Mathiơ 11:25 - Sră Goh 2018

²⁵ Tòm tŭ hơ̆ Yàng Jesu đơs lah: “Ơ Bèp, Añ ưnngài Bèp la Yàng trồ tiah dê, bơh Bèp neh pồn ală bơta do di ală cau jak chài àng loh, mơ yal tơlik ală kơnòm dềt in.

Mathiơ 11:25 Mawu Ofanana

Sơnròp Gơlik Gơs 14:19

Khai ai lơngai Abram in mơ đơs lah: “Dan Yàng Tom Trồ Hơđang Rlau Jơh, la Bơtau crơng gơs trồ mơ tiah, ai lơngai Abram in!

Sơnròp Gơlik Gơs 14:22

Abram ho wơl lah: “Añ pò tê di đap Jehôwa Yàng Tom Trồ Hơđang Rlau Jơh, Bơtau crơng gơs trồ mơ tiah, mơ ho lah:

II Ală Bơtau 19:15

Ejekia hòi dan Yàng Jehôwa lah: “Ơ Jehôwa Yàng Tom Trồ Israel dê! Kơnràñ gam ơm digùl ală ceruƀim, mìng dô nă Kơnràñ la Yàng Tom Trồ ală lơgar tòm dunnia dê. Să tòm Kơnràñ neh lơh gơs trồ mơ tiah.

I Yal Yau 29:13

Mơ tŭ do ơ Yàng Tom Trồ bol hi dê, bol hi ưnngài Kơnràñ mơ jòng ro sơnđan gơklŏ Kơnràñ dê.

Sră Jop 37:24

Gen tàng kòn mơnus duh rngòt di Kơnràñ, Bơh Kơnràñ ò wèt sền cau lơi kơlôi is he la jak chài.”

Đơs Crih 8:2

Yàng kơnòm di bơr ală cau kơnòm mơ ală kòn gam pô nàng jòng ro Kơnràñ, Mơ Yàng bơtào gơs gơnoar pràn Kơnràñ dê tài bơh ală cau sò tơm di Kơnràñ, Nàng lơh bol khai mơ cau sal tê in ơm mŏ mŏ.

Esai 5:21

Bòl glar ală cau lơi in sền is să tòm he la jak chài, gŏ is să tòm he la àng loh!

Esai 66:1

Yàng Jehôwa đơs be do: “Trồ la sơbàn Añ, mơ plai ù la kơrnòl jơng Añ. Bol mê rơp bơt hìu mbe lơi Añ in taih? Mơ tiah ơm rlô bòl Añ jê mbe lơi taih?

Daniel 2:23

Ơ Yàng Tom Trồ ồng pàng añ jê, Añ ưnngài mơ jòng ro Kơnràñ, tài bơh Kơnràñ neh ai añ in bơta jak chài mơ gơnap gơnoar, Kơnràñ neh ai añ in git bơta bol hi hòi dan mơ Kơnràñ, bơh Kơnràñ yal tơlik bol hi in git bơta pal càng bơtau dê.”

Daniel 4:35

Jơh ală làng bol tòm ù kòl sền be ò gơs bơta lơi. Kơnràñ lơh jat nùs kòñ Kơnràñ dê digùl ală gơnoar hơđang trồ, mơ digùl ală làng bol tòm ù; Ò gơs cau lơi rgơi kơryan tê Kơnràñ Hala lùp Kơnràñ lah: “Ñchi bơh tài Kơnràñ neh lơh behơ̆ taih?”

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 21:16

mơ đơs mơ Kơnràñ lah: “Ồng kơno jơnau mpồl kơnòm do đơs sơl?” Yàng Jesu ho lah: “Kơno, behơ̆ bol mê òhềt sền jơnau: ‘Yàng neh geh jòng ro bơh bơr ală kơnòm dềt mơ ală kòn gam pô,’ ò ơ?”

Luka 22:42

“Ơ Bèp, dilah Bèp kòñ, dan tă mơngàn do bơh di Añ! Bulah behơ̆, ò di jat nùs kòñ Añ, mơya jat nùs kòñ Bèp dê.” [

Luka 23:34

Yàng Jesu đơs lah: “Ơ Bèp, dan toh glài bol khai in, bơh bol khai ò git bơta bol khai lơh.” Chòp bol khai tă khà nàng tòmpà ồi ào Kơnràñ dê.

Jang 11:41

Behơ̆, bol khai pơrlă pơnai lŭ. Yàng Jesu tơnggòr hơđang mơ đơs lah: “Ơ Bèp, Añ ưnngài Bèp, bơh neh dòp jơnau Añ.

Jang 12:27

“Tŭ do hwềng soàn Añ moat jrùng. Ñchi Añ rơp đơs taih? ‘Ơ Bèp, dan dong Añ klàs bơh di jơ do.’ Mơya kung bơh jơ do tàng Añ neh lòt tus.

Jang 12:28

Ơ Bèp, dan lơh tĕ gơklŏ sơnđan Bèp.” Tŭ hơ̆ gơs jơnau bơh đang trồ đơs lah: “Añ neh lơh gơklŏ sơnđan rau, mơ Añ rơp lơh gơklŏ tai.”

Broă 17:24

Yàng Tom Trồ la Bơtau neh crơng gơs dunnia mơ ală phan tòm hơ̆, la Yàng trồ tiah dê, ò ơm tòm hìu duh khoai bơh tê cau lơh gơs ò.

I Kôrintô 2:10

Ală bơta hơ̆ Yàng Tom Trồ neh yal tơlik gan di Yàng Hwềng Goh; bơh Yàng Hwềng sền sơwì jơh ală bơta, bulah bơta jrô ndơp Yàng Tom Trồ dê.

II Kôrintô 3:14

Mơya nùs bol khai neh gơs kră kơldang; jơl tus dê ngai do tòm tŭ sền Sră Goh Bơta Ho Bal Yau, gen bài kơrnìng hơ̆ òhềt tă tơlik, ngan la mìng tòm Bơtau Krist mơ bài kơrnìng hơ̆ geh tă tơlik.

I Samuel 2:18

Samuel duh broă di đap Yàng Jehôwa; khai la dô nă kơnòm klau soh dô nơm Ephot mơ bài che dơmài lơbơn.