Mathiơ 11:28 - Sră Goh 2018

²⁸ Ơ jơh ală cau kong bòl glar lơh broă mơ àñ kơnjơ̆, tus tĕ hơ Añ; Añ rơp ai bol mê in rlô bòl.

Mathiơ 11:28 Mawu Ofanana

Sră Jop 14:1

“Kòn mơnus deh bơh cau ùr, kis tòm dô êt ngai, bềng lìu bơta bòl glar.

Sră Jop 5:7

Mơya kòn mơnus geh deh nàng kong bòl glar, kung be lơmpiat ồs gơ par guh hơđang.

Đơs Crih 116:7

Ơ hwềng soàn añ jê, rê wơl tĕ di tiah rlô bol mê dê, Tài bơh Yàng Jehôwa neh gơwèt niam mơ mê.

Đơs Crih 32:4

Bơh ngai mơ mang tê Yàng dê klơn kơnjơ̆ hơđang añ; Bơta pràn añ jê gơhuc soat be kơnhai prang ro rañ. (Selah)

Đơs Crih 38:4

Bơh ală bơta iơh bơsak añ jê gơ ngŏ hơđang bồ añ, Gơ kơnjơ̆ ngan añ in, ò gơkrơi be dô bơta ơnòng kơnjơ̆.

Đơs Crih 94:13

Nàng ai cau hơ̆ in geh dơh wơl bơh ală ngai bòl glar, Jơl tus di tŭ trồm neh tò sir cau iơh bơsak in.

Cau Bơto 1:14

Añ neh sền gŏ ală broă lơh hơđơm mattơngai; mơ ne, jơh ală la roh lơm, jat dô ròs càl khồm.

Cau Bơto 1:8

Jơh ală phan bòl glar, jơi kòn mơnus ò rgơi đơs jơh; mat sền sùm ò git làp, tồr iat sùm ò git dil.

Cau Bơto 4:8

Gơs dô nă cau ơm is, ò gơs kòn klau hala oh mi; bulah behơ̆, bơta bòl glar khai ò dơh, mat bol khai ò tŭ lơi dil sền phan mơna; Bol khai lùp lah: “Bơh ñcau tàng añ kong bòl glar, tă să tòm añ bơh di bơta chò nùs taih?” Bơta hơ̆ kung la roh lơm, mơ la dô nơm broă lơh bòl glar.

Esai 1:4

Ơ hơh! Lơgar lơi gơs bềng tồi glài, làng bol àñ kơnjơ̆ bơta tồi glài iơh bơsak, jơi bơtiàn lơh bơta iơh bơsak, ală kòn sau gơlềng gơlàng ne! Bol khai neh sang lòi Yàng Jehôwa, sền òsơp di Bơtau Sàng Goh Israel dê, bol khai neh gơlik be cau crih mat ngan.

Esai 11:10

Tòm ngai hơ̆, ryas Jese dê rơp ntào kung be bồng bi ală làng bol in, ală lơgar rơp ràn tus mơ Kơnràñ, mơ tiah ơm Kơnràñ dê rơp geh gơklŏ.

Esai 28:12

Kơnràñ neh đơs mơ bol khai lah: “Do la tiah rlô bòl, lòi tĕ ală cau bòl glar rlô bòl: do la tiah ơm ring ngềt.” Mơya bol khai ò bài iat.

Esai 61:3

nàng rcang ai ală cau moat jrùng ñìm rac tòm Siôn in mơ tơndau bol khai in dô nơm sơgơn bơkào hàng mơnĕ ala bùh, ai mơñà hòn chò ala ñìm rac pơt wòl, mơ ai ồi ào jòng ro ala hwềng nùs bòl glar. Bol khai rơp geh sơnđan la ală tòm cha bơta song ring dê, la chi Yàng Jehôwa neh tam nàng ràng tơlik bơta gơklŏ Kơnràñ dê.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Jeremi 31:25

Añ rơp ai cau bòl glar in geh pràn wơl, Ai cau gơplơ̆ nùs in geh hừh hơh.”

Jeremi 35:16

Bơh ală kòn klau Jônadap dê, kòn klau Rekap, neh dòn bơr lơh jat jơnau bơto sồr ồng pàng bol khai dê, ai làng bol do gen ò iat Añ.’

Jeremi 6:16

Yàng Jehôwa đơs be do: “Ntào tĕ hơđang ală sơnah gùng, mơ sền; mơ lùp bơh ală gùng rài yau, Ntềng đah gùng niam ơm gen lòt tĕ tòm hơ̆, mơ jòi bàn bơta rlô bòl hwềng soàn bol mê in. Mơya bol khai đơs lah: ‘Bol hi rơp ò lòt tòm gùng hơ̆.’

Mathiơ 11:29

Bol mê tui tĕ yô Añ jê mơ bơtê jat Añ, bơh Añ gơs nùs niam lơnhơn mơ pơndêt să, gen hwềng soàn bol mê rơp geh rlô bòl.

Mathiơ 23:4

Bol khai kơt mơ dap ală phan àñ kơnjơ̆ hơđang pơnì cau; mơya să tòm bol khai ò bài ƀư mơ ràs tê.

Jang 6:37

Jơh ală cau Bèp ai Añ in, gen rơp lòt tus hơ Añ; cau lơi lòt tus hơ Añ, gen Añ ò gơs tŭ lơi sang khai hơ bơdìh ò.

Jang 7:37

Ngai lồi dut, la ngai dờng màng tòm ală ngai pơjum sa, Yàng Jesu ntào, hòi dờng lah: “Dilah cau lơi tơhìr, tus tĕ hơ Añ mơ hùc.

Broă 15:10

Behơ̆ tŭ do, ñchi bơh tài oh mi khin lòng Yàng Tom Trồ, tơntui ală cau dòn in yô mơ ồng pàng bol he hala să tòm bol he kung ò jai tui?

Broă 20:35

Tòm jơh ală bơta añ neh bơto oh mi in git, mbe lơi oh mi pal kong bòl glar lơh broă nàng dong kòl cau lơbơn lơño, mơ kah wơl jơnau să tòm Yàng Jesu neh đơs lah: ‘Pà ai gen geh lơngai rlau mơ dòp leng.’”

Galati 5:1

Bơtau Krist neh hồ toh bol he tồ geh khat gơboh; behơ̆ ntào kơ̆ tĕ, bañ lòi să he kòl tòm yô dĭ gơna dê tai.

II Tesalônika 1:7

gen Kơnràñ ngan rơp ai oh mi in la cau kong jê sồt bòl glar geh rlô bal mơ bol hi, tòm tŭ Yàng Jesu bơh đang trồ tơlik mat bal mơ ală cau gơnrơh bềng gơnoar pràn Kơnràñ dê digùl lơmpiat ồs hơng,

Hebrơ 4:1

Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.

Yal Tơlik 22:17

Yàng Hwềng mơ bau ùr pa đơs bal lah: “Tus tĕ!” Cau lơi kơno gen đơs tĕ lah: “Tus tĕ!” Cau lơi tơhìr gen tus tĕ. Cau lơi kòñ gen dòp gòi tĕ dà bơta kis.