Malaci 3:8 - Sră Goh 2018

⁸ “Dô nă kòn mơnus rơp sa kơñau bơh di Yàng Tom Trồ sơl ơ? Mơya bol mê kơñau bơh di Añ.” Mơya bol mê lùp lah: “Mbe bol hi sa kơñau Kơnràñ taih? Bol mê neh sa kơñau tòm ală pơnah jơt mơ tòm ală phan ơn.

Malaci 3:8 Mawu Ofanana

Đơs Crih 29:2

Jòng ro tĕ Yàng Jehôwa bơh bơta gơklŏ sơnđan Kơnràñ dê; duh khoai tĕ Yàng Jehôwa tòm bơta sàng goh ryŭ ryơm.

Jơnau Pơnđik 11:24

Gơs cau rsìh phan mơna he dê, sơlo gơlik pas sơm; Kung gơs cau sềt pơniă kong bơta siơ̆u siar lơm.

Esai 43:23

Mê neh ò cèng belàt lơh gơs phan ơn chu pơrguc Añ in, neh ò ơn phan ơn duh khoai nàng dòn duh Añ. Añ ò lơh kơnjơ̆ kơnjut di mê bơh phan ơn mơ kòi mbo, kung ò tơmbòl mê chu kơlhô.

Lebi 19:25

Mơya tòm nam dơ̆ pram bol mê rgơi sa plai gơ dê. Lơh behơ̆ gen plai đo bol mê dê rơp geh gơbơtơl oă. Añ la Jehôwa Yàng Tom Trồ bol mê dê.

Sacari 5:3

Khai đơs mơ añ lah: “Hơ̆ la bơta srat sơntơm hơđang làm lơgar: kòp nă cau ntung kơñau rơp kong tơnroh jat be jơnau cih hơđang đah do sră; mơ kòp nă cau srat să rơp kong tơnroh jat be jơnau cih đah ne sră.”

Malaci 1:13

Bol mê đơs lah: “Ñchi gơs dô bơta bòl glar do taih!” Bol mê chềr muh sền òsơp di Añ. Yàng Jehôwa Gơnap Gơnoar Dờng Làm Jơh đơs behơ̆. “Bol mê cèng ală phan neh tòmpìt sơmbrơt hala kwet gơlte mơ kòp jê, mơ ơn bol gơlơh gơs ală phan ơn duh khoai, gen Añ pal dòp bol gơ bơh di tê bol mê sơl ơ?” Yàng Jehôwa đơs behơ̆.

Malaci 1:8

Tòm tŭ bol mê cèng ală phan poan jơng jơngo mat lơh gơs phan ơn duh khoai, bơta hơ̆ la ò tìs sơl ơ? Tòm tŭ bol mê ơn ală phan poan jơng kwet gơlte hala kòp jê, bơta hơ̆ la ò tìs sơl ơ? Lòng ơn bol gơ cau kwang đơng lơgar mê in! Khai rơp niam nùs di mê hala khai rơp dòp phan mê sơl ơ?” Yàng Jehôwa Gơnap Gơnoar Dờng Làm Jơh đơs behơ̆.

Mathiơ 22:21

Bol khai ho lah: “Sesa dê.” Gen Kơnràñ đơs mơ bol khai lah: “Behơ̆ tơm wơl tĕ Sesa in phan lơi Sesa dê, mơ tơm wơl tĕ Yàng Tom Trồ in phan lơi Yàng Tom Trồ dê.”

Jơnau Niam Jat Mak 12:17

Yàng Jesu đơs lah: “Tơm wơl tĕ bơtau in phan lơi bơtau dê, mơ tơm wơl tĕ Yàng Tom Trồ in phan lơi Yàng Tom Trồ dê.” Bol khai ai lơh krơi ngan bơh Yàng Jesu.

Luka 20:25

Chòp Kơnràñ đơs mơ bol khai lah: “Behơ̆ tơm wơl tĕ Sesa in phan lơi Sesa dê, mơ tơm wơl tĕ Yàng Tom Trồ in phan lơi Yàng Tom Trồ dê.”

Rôma 13:7

Tơm tĕ bol khai in bơta he pal tơm; boh dia tĕ di cau he pal boh dia; tă dia tĕ di phan lơi he pal tă; rngòt tĕ di cau he pal rngòt; ki ngàm tĕ di cau he pal ki.

Rôma 2:22

Mê đơs lah bañ tìs glài rềs àr bơrnàn, mơya mê tìs glài rềs àr bơrnàn ơ? Mê gơjrañ di rùp ràk, mơya mê kơñau ală phan tòm hìu duh khoai rùp ràk ơ?

Jôsue 7:11

Israel neh tìs glài; bol khai neh lơh tìs mơ bơta ho bal Añ jê mơ Añ neh sồr bol khai pal prap. Bol khai neh ai phan pal phi ơn; bol khai neh kơñau, neh lơh bơta blac pơrlồm mơ neh ơn ală phan hơ̆ bal mơ ală phan tòm bol khai dê.