Mathiơ 10:26 - Sră Goh 2018

²⁶ “Behơ̆ bañ rngòt di bol khai, bơh ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò gơ ràng tơlik.

Mathiơ 10:26 Mawu Ofanana

Jơnau Pơnđik 10:9

Cau lơi lòt tòm bơta song ngan gen cơnđòa lòt kơ̆ wền; Ai cau lơi jat gùng rkwet rkwe gen cau rơp jòi bàn.

Jơnau Pơnđik 28:1

Cau iơh ntoat dô bulah ò gơs cau ting jat; mơya cau song ring pràn kơldang be dô nơm klìu triă.

Jơnau Pơnđik 29:25

Bơta rngòt di kòn mơnus la pơt dă; mơya cau lơi dòn kơnòm Yàng Jehôwa gen geh bơta lơngap lơngai.

Cau Bơto 12:14

Bơh Yàng Tom Trồ rơp cèng jơh ală broă lơh nàng cahrña, mơ jơh ală broă ndơp ndơr rlau jơh, bulah niam hala iơh.

Esai 41:10

Bañ rngòt, bơh Añ ơm bal mơ mê; bañ rngòt rngơt, bơh Añ la Yàng Tom Trồ mê dê. Añ rơp lơh mê in pràn kơldang, Añ rơp dong kòl mê mơ rơp yò tơngguh mê mơ tê ma pha lin rlau Añ jê.

Esai 41:14

Ơ tu rhài Jakôp dê, bañ rngòt! Ơ kih rhài Israel dê! Añ rơp dong kòl mê, Yàng Jehôwa behơ̆ đơs! Bơtau Dong Tơwài mê, la Bơtau Sàng Goh Israel dê đơs behơ̆.

Jeremi 1:8

Bañ rngòt di bol khai; Bơh Añ ơm mơ mê nàng dong klàs mê.” Yàng Jehôwa đơs behơ̆.

Ejekiel 2:6

Ai mê, ơ kòn mơnus, mê bañ rngòt di bol khai hala di jơnau đơs bol khai dê. Bañ rngòt bulah lò mrơt lò mang rồng gùt dar mê, mơ mê ơm digùl ală diang. Bañ rngòt di jơnau lơi bol khai đơs, mơ bañ rơm să tài bơh bol khai, bơh bol khai la dô nơm hìu jak tòmdră.

Mathiơ 10:28

Bañ rngòt di cau tơnchơt să jan mơ ò rgơi tơnchơt hwềng soàn; mơya chan rngòt tĕ di Bơtau rgơi tơnroh hwềng soàn bal mơ să jan tòm brong ồs.

Jơnau Niam Jat Mak 4:22

Bơh ò gơs bơta lơi pồn mơ ò gơ pò tơlik, kung ò gơs broă lơi ndơp mơ ò gơlik loh làng.

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Luka 8:17

Bơh ò gơs bơta lơi pồn mơ ò gơ pò tơlik, kung ò gơs broă lơi ndơp mơ ò geh git mơ ò gơtơlik loh làng.

Broă 1:8

Mơya tòm tŭ Yàng Hwềng Goh mù hơđang bol mê, gen bol mê rơp dòp geh gơnap gơnoar, mơ rơp lơh gơs cau lơh cơng bơh Añ tòm ƀòn dờng Jerusalem, jơh lơgar Jude, lơgar Samari, jơl tus làm plai ù.”

Broă 4:13

Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 4:19

Mơya Pier mơ Jang ho lah: “Ală ồng sền sơwì tĕ di đap Yàng Tom Trồ, lơh jat jơnau ală ồng dê hala lơh jat jơnau Yàng Tom Trồ dê?

I Kôrintô 4:5

Behơ̆ bañ cahrña gòñ ir, pal gơn tus di tŭ Yàng tus. Kơnràñ rơp ràng tơlik hơ bơta àng ală bơta pồn ndơp tòm tiah klam jơngo, mơ yal tơlik ală bơta lơh nền tòm nùs cau; mơ tŭ hơ̆ kòp nă cau rơp dòp bơta jòng ro bơh Yàng Tom Trồ.

I Pier 3:14

Mơya dilah oh mi bơh bơta song ring mơ pal kong bòl glar jê sồt, gen gơs lơngai. Bañ rngòt, kung bañ dơrcul nùs bơh broă iơh bol khai lơh di he.