Mathiơ 11:11 - Sră Goh 2018

¹¹ Di ngan Añ đơs mơ bol mê, tòm ală cau deh bơh cau ùr, ò gơs cau lơi dờng màng rlau mơ Jang Ƀaptis, mơya cau dềt rlau jơh tòm lơgar đang trồ la dờng rlau mơ khai.

Mathiơ 11:11 Mawu Ofanana

Sră Jop 14:1

“Kòn mơnus deh bơh cau ùr, kis tòm dô êt ngai, bềng lìu bơta bòl glar.

Sră Jop 14:4

Ñcau rgơi cèng dô nơm phan sàng goh lik bơh dô nơm phan ò sàng goh sơl ơ? Ò gơs dô nă cau lơi rgơi lơh!

Sră Jop 15:14

Jơi kòn mơnus la ñchi mơ rgơi gơlik sàng goh taih? Hala ală cau deh bơh cau ùr rgơi geh kòp la song ring ơ?

Sră Jop 25:4

Gen mbe rgơi dô nă cau geh kòp la song ring di đap Yàng Tom Trồ taih? Mbe rgơi dô nă cau deh bơh cau ùr gơlik gơs sàng goh taih?

Đơs Crih 51:5

Ngan behơ̆, añ neh deh tòm bơta iơh bơsak, Mè añ jê neh bun añ tòm tồi glài.

Esai 30:26

Mat kơnhai rơp àng kung be mattơngai, mơ bơta àng mattơngai dê rơp àng poh dơ̆ rlau, be bơta àng poh ngai wil tơl, tòm ngai Yàng Jehôwa pùt ală tiah sồt làng bol Kơnràñ dê mơ sơmbòi tềl sồt mơ Kơnràñ neh lơh di bol khai bơh nhơm khồm Kơnràñ dê.

Sacari 12:8

Tòm ngai hơ̆, Yàng Jehôwa rơp cang kìng ală cau ơm tòm Jerusalem, tian gơs ală cau lơbơn rlau jơh tòm gùl bol khai rơp gơlik gơs kung be Dabit, mơ hìu Dabit rơp gơlik gơs kung be Yàng Tom Trồ, kung be cau gơnrơh Yàng Jehôwa dê ơm di đap bol khai.

Mathiơ 11:10

Bơh cau hơ̆ mơ gơs jơnau cih lah: ‘Do, Añ sồr cau kong sồr Añ jê lòt lài di đap mê, La cau rơp wàs gùng lài mê in.’

Mathiơ 11:12

Bơh ngai Jang Ƀaptis dê jơl tus tŭ do, lơgar đang trồ neh geh bơtào tơngguh pràn kơldang, mơ cau pràn kơldang tòmpìt geh gơ.

Mathiơ 3:1

Tòm ală ngai hơ̆, Jang Ƀaptis tus bơto yal tòm ƀlàng ngềt ngơt Jude lah:

Mathiơ 3:11

Đah mơ añ, añ lơh ƀaptem bol mê in mơ dà nàng yal tơlik bơta gơjrañ sang glài. Mơya Bơtau tus tơnơ̆ añ gơs gơnoar pràn rlau mơ añ, añ ò di pal at gơltau jă Kơnràñ dê. Kơnràñ rơp lơh ƀaptem bol mê in mơ Yàng Hwềng Goh mơ ồs.

Mathiơ 5:19

Behơ̆ dilah cau lơi lơh tìs dô bơta dềt rlau jơh tòm ală bơta sồr lam do mơ bơto cau lơh behơ̆, gen khai rơp geh sơnđan la dềt rlau jơh tòm lơgar đang trồ. Ai dilah cau lơi lơh jat mơ bơto sồr ală bơta sồr lam hơ̆, gen rơp geh sơnđan la dờng tòm lơgar đang trồ.

Luka 1:15

Bơh khai rơp la dờng màng di đap Yàng, ò gơs ñô tơrnòm hala alak, mơ geh bềng lìu Yàng Hwềng Goh bơh tòm kơndul mè.

Luka 7:28

Añ đơs mơ bol mê, tòm ală cau deh bơh cau ùr, ò gơs cau lơi dờng rlau mơ Jang; mơya cau dềt rlau jơh tòm lơgar Yàng Tom Trồ la dờng rlau mơ khai.”

Luka 9:48

mơ đơs mơ bol khai lah: “Dilah cau lơi bơh sơnđan Añ mơ wă rò kòn dềt do, hơ̆ la wă rò Añ; ai cau lơi wă rò Añ hơ̆ la wă rò Bơtau neh sồr Añ lòt tus. Bơh cau lơi dềt rhền rlau jơh digùl bol mê, hơ̆ la cau dờng rlau jơh.”

Jang 1:15

Jang lơh cơng bơh Kơnràñ mơ yal dờng lah: “Bơh Bơtau hơ̆ mơ añ neh đơs: ‘Bơtau tus tơnơ̆ añ lin rlau mơ añ, bơh Kơnràñ neh gơs lài mơ añ.’”

Jang 1:27

Bơtau hơ̆ tus tơnơ̆ añ, añ ò pal hồ che khŏ Kơnràñ.”

Jang 10:41

Gơs oă cau lòt tus hơ Kơnràñ mơ đơs lah: “Jang ò lơh dô nơm tềl krơi lơi ò, mơya ală bơta Jang neh đơs bơh cau do la song ngan.”

Jang 3:30

Kơnràñ pal tơngguh, añ pal tơmù.

Jang 5:35

Jang la be ồs đèng neh chu mơ pơnđàng, ai bol mê gen kòñ hòn chò ing tòm bơta àng khai dê.

Jang 7:39

Kơnràñ đơs bơta hơ̆ la sơnio bơh Yàng Hwềng mơ ală cau dòn Kơnràñ rơp dòp geh; bơh Yàng Hwềng òhềt mù, tài bơh Yàng Jesu òhềt geh gơklŏ.

I Kôrintô 15:9

Bơh añ la dềt rlau jơh tòm ală cau gơnoar bơto dờng, ò di pal sơnđan la cau gơnoar bơto dờng, tài bơh añ neh kup kơryan Hìu Jum Goh Yàng Tom Trồ dê.

I Kôrintô 6:4

Behơ̆, dilah oh mi pal cahrña ală broă bal mơ rài kis do, gen mbe lơh oh mi cèng ală bơta hơ̆ ai ală cau ò gơrê bal mơ Hìu Jum Goh lơh gơs cau cahrña taih?

Ephesô 2:3

Lài òr bol he jơh tơl nă kung lơh lòt bal mơ bol khai, kis tòm bơta hàm kòñ is poac să dê, lơh ală bơta poac să mơ nùs kơlôi kòñ, ngan la cau rơp kong bơta gơjrañ dờng Yàng dê, kung be cau ndai.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

II Timôthe 1:10

tŭ do geh ràng tơlik bơh bơta tơlik să Yàng Krist Jesu, la Yàng Dong Klàs bol he dê, Bơtau neh tơnroh bơta chơt, ngui Jơnau Niam ràng tơlik loh làng bơta kis mơ bơta ò ồm lề.

Hebrơ 11:40

bơh Yàng Tom Trồ neh rcang sir bơta niam rlau bol he in, tồ rlau mơ bol he gen bol khai ò tus hơ bơta wil tơl.

I Pier 1:10

Bơh bơta dong klàs hơ̆, ală cau gơnoar hwơr neh sền sơwì nền cê, mơ yal lài bơh bơta nđàc mơ Yàng Tom Trồ rơp ai oh mi in.

I Samuel 2:30

Gen tàng Jehôwa Yàng Tom Trồ Israel dê đơs be do: ‘Añ neh ho lah hìu mê mơ hìu ồng pàng mê rơp duh broă di đap Añ sùm sùm.’ Mơya tŭ do Yàng Jehôwa đơs lah: ‘Bơta hơ̆ ngài ngan bơh di Añ! Bơh cau lơi ki ngàm di Añ gen Añ rơp ki ngàm di bol khai, ai ală cau lơi sền òsơp di Añ gen bol khai rơp kong sền òsơp.