Mathiơ 11:3 - Sră Goh 2018

³ đơs mơ Kơnràñ lah: “Cau Bơto la Bơtau pal tus, hala bol hi pal gơn bơtau ndai taih?”

Mathiơ 11:3 Mawu Ofanana

Sơnròp Gơlik Gơs 12:3

Añ rơp ai lơngai ală cau lơi ai lơngai mê in, srat rma ală cau lơi srat rma mê, mơ jơh ală làng bol tòm làm ù, rơp geh lơngai bơh dê mê.”

Sơnròp Gơlik Gơs 3:15

Añ rơp lơh mê mơ cau ùr in, jơi bơtiàn mê mơ jơi bơtiàn cau ùr in tòm gơjrañ bal. Khai rơp jă dê bồ mê, mơ mê rơp kap kơndòl jơng khai.”

Sơnròp Gơlik Gơs 49:10

Gai gơnap gơnoar bơtau dê ò gơtă bơh di Juda, Gai jra cau at bồ ò ngài bơh di jơng khai, Tus di tŭ Bơtau Silô tus, Mơ ală làng bol dòn duh Kơnràñ.

Đơs Crih 118:26

Lơngai cau lơi in ai sơnđan Yàng Jehôwa mơ mut! Bơh di hìu Yàng Jehôwa bol hi ai lơngai mê in.

Esai 7:14

Gen tàng, să tòm Yàng Jehôwa rơp ai bol mê in dô nơm tềl krơi: Ne, dô nă cau ơruh rơp bun mơ deh dô nă kòn klau, mơ rơp tơmoh sơnđan la Emmanuel.

Sră Ôse 3:5

Tơnơ̆ mơ hơ̆, làng bol Israel rơp rê wơl jòi jat Jehôwa la Yàng Tom Trồ bol khai dê, mơ Dabit la cau bơtau bol khai dê. Tòm ală ngai lồi dut bol khai rơp rngòt rơm să mơ rê wơl hơ Yàng Jehôwa, mơ dòp geh bơta lơngai lơngò Kơnràñ dê.

Apdia 1:21

Ală cau neh geh dong tă rơp guh hơđang mơnơm Siôn nàng at bồ mơnơm Esau dê. Mơ lơgar bơtau rơp gơrê bal mơ Yàng Jehôwa.

Mice 5:2

Mơya mê, ơ Betlehem Ephrata, mê la dềt tòm mpồl hìu nhă Juda dê, mơya bơh di mê rơp tơnggơs añ in dô bơtau at bồ Israel, tòm ryas Kơnràñ dê la bơh tòm rài yau, bơh ală tŭ tơngai rài yau òr.

Sră Age 2:7

Añ rơp lơh lơnggơr jơh ală lơgar, mơ ală phan màng jơh ală lơgar dê rơp tus tềng do, mơ Añ rơp lơh hìu do in bềng lìu bơta gơklŏ,’ Yàng Jehôwa Gơnap Gơnoar Dờng Làm Jơh đơs behơ̆.

Sacari 9:9

Ơ kòn ùr Siôn, hòn chò hừh hơh tĕ! Ơ kòn ùr Jerusalem, driau dờng tĕ! Ne, Bơtau ai dê tus mơ ai, Kơnràñ la Bơtau pha lin mơ ai bơta pha lin rlau, pơndêt să mơ hào hơđang dô nơm alàng, dô nơm alàng kòn, kòn alàng me dê.

Malaci 3:1

“Do, Añ sồr cau kong sồr Añ jê, khai rơp rcang wàs gùng di đap Añ, mơ Yàng Jehôwa mơ bol mê jòi jat rơp nisơna tus tòm hìu duh khoai Kơnràñ dê. Hơ̆ la cau kong sồr bơta ho bal dê rơp tus, la cau mơ bol mê niam nùs, ngan Kơnràñ lòt tus, Yàng Jehôwa Gơnap Gơnoar Dờng Làm Jơh đơs behơ̆.

Malaci 4:2

Mơya đah pơnah bol mê la cau duh rngòt di sơnđan Añ, mattơngai bơta song ring dê rơp guh, mơ bơta sơmbòi kòp jê ơm tòm ală pơnđar gơ dê. Bol mê rơp lik lòt mơ sơnđoh kung be kơnrồ me lik bơh wàng gơ dê.

Khà Làng Bol 24:17

Añ gŏ Kơnràñ, mơya ò di tŭ do; Añ tơnggòr sền Kơnràñ, mơya ò di rềp. Dô nơm sơmañ rơp lik bơh di Jakôp; dô nơm gai gơnoar rơp tơngguh bơh di Israel. Kơnràñ rơp pòng bơcah ală bìng liang Môap dê, mơ ală sơgơn bơtau ală kòn klau Set dê.

Mathiơ 11:10

Bơh cau hơ̆ mơ gơs jơnau cih lah: ‘Do, Añ sồr cau kong sồr Añ jê lòt lài di đap mê, La cau rơp wàs gùng lài mê in.’

Mathiơ 11:4

Yàng Jesu ho lah: “Rê tĕ yal Jang in ală bơta bol mê neh kơno mơ gŏ;

Mathiơ 21:5

“Yal tĕ mơ làng bol Siôn lah: Ne, Bơtau ai dê tus hơ ai, Nùs niam lơnhơn mơ hào alàng, Alàng kòn, la kòn alàng me dê.”

Mathiơ 21:9

Mpồl làng bol cau ƀà lòt lài, cau ƀà jat tơnơ̆ driau dờng lah: “Hôsana, Kòn Dabit. Lơngai Bơtau ai sơnđan Yàng mơ tus. Hôsana hơđang jòng rlau jơh.”

Jơnau Niam Jat Mak 11:9

Cau ƀà lòt lài cau ƀà jat tơnơ̆, mơ driau dờng lah: “Hôsana! Jòng ro Bơtau ai sơnđan Yàng mơ tus.

Luka 19:38

mơ đơs lah: “Lơngai Bơtau ai sơnđan Yàng mơ tus! Ring lơngai hơđang trồ mơ gơklŏ Yàng Tom Trồ in!”

Jang 11:27

Mathe ho lah: “Ơi, ơ Yàng, añ dòn lah Yàng la Bơtau Krist, Kòn Yàng Tom Trồ, Bơtau pal tus tòm dunnia.”

Jang 12:13

gen bol khai ai nha gòl, lik lòt rò Kơnràñ mơ driau dờng lah: “Hôsana! Lơngai Bơtau in ai sơnđan Yàng mơ tus, la Bơtau Israel dê!”

Jang 16:14

Kơnràñ rơp lơh gơklŏ Añ in, bơh Kơnràñ rơp ai bơta bal mơ Añ mơ yal lài bol mê in.

Jang 4:21

Yàng Jesu ho lah: “Ơ cau ùr, dòn tĕ Añ, jơ rơp tus gen ală bol ai duh khoai Bèp ò di hơđang mơnơm do, kung ò di tòm Jerusalem.

Jang 6:14

Behơ̆ ală cau gŏ tềl krơi Yàng Jesu neh lơh, gen đơs lah: “Cau do ngan la cau gơnoar hwơr pal tus tòm dunnia.”

Jang 7:31

Mơya tòm làng bol gơs oă cau dòn Kơnràñ, mơ đơs lah: “Tŭ Bơtau Krist tus, rơp lơh oă tềl krơi rlau mơ cau do neh lơh sơl ơ?”

Hebrơ 10:37

Gam dô êt jŏ, mìng dô êt lơm, “Gen Bơtau pal tus rơp tus, ò di tus òbat.