Mathiơ 12:25 - Sră Goh 2018

²⁵ Yàng Jesu git bơta kơlôi bol khai dê, gen đơs mơ bol khai lah: “Dilah lơgar lơi cah is gơ dê gen rơp roh gơprah; dilah ƀòn dờng hala hìu lơi cah is gơ dê gen rơp ò gơs kơ̆ tai.

Mathiơ 12:25 Mawu Ofanana

I Ală Bơtau 16:21

Gen làng bol Israel cah bàr pơnah: nggùl làng bol jat Tipni, kòn klau Ghinat, mơ bơtào khai lơh gơs bơtau; nggùl ne jat Ômri.

Đơs Crih 139:2

Yàng git tòm tŭ añ nggui mơ tòm tŭ añ ñă ntào; Yàng git loh ală bơta kơlôi sơnơng añ jê bơh tiah ngài.

Esai 9:21

Manase rơp sa loan Epraim, mơ Epraim rơp sa loan Manase; bol khai lơh gơs dô bă bal nàng tòmdră mơ Juda. Bulah neh gơs jơh ală bơta hơ̆, bơta gơjrañ Kơnràñ dê kung ò pơrlac ngài, tê Kơnràñ dê gam pò tơlik.

Jeremi 17:10

Añ, Yàng Jehôwa, sền sơwì tòm dơngoh, Lòng tòm nùs, Tơm wơl kòp nă cau in jat gùng bol khai lòt, Cồng nha jat ală broă lơh bol khai dê.”

Amôs 4:13

Kơnràñ la Bơtau neh lơh gơs ală mơnơm, neh crơng gơs càl mơ yal tơlik bơta kơlôi sơnơng Kơnràñ dê kòn mơnus in, la Bơtau neh lơh àng drim gơlik klam jơngo, mơ cơnđòa lòt hơđang ală tiah jòng ù dê; Jehôwa Yàng Tom Trồ Gơnap Gơnoar Dờng Làm Jơh la sơnđan Kơnràñ.

Mathiơ 9:4

Yàng Jesu git bơta kơlôi bol khai dê gen đơs lah: “Ñchi bơh tài bol mê kơlôi sơnơng iơh tòm nùs behơ̆ taih?

Jơnau Niam Jat Mak 2:8

Tòm hwềng nùs Yàng Jesu git bol khai bơyai bal behơ̆, gen đơs mo lah: “Ñchi bơh tài bol mê kơlôi is tòm nùs behơ̆ taih?

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

I Kôrintô 2:11

Bơh digùl ală cau, ñcau rgơi git bơta kơlôi tòm nùs cau ndai dê taih? Mìng hwềng nùs ơm tòm hơ̆; kung behơ̆ sơl ò gơs cau lơi git ală bơta Yàng Tom Trồ dê, mìng Hwềng Yàng Tom Trồ dê lơm.

Galati 5:15

Mơya dilah oh mi kap loan gơp he, gen kơrhia tĕ, rngòt oh mi tòm tơnroh bal mơ gơp.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.

Yal Tơlik 16:19

Ƀòn dờng tơrlah gơlik gơs pe pơnah, mơ ală ƀòn ală làng bol dê tơrlah tơrling jơh, mơ Yàng Tom Trồ kah wơl Babilôn dờng gen ai gơ in ñô mơngàn bơta gơjrañ dờng gơhào khuh ngan Kơnràñ dê.

Yal Tơlik 2:23

Añ rơp tơnchơt ală kòn khai dê. Jơh ală Hìu Jum Goh rơp git Añ la Bơtau sền sơwì tòm nùs nhơm mơ tòm bơta kơlôi sơnơng, mơ Añ rơp sal wơl kòp nă bol mê in jat be ală broă bol mê dê.