Mathiơ 1:11 - Sră Goh 2018

¹¹ Jôsia tơnggơs Jekônia mơ ală oh mi khai, di tŭ gơtìp cau cèng hơ Babilôn.

Mathiơ 1:11 Mawu Ofanana

II Ală Bơtau 23:31

Jôaca neh bàr jơt pe sơnam tòm tŭ khai sơntòm at bồ; khai at bồ pe kơnhai tòm Jerusalem. Mè khai sơnđan la Hamutal, kòn ùr Jeremi dê ơm tòm Lipna.

II Ală Bơtau 24:14

Khai cèng pơrdô jơh làng bol Jerusalem, jơh ală kwang at bồ ling, mơ ală cau ling tòmlơh pràn kơldang lòt, kup cèng jơt rbô nă; jơh ală cau chài lơh chi mơ cau chài tiar lòs; ò lòi dô nă lơi, mìng gam ală cau rƀah rlau jơh tòm lơgar.

II Ală Bơtau 25:11

Kwang sền gàr bơtau Nebujaradan kup cèng pơrdô jơh ală làng bol gam wơl tòm ƀòn, bal mơ jơh ală cau neh sang mpồl ling mơ lòt jat bơtau Babilôn mơ mpồl làng bol gam wơl.

II Yal Yau 36:10

Tòm kơnhai bơkào chi che bơtau Nebukatnessar sồr cau kup khai cèng tus hơ Babilôn, bal mơ ală phan ngui kas màng bơh di hìu duh khoai Yàng Jehôwa dê, mơ bơtào wa khai la Jedekia gơs bơtau at bồ hơđang Juda mơ Jerusalem.

II Yal Yau 36:20

Khai cèng pơrdô hơ Babilôn ală cau neh klàs bơh đào, mơ bol khai gơlik gơs ală cau duh broă khai in mơ ală kòn klau khai in, jơl tus di tŭ lơgar Persia geh bơtào kơ̆.

Esai 13:1

Do la jơnau đơs hwơr bơh Babilôn mơ Esai, kòn klau Amôs, neh gŏ:

Jeremi 27:20

ală phan mơ Nebukatnessar, bơtau Babilôn òhềt cèng, tŭ khai kup Jekônia kòn klau Jehôyakim bơtau Juda, bal mơ ală cau màng ryŭ tòm lơgar Juda bal mơ Jerusalem nàng cèng hơ lơgar Babilôn gơs dĭ sơl;

Jeremi 39:9

Nebujaradan, cau lam bồ mpồl ling kơp gàr bơtau, kup ală làng bol gam ơm wơl tòm ƀòn, mơ ală cau kong alah, bal mơ ală cau gam ơm wơl tòm lơgar, cèng pơrdô hơ lơgar Babilôn.

Daniel 1:2

Yàng Jehôwa jào Jehôyakim bơtau Juda tòm tê Nebukatnessar bal mơ dô pơnah ală phan ngui tòm hìu duh khoai Yàng Tom Trồ dê. Bơtau Babilôn sồr cèng ală phan ngui hơ̆ tus tòm tiah Sinar, mơ prap tòm đam jàr hìu duh khoai ală yàng khai dê.

Mathiơ 1:12

Dơ̆ neh gơtìp cau cèng hơ Babilôn rau, gen Jekônia tơnggơs Salathiel, Salathiel tơnggơs Jerubabel,

Mathiơ 1:17

Behơ̆, bơh Abraham tus dê Dabit jơh ală la jơt poan rài, bơh Dabit tus dê tŭ gơtìp cau cèng hơ Babilôn la jơt poan rài, mơ bơh dê tŭ gơtìp cau cèng hơ Babilôn tus dê Bơtau Krist la jơt poan rài sơl.