Mathiơ 10:42 - Sră Goh 2018

⁴² Cau lơi ai dô nă tòm mpồl kơnòm dềt do in mìng hùc dô mơngàn dà ngềt lơm, tài bơh kơnòm hơ̆ la cau bơtê Añ jê, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê.”

Mathiơ 10:42 Mawu Ofanana

I Ală Bơtau 17:11

Tòm tŭ khai lòt bơ̆ dà, gen Eli hòi khai mơ đơs lah: “Cèng añ in dô pet piang lă sơl.”

II Ală Bơtau 4:10

Bol he lơh tĕ dô nơm ơdŭ dềt hơđang rkàng mơ ală dơrñang, mơ ơn tòm hơ̆ dô nơm cơnòng bic, dô nơm cơnòng cih; dô nơm cơnòng nggui, mơ dô nơm ồs đèng khai in. Behơ̆ nàng khai in ơm tềng hơ̆ kòp dơ̆ khai tus hìu he.”

Jơnau Pơnđik 19:17

Cau lơi nđàc sơngit cau rƀah, hơ̆ la ai Yàng Jehôwa in càn jồm; Kơnràñ rơp tơm wơl broă bơta nđàc hơ̆ khai in.

Jơnau Pơnđik 24:14

Git tĕ bơta jak chài hwềng soàn kòn in kung behơ̆ sơl; Dilah kòn jòi geh bơta jak chài, kòn rơp jòi geh phan ƀàn, mơ bơta gơn kơnòm kòn dê rơp ò gơkòl roh rui.

Cau Bơto 11:1

Pơyoa tĕ ƀañ mê dê hơđang nha dà, bơh tơnơ̆ mơ oă ngai mê rơp bàn gơ wơl.

Sacari 13:7

Yàng Jehôwa Gơnap Gơnoar Dờng Làm Jơh đơs lah: “Ơ đào, kah rngal tĕ tòmdră mơ cau ê belàt Añ jê, tòmdră mơ cau neh lơh jơnau tòmkơt mơ Añ! Pù lơh tĕ cau ê belàt, mơ ală belàt rơp nrah nring, mơ Añ rơp tơrwơl tê tòmdră mơ ală kòn dềt.”

Mathiơ 18:10

“Kơrhia tĕ, bañ sền òsơp di dô nă tòm ală cau dềt do, bơh Añ đơs mơ bol mê, hơđang trồ ală cau gơnrơh bol khai dê gŏ sùm mat Bèp Añ ơm hơđang trồ. [

Mathiơ 18:14

Kung behơ̆ sơl, Bèp bol mê ơm hơđang trồ ò kòñ dô nă tòm ală cau dềt do roh rui.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Luka 17:2

Chan kơt mpal lŭ di ngko khai mơ sơrbì tòm dàlềng la niam rlau mơ lòi khai in lơh gơtup tìs dô nă tòm ală kòn dềt do.

Luka 6:35

Mơya kòñ gơboh tĕ di ală cau sò tơm, lơh niam tĕ, ai càn tĕ mơ bañ kơp kòñ tơm wơl, gen phan ƀàn bol mê dê rơp la dờng mơ bol mê rơp lơh gơs kòn Bơtau Hơđang Rlau Jơh dê; bơh Kơnràñ la kơ̆ dơn gơwèt mơ ală cau ò kah bơta nđàc mơ ală cau iơh bơsak.

II Kôrintô 8:12

Bơh dilah cau lơi gơs nùs kòñ ơn, gen phan ơn geh Yàng Tom Trồ dòp jat bơta he gơs, ò di jat bơta he ò gơs.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.