Mathiơ 1:20 - Sră Goh 2018

²⁰ Mơya tòm tŭ Jôsep kơlôi sơnơng bơh bơta hơ̆, gen dô nă cau gơnrơh Yàng dê tơnggŏ mơ khai tòm mpau mơ đơs lah: “Ơ Jôsep, kòn sau Dabit, bañ rngòt dòp tĕ Mari la bau mê, bơh kòn mơ khai neh bun hơ̆ la bơh Yàng Hwềng Goh.

Mathiơ 1:20 Mawu Ofanana

Sơnròp Gơlik Gơs 31:11

Cau gơnrơh Yàng Tom Trồ đơs mơ añ tòm mpau lah: ‘Ơ Jakôp!’ Añ ho: ‘Gơs añ do.’

Sơnròp Gơlik Gơs 46:3

Yàng Tom Trồ đơs lah: “Añ la Yàng Tom Trồ bèp mê dê. Mù tĕ hơ Ejiptơ, bañ rngòt bơh tềng hơ̆ Añ rơp lơh mê in gơlik gơs dô nơm làng bol dờng.

I Ală Bơtau 17:13

Eli đơs mơ khai lah: “Bañ rngòt, lòt tĕ lơh be jơnau ai neh đơs; mơya lài ngan lơh tĕ añ in dô pet piang lă dềt, mơ cèng añ in; tơnơ̆ mơ hơ̆ lơh tĕ piang lă ai in mơ kòn klau ai in.”

I Ală Bơtau 3:5

Tòm Gabaôn, Yàng Jehôwa tơlik mat mơ Salômôn tòm bơta mpau tòm trồ mang, mơ Yàng Tom Trồ đơs lah: “Dan tĕ bơta lơi mê kòñ Añ ai mê in.”

Đơs Crih 119:125

Añ la cau duh broă Yàng dê; dan ai añ in bơta git wă, Nàng añ in rgơi git ală jơnau sồr kràñ cê Kơnràñ dê.

Đơs Crih 143:8

Tòm àng drim, dan ai añ in kơno bơta kòñ gơboh kơ̆ dơn Yàng dê, Bơh añ dòn kơnòm di Yàng. Dan bơto añ in git gùng dà añ pal lòt, Bơh hwềng soàn añ tơnggòr sền Yàng.

Đơs Crih 94:19

Tòm tŭ gơs oă bơta kơlôi rcang tòm nùs añ jê, Gen bơta pơndòm pơniang Kơnràñ dê lơh chò hòp hwềng soàn añ.

Jơnau Pơnđik 12:5

Bơta kơlôi sơnơng cau song ring dê la di pal; Mơya bơta kơlôi bơyai cau iơh la ma blac.

Esai 26:3

Ală cau kơ̆ nùs Yàng rơp prap gàr tòm bơta lơngap lơngai, tài bơh khai dòn kơnòm di Kơnràñ.

Esai 30:21

Bulah bol mê pơrlac đah ma hala đah kiau, tồr bol mê rơp kơno gơs sap đơs đah ngkòi bol mê lah: “Do la gùng, lòt tĕ tòm hơ̆!”

Esai 51:7

Iat tĕ Añ! Ơ bol mê la ală cau git bơta song ring, la làng bol gơs bơta bơto sồr Añ jê tòm nùs bol mê dê; Bañ rngòt di bơta lah pơrhơng kòn mơnus dê, hala rngòt rơm să di jơnau lah sơrpah bol khai dê.

Esai 7:13

Gen Esai đơs lah: “Iat tĕ do, ơ hìu Dabit! Bol mê lơh dơrcul bơta kong ơt kòn mơnus dê la ò tơl sơl ơ? Bol mê kung rơp lơh dơrcul Yàng Tom Trồ añ jê tai sơl ơ?

Esai 7:2

Tòm tŭ hìu Dabit kơno lah: “Aram neh lơh gơs dô bă bal mơ Epraim,” gen nùs Aca mơ làng bol khai dê wañ lơnggơh kung be chi tòm brê gơ ơwañ bơh càl.

Jeremi 31:22

Ơ kòn ùr ò dòn song, ai rơp lòt lềng làng jơl tus di tŭ lơi taih? Bơh Yàng Jehôwa neh bơtào gơs dô bơta pa hơđang ù, Hơ̆ la cau ùr rơp gòm gơrwàng cau klau.”

Jeremi 33:26

gen kung behơ̆, Añ rơp sang lòi jơi bơtiàn Jakôp mơ jơi bơtiàn Dabit dĭ gơna Añ jê, tian gơs Añ rơp ò sac rwah dô nă tòm ală kòn sau khai dê lơh gơs cau at bồ jơi bơtiàn Abraham, Isak, mơ Jakôp dê. Bơh Añ rơp bơtào wơl sre brê bol khai dê, mơ rơp nđàc sơngit di bol khai.’”

Jeremi 40:9

Gedalia, kòn klau Ahikam, sau Saphan, ngui jơnau srat să ho nền mơ ală cau hơ̆ bal mơ ală cau mơ bol khai lah: “Bañ rngòt duh broă cau Kalde; ơm tĕ tòm lơgar mơ duh broă bơtau Babilôn, gen rơp gơs niam bol mê in.

Jôel 2:28

Tơnơ̆ mơ hơ̆, Añ rơp tuh Hwềng Añ hơđang jơh ală poac să. Kòn klau mơ kòn ùr bol mê dê rơp đơs hwơr, Ală cau kra bol mê dê rơp gŏ bơta mpau, ală cau pơnu bol mê rơp gŏ bơta gơtơnggŏ.

Khà Làng Bol 12:6

Kơnràñ đơs lah: “Iat tĕ jơnau Añ: Tòm tŭ dô nă cau gơnoar hwơr Yàng Jehôwa dê ơm digùl bol mê, Añ yal tơlik să tòm Añ khai in tòm ală bơta gơtơnggŏ, Añ đơs mơ khai tòm ală bơta mpau.

Mathiơ 1:18

Mơ tai, bơta lik lìng Yàng Jesu Krist dê neh gơlik gơs be do. Tòm tŭ Mari mè Yàng Jesu neh ho bau mơ Jôsep, mơya lài mơ tŭ bol khai òhềt ơm bal, gen khai neh bun bơh Yàng Hwềng Goh.

Mathiơ 2:12

Gen Yàng Tom Trồ yal bol khai in tòm mpau bañ rê wơl hơ Herôt, gen tàng bol khai lòt gùng ndai mơ rê hơ lơgar bol khai dê.

Mathiơ 2:13

Tòm tŭ bol hơ̆ neh lòt rau, ne, dô nă cau gơnrơh Yàng dê tơnggŏ mơ Jôsep tòm mpau mơ sồr lah: “Guh tĕ, cèng kòn dềt mơ mè Kơnràñ dô pleh tòm lơgar Ejiptơ, mơ kư̆ ơm tềng hơ̆ jơl tus dê tŭ añ yal mê in, bơh Herôt rơp jòi kòn dềt hơ̆ nàng tơnroh.”

Mathiơ 2:19

Tòm tŭ Herôt neh chơt rau, gơs dô nă cau gơnrơh Yàng dê tơnggŏ mơ Jôsep tòm mpau tòm Ejiptơ mơ sồr lah:

Mathiơ 2:22

Mơya tòm tŭ kơno Acelaus at bồ lơgar Jude ala Herôt bèp khai, gen Jôsep rngòt rê tềng hơ̆, mơ bơh Yàng Tom Trồ yal tòm mpau, gen tàng khai pleh tòm kơnhwàl Galile,

Mathiơ 27:19

Tòm tŭ cau kwang đơng lơgar gam nggui hơđang cơnòng cahrña, bau ùr Pilat sồr cau lòt đơs mơ khai lah: “Mê bañ ƀư di cau song ring hơ̆, bơh khai mơ tòm ngai do añ neh kong bòl glar ngan tòm bơta mpau.”

Mathiơ 28:5

Gen cau gơnrơh đơs mơ ală cau ùr hơ̆ lah: “Bañ rngòt, bơh añ git bol ai jòi Yàng Jesu, Bơtau neh kong pơng di chi pơng.

Luka 1:19

Cau gơnrơh đơs lah: “Añ la Gabriel ntào di đap Yàng Tom Trồ; añ geh sồr lòt tus nàng đơs mơ yal jơnau niam do mê in.

Luka 2:4

Bơh Jôsep la bal mơ hìu nhă jơi bơtiàn Dabit dê, gen kung bơh Nasaret tòm Galile guh hơ Jude, tus hơ ƀòn dờng Dabit, sơnđan la Betlehem,

Broă 5:19

Mơya tòm mang hơ̆ gơs dô nă cau gơnrơh Yàng dê pò mpồng hìu jàm tơlik ală cau gơnoar bơto dờng mơ nting lah:

Yal Tơlik 19:7

Bol he hòn chò mơ hừh hơh tĕ, jòng ro tĕ Kơnràñ; Bơh bơta tòmbau Belàt Kòn dê neh tus rau, mơ bau ùr Kơnràñ dê neh sơmpô să sir rau.

Ală Kwang Cahrña 13:3

Cau gơnrơh Yàng Jehôwa dê tơlik mat mơ cau ùr hơ̆ mơ đơs lah: “Bulah ai la kơnền ò deh kòn, mơya ai rơp bun mơ deh dô nă kòn klau.