Mathiơ 12:26 - Sră Goh 2018

²⁶ Dilah cà Satan bơtrơh cà Satan gen gơcah is gơ dê, lơgar gơ mbe rgơi gam kơ̆ taih?

Mathiơ 12:26 Mawu Ofanana

Mathiơ 13:19

Cau lơi iat jơnau lơgar đang trồ dê mơ ò git wă, gen cà iơh bơsak tus sơmbrơt bơta neh sih tòm nùs khai dê. Hơ̆ la gar neh sih di gah gùng.

Mathiơ 4:10

Gen Yàng Jesu đơs mơ gơ lah: “Ơ cà Satan, ruc tĕ. Bơh gơs jơnau cih lah: ‘Mê duh khoai tĕ Yàng la Yàng Tom Trồ mê dê, mơ duh broă mìng dô nă Kơnràñ lơm.’”

Mathiơ 9:34

Mơya cau Pharisi đơs lah: “Khai kơnòm di bơtau cà mơ bơtrơh cà gơ dê.”

Jang 12:31

Tŭ do la tŭ dunnia kòl cahrña, mơ cau at bồ dunnia do rơp kong bơtrơh tơlik.

Jang 14:30

Añ rơp ò tai đơs oă mơ bol mê, bơh bơtau dunnia do rơp tus; khai ò gơs bơta lơi di Añ.

Jang 16:11

Bơh bơta cahrña, tài bơh bơtau dunnia do neh kong cahrña rau.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

Kôlôse 1:13

Kơnràñ neh dong tă bol he lik klàs bơh gơnoar bơta klam jơngo dê, mơ cèng bol he hơ lơgar Kòn kòñ gơboh Kơnràñ dê.

I Jang 5:19

Bol he git lah he bal mơ Yàng Tom Trồ, ai jơh dunnia ơm hơđơm gơnoar cà ràk.

Yal Tơlik 12:9

Nagrài dờng kong sơrbì, hơ̆ la bơs yau, sơnđan la Cà ràk mơ cà Satan, cau jak pơrlồm jơh dunnia; gơ kong sơrbì tòm plai ù, mơ ală cau gơnrơh gơ dê kung kong sơrbì bal mơ gơ sơl.

Yal Tơlik 16:10

Cau gơnrơh dơ̆ pram tuh mơngàn khai dê hơđang sơbàn phan poan jơng dê, gen lơgar gơ dê gơlik gơs klam jơngo, mơ ală cau kap lơmpiat he bơh bơta jê sồt

Yal Tơlik 9:11

Bơtau bol gơ la cau gơnrơh brong jrô hùt hung dê. Sơnđan khai jat jơnau Hebrơ la Abadôn, mơ jat jơnau Grek la Apôlyôn.