pal chơt; hơ̆ ò di la bơh glài hơ̆ mơ añ đơs pal hòi dan.