Mathiơ 12:29 - Sră Goh 2018

²⁹ Hala mbe cau lơi rgơi mut tòm hìu cau pràn kơldang mơ phà kơñau phan, dilah lài ngan ò cap cau pràn hơ̆ taih? Pal cap cau pràn hơ̆ lài, gen sồng geh phà kơñau hìu khai dê.

Mathiơ 12:29 Mawu Ofanana

Esai 49:24

Rgơi tă ai phan tòmpìt geh bơh di ală cau pràn kơldang sơl? Hala rgơi dong tă ală cau neh gơkòl kup cèng bơh di cau jàñ bơsak sơl ơ?”

Esai 53:12

Gen tàng Añ rơp ai Kơnràñ in dô pơnah bal mơ ală cau dờng ryŭ, Kơnràñ rơp tòmpà ală phan tòmpìt geh bal mơ ală cau pràn kơldang, tài bơh Kơnràñ neh tuh bơta kis Kơnràñ dê jơl chơt, mơ neh kong kòp bal mơ cau tìs glài. Bơh Kơnràñ neh àñ tồi glài oă cau in, mơ hòi dan ala ală cau tìs glài in.

Mathiơ 12:28

Mơya dilah Añ kơnòm dê Hwềng Yàng Tom Trồ dê nàng bơtrơh cà, gen lơgar Yàng Tom Trồ dê neh tus hơ bol mê rau.

Mathiơ 12:30

Cau lơi ò tòmsòr mơ Añ la tòmdră mơ Añ; cau lơi ò tơrgòm pơjum Añ in gen lơh gơprah gơpring.

Jơnau Niam Jat Mak 3:27

Ò gơs cau lơi rgơi mut tòm hìu cau pràn kơldang mơ phà kơñau phan, dilah lài ngan ò cap cau pràn hơ̆, gen sồng geh phà kơñau hìu khai dê.

I Jang 3:8

Cau lơi tìs glài la bal mơ cà ràk, bơh cà ràk tìs glài bơh sơnròp. Mơ tai, Kòn Yàng Tom Trồ neh tơlik mat nàng tơnroh ală broă cà ràk dê.

I Jang 4:4

Ơ ală kòn añ jê, ală bol mê la bal mơ Yàng Tom Trồ mơ neh geh pha lin mơ bol khai rau, tài bơh Bơtau ơm tòm bol mê la dờng rlau mơ bơtau ơm tòm cau dunnia.